Warning Against the Strange Woman

¹Ntlo ya gagwe e iša Bodulabahu; ba theogela gona bodulabahu."

²Na bohlale ga bo goeletše, gomme temogo yona ya hlaboša lentšu la yona?"

³Bohlale bo eme mafelong a phagamego, kgauswi le tsela le magahlanong a ditsela."

⁴Bo goeletša bo le ka thoko ga dikgoro, kgorong ya motse le moo go tsenwago gona, bo re:"

⁵“Lena banna, ke a le bitša, ke goeletša barwa ba batho."

⁶Lena ba se nago temogo, ebang le bohlale; lena ditlaela, ebang le pelo e lemogago."

⁷Theetšang, ka gobane ke bolela ka dilo tša bohlokwa kudu gomme molomo wa ka o bolela ka tša go loka."

⁸Magalagapa a ka a bolelela fase a bolela therešo; molomo wa ka o šišingwa bokgopo."

⁹Dipolelo tša molomo wa ka ka moka ke tša go loka. Go tšona ga go e raranego goba e kgopamego."

¹⁰Ka moka ga tšona di a rereša go yo a nago le temogo, gomme di lokile go bao ba nago le tsebo."

¹¹Amogelang tayo ya ka e sego silifera, le amogeleng le tsebo go e na le gauta e botse."

¹²Ka gobane bohlale bo phala maswika a bohlokwa a ka lewatleng, gomme dilo tše dingwe ka moka tšeo o di ratago di ka se lekanywe le bjona."

¹³“Nna bohlale ke dutše le temogo gomme ka hwetša tsebo le tlhaologanyo."

¹⁴Go boifa Jehofa ke go hloya bobe. Ke hloile boikgodišo, boikgantšho, tsela e mpe le molomo o kgopamego."

¹⁵Ke na le keletšo le bohlale. Ke na le tlhaologanyo; ke na le matla."

¹⁶Dikgoši di buša ka nna gomme matona a bea melao ya go loka ka nna."

¹⁷Dikgošana di buša ka nna gomme bakgomana ka moka ba ahlola ka go loka ka nna."

¹⁸Ke rata bao ba nthatago gomme ke hwetšwa ke bao ba ntsomago."

¹⁹Ke na le mahumo le letago gotee le leruo la makgonthe le go loka."

²⁰Dienywa tša ka di phala gauta, di phala le gauta e sekišitšwego gomme tšeo ke di tšweletšago di phala silifera e botse."

²¹Ke sepela tseleng ya toko le ditseleng tša toka,"

²²gore ke nee bao ba nthatago lehumo; ke dula ke tladitše dintlo tša bona tša polokelo."

²³“Jehofa o mpopile ke le mathomo a tsela ya gagwe, ke le wa pelepele wa mediro ya gagwe ya kgalekgale."

²⁴Ke be ke šetše ke beilwe boemong bja ka go tloga kgalekgale, mathomong pele ga ge lefase le bopša."

²⁵Ke belegwe mola go sešo gwa ba le madiba a meetse, go sešo gwa ba le methopo yeo e elago meetse."

²⁶Ke belegwe pele ga ge dithaba le meboto di eba gona,"

²⁷pele ga ge a ka bopa lefase le melala le dikarolwana tša pele tša lerole la lefase."