Various Warnings

¹Na motho a ka gokolela mollo sehubeng sa gagwe gomme diaparo tša gagwe tša se swe?"

²Goba na motho a ka sepela magaleng gomme maoto a gagwe a se swe?"

³Go bjalo le ka mang le mang yo a robalago le mosadi wa wa gabo, ka ge yo a mo kgwathago a ka se leswe a sa otlwe."

⁴Batho ga ba nyatše lehodu ge le utswišwa ke gore le ikhoriše ge le swerwe ke tlala."

⁵Eupša ge le ka hwetšwa, le tla lefišwa gašupa; le tla ntšha dilo ka moka tša bohlokwa tša ntlong ya lona."

⁶Mang le mang yo a hlotlolago le mosadi o na le pelo ya bošilo; yo a dirago seo o senya moya wa gagwe."

⁷O tla otlwa le go hlomphollwa gomme kgobogo ya gagwe e ka se phumolwe."

⁸Ka gobane lehufa le befediša monna gomme a ka se šokele motho mohlang a itefeletša."

⁹A ka se amogele topollo ya mohuta le ge e le ofe, e bile a ka se e dumele, go sa šetšwe gore o fiwa mpho e kgolo gakaakang."

¹⁰Morwa wa ka, lota mantšu a ka gomme o boloke ditaelo tša ka."

¹¹Lota ditaelo tša ka gore o phele gomme molao wa ka o o lote go etša dithaka tša mahlo a gago."

¹²Di kgokelele menwaneng ya gago, o di ngwale pelong ya gago."

¹³E re go bohlale: “O kgaetšedi ya ka”; o bitše tlhaologanyo gore o “Moloko wešo,”"

¹⁴gore di go diše go mosadi yo a gobogilego, wa dipolelo tša boreledi."

¹⁵Ke ile ka lebelela fase ka lefasetere la ntlo ya ka,"

¹⁶gore ke bone bao ba se nago temogo. Ke ile ka kgahlwa ke gore gare ga batho ke bone lesogana leo le nago le pelo ya bošilo,"

¹⁷le sepela mokgotheng kgauswi le sekhutlo sa ntlo ya mosadi, le sepelela ntlong ya mosadi yoo,"

¹⁸nakong ya ge šwahlane e tšeatšea, e eba mantšiboa gomme leswiswi le swara."

¹⁹Mosadi yola šole o a le gahlanetša, a apere seaparo sa mogweba-ka-mmele gomme pelo ya gagwe e le ya boradia."

²⁰O hlabile lešata e bile o na le mereba. Maoto a gagwe ga a dule ntlong ya gagwe."

²¹Šo o mekgotheng e bile o marekišetšong gomme o lalela dikhutlong ka moka."

²²O ubutše lesogana a le atla. O be a bolela a se na dihlong, a re go lona:"

²³“Ke nna ke bego ke swanetše go dira dihlabelo tša mohlakanelwa. Ke phethile dikeno tša ka lehono."

²⁴Ke ka baka leo ke tlilego go go gahlanetša, go tlo go nyaka gore ke go hwetše."

²⁵Ke kgabišitše bolao bja ka ka mašela a go ala, ka mašela a mebalabala a linene ya Egipita."

²⁶Ke gašitše malao a ka ka senkgišabose seo se bitšwago mira, sa dikgopha le sa sinamone."

²⁷Etla re yo lala re ipshina ka lerato go fihla mesong; etla re thabišane ka go bontšhana lerato."

²⁸Ka gobane monna wa ka ga a gona ka gae; o tšere leeto o ile kgole."

²⁹O tšere sekhwama sa tšhelete. O tla boa gae mohlang kgwedi e tletše.”"

³⁰O arošitše lesogana ka go le phegelela ka dipolelo tše dintši. O le goketša ka molomo wa gagwe o boreledi."

³¹Gateetee ke ge lesogana le mo šetše morago go etša poo yeo e yago tlhabong, le go etša lešilo leo le tlemilwego gore le otlwe,"

³²go fihla ge le hlabja ke mosebe sebeteng, go etša ge nonyana e akgofela moreong gomme le be le sa tsebe gore seo se kgoma bophelo bja lona."

³³Bjale lena barwa ba ka, ntheetšeng gomme le eleng hloko dipolelo tša molomo wa ka."

³⁴Anke pelo ya gago e se arogele ditseleng tša mosadi yoo. O se ke wa fapogela ditseleng tša gagwe."

³⁵Ka gobane o wišitše ba bantši ka go ba bolaya gomme bohle bao a ba bolailego ka sehlogo ke ba bantši kudu."