Warning Against Folly

¹O se ke wa lesa mahlo a gago a robala goba a otsela."

²Itlhakodiše wa tshepe seatleng sa motsomi le go etša nonyana seatleng sa motanyi wa yona."

³Wena sebodu, eya go tšhoši; šetša ditsela tša yona gomme o hlalefe."

⁴Gaešita le ge e se na molaodi, mohlankedi goba mmuši,"

⁵fela e ipeela dijo selemo; e ikgobelela dijo nakong ya puno."

⁶Wena sebodu, o tla robala go fihla neng? O tla tsoga neng borokong?"

⁷Ge o duletše gore: “Ke sa robala ganyenyane, ke sa otsela ganyenyane le go phutha diatla go se nene ke robetše,”"

⁸gona o tla welwa ke bodiidi wa mohlakodi, gomme bohloki bja go hlasela bjalo ka monna yo a itlhamilego ka dibetša."

⁹Motho yo e sego wa selo, yo a gobatšago, o tšama a bolela dipolelo tše di kgopamego,"

¹⁰a ponyaponyetša motho leihlo, a thala ka leoto le go šupašupa ka menwana."

¹¹Bokgopo bo pelong ya gagwe. O dula a loga maanomabe. O duletše go baka dikgang."

¹²Ke ka baka leo a tla welwago ke tshenyego ka tšhoganetšo; o tla robega gateetee gomme a se fole."

¹³Go na le dilo tše tshela tšeo Jehofa a di hloilego; ee, ke tše šupago tšeo di mo šišimišago:"

¹⁴ke mahlo a ikgantšhago, leleme la maaka le diatla tšeo di tšhollago madi a se nago molato,"

¹⁵pelo e logago maanomabe, maoto ao a akgofelago go kitimela bobeng,"

¹⁶hlatse ya maaka yeo e hlamago maaka gotee le motho yo mongwe le yo mongwe yo a lohlanyago bana ba motho."

¹⁷Wena morwa wa ka, latela taelo ya tatago gomme o se ke wa lahla molao wa mmago."

¹⁸Dula o di bolokile pelong ya gago; o di tlemelele molaleng."

¹⁹Di tla go hlahla ge o sepela, tša go diša ge o robetše; ge o tsogile, o tla akanya ka tšona."

²⁰Ka gobane taelo ke lebone, molao ke seetša gomme kgalemelo yeo e layago ke tsela ya bophelo,"

²¹gore di go efoše go mosadi yo mobe le lelemeng le boreledi la mosadi yo a gobogilego."

²²O se ke wa kganyoga botse bja gagwe pelong ya gago, gomme anke a se go goketše ka melebelelo ya gagwe,"

²³ka ge yo a goketšwago ke mosadi wa mogweba-ka-mmele a tla hloka le ka senkgwa ka baka la gagwe; eupša ge e le mosadi wa monna o šele, yena o tla lobiša motho bophelo bja gagwe bjo bo rategago."