The Words of Agur

¹ditšie ga di na kgoši, fela ka moka ga tšona di sepela di arotšwe ka dihlopha;"

²mokgaditswane o swara ka diatla tša wona gomme o dula ntlong ya mošate ya kgoši."

³Go na le dilo tše tharo tšeo di sepelago ka bokgwari gomme ke tše nne tšeo di itshepelelago gabotse:"

⁴Ke tau yeo e fetago dibata tše dingwe ka matla le yeo e sa tšhabego motho le ge e le ofe;"

⁵ke mpša ya lephefo goba phooko gotee le kgoši ya sehlopha sa bahlabani sa setšhaba sa yona."

⁶Ge e ba o dirile tša go hloka tlhaologanyo ka go ikgogomoša, le gona ge e ba o ile wa naganišiša ka seo, gona bea seatla sa gago molomong."

⁷Go fehla maswi go tšweletša lebebe, go pitla nko go ntšha mokola gomme go tšholla bogale go baka ntwa."

⁸Mantšu a kgoši Lemuele, molaetša o bohlokwa woo mmagwe a mo filego wona e le go mo laya šo:"

⁹Ke re’ng go wena morwa wa ka, wena seenywa sa mmele wa ka, wena morwa yo ke dirilego dikeno ka yena?"

¹⁰O se nee mosadi matla a gago goba wa gafela tsela ya gago ya bophelo dilong tšeo di fedišago dikgoši."

¹¹Go rona dikgoši, wena Lemuele, go rona dikgoši go nwa beine goba gore matona a re: “Bjala bo kae?”"

¹²Gore motho a se ke a nwa ke moka a lebala taelo gomme a kgopamiša moahlolelo wa mang le mang yo e lego mohlaki."

¹³Neang yo a lego kgauswi le go hwa bjala gomme le nee bao ba kwelego bohloko beine."

¹⁴Anke motho a nwe a lebale bodiidi bja gagwe, a lebalele matshwenyego a gagwe sa ruri."

¹⁵Bula molomo o bolelele yo a sa kgonego go bolela, bula molomo o emelele bohle bao ba lego kgauswi le go hwa."

¹⁶Bula molomo wa gago, o ahlole ka go loka gomme o emelele mohlaki le modiidi."

¹⁷Mosadi wa mekgwa e mebotse a ka hwetšwa ke mang? O bohlokwa kudu go phala maswika a bohlokwa a ka lewatleng."

¹⁸Pelo ya mong wa gagwe e mmotile gomme mong wa gagwe ga a hloke selo."

¹⁹O bušetša monna wa gagwe ka tše botse e sego ka tše mpe, matšatšing ka moka a bophelo bja gagwe."

²⁰O hweditše boya le lešela, o dira mošomo le ge e le ofe wo diatla tša gagwe di thabelago go o dira."

²¹O ipontšhitše a etša dikepe tša barekiši. Dijo tša gagwe o tla le tšona di etšwa kgole."

²²Le gona o tsoga e sa le bošego a nea ba lapa la gagwe dijo gomme a nea bahlanka ba gagwe ba basadi tšeo di ba lekanego."

²³O rerile go reka tšhemo gomme a e hwetša; o bjetše serapa sa merara ka go šoma ka diatla tša gagwe."

²⁴O itokišeditše go šoma mešomo e thata gomme o tiiša matsogo a gagwe."

²⁵O bone gore kgwebo ya gagwe e sepela gabotse; bošego lebone la gagwe ga le time."

²⁶O swere toloki ka diatla tša gagwe gomme diatla tša gagwe di swere sedirišwa sa go loga."

²⁷O khupurollela bahlaki seatla sa gagwe, o swere badiidi ka diatla tša gagwe."

²⁸Marega ga a tšhogele ba lapa la gagwe, ka gobane bohle ba lapa la gagwe ba hlatlagantše diaparo."

²⁹O itiretše mašela a go ala. Diaparo tša gagwe ke tša lešela la linene le boya bjo bo tailwego ka mmala wa bophepolo bjo bohwibidu."

³⁰Mong wa gagwe ke motho yo a tsebegago ge a dula le banna ba bagolo dikgorong tša motse."

³¹O roka diaparo tša ka gare a di rekiša, a nea bagwebi mapanta."

³²Diaparo tša gagwe ke matla le kgodišo, ga a tshwenyege ka letšatši la ka moso."

³³O bula molomo wa gagwe ka bohlale, molao wa botho o lelemeng la gagwe."