Discipline and Authority

¹Indoda eyohlwaywa futhi, iyenze lukhuni intamo yayo, Iya kuchithakala ngephanyazo, kungabikho kuncedwa."

²Ekwandeni kwamalungisa bayavuya abantu; Ekulawuleni kongendawo bayagcuma abantu."

³Indoda ethanda ubulumko ivuyisa uyise; Olikholwane lamahenyukazi uchitha impahla yakhe."

⁴Ukumkani ulimisa ilizwe ngesiko; Ke yona indoda erhunywayo iyalibhukuqa."

⁵Umfo ocengacenga ummelwane wakhe Uthiyela iinyawo zakhe ngomnatha."

⁶Elukreqweni lwendoda enobubi kubakho isirhintyelo; Ke lona ilungisa limemelela livuye."

⁷Ilungisa liyalazi ibango lesisweli; Ke yena ongendawo akanangqondo yakulazi."

⁸Amadoda agxekayo aphembelela isixeko; Ke zona izilumko ziyawudambisa umsindo."

⁹Yakumangalelana indoda elumkileyo nesimathane, Soguguma sihleke, kungabikho kuthozama."

¹⁰Amadoda amagazi ayabathiya abagqibeleleyo; Nabathe tye, afuna umphefumlo wabo,"

¹¹Isinyabi siya kukhupha konke ukufutha kwaso, Ke sona isilumko sikudambisela embilinini yaso."

¹²Umlawuli olibazela indlebe ilizwi lobuxoki, Bonke abalungiseleli bakhe bangabangendawo."

¹³Ihlwempu nendoda engumxinezeli bayaqubisana; Umkhanyiseli wamehlo abo bobabini nguYehova."

¹⁴Ukumkani ogweba ityala lezisweli ngenyaniso, Itrone yakhe iya kuzinza ngonaphakade."

¹⁵Intonga nesohlwayo sinika ubulumko; Ke yena umntwana oyekelelweyo udanisa unina."

¹⁶Ekwandeni kwabangendawo luyanda ukreqo; Ke wona amalungisa aya kukubona ukuwa kwabo."

¹⁷Mqeqeshe unyana wakho, wokuphefumlisa, Awuyolise umphefumlo wakho."

¹⁸Apho kungekho mbono baba yimiqhathu abantu; Bakuwugcina umyalelo, hayi, uyolo lwabo!"

¹⁹Isicaka asiqeqeshwa ngamazwi; Kuba siyaqonda, singakhathali."

²⁰Uyayibona indoda engxamileyo ngamazwi ayo? Kukho ithemba ngesinyabi kunayo."

²¹Osifekethisayo kwasebuncinaneni isicaka sakhe Uya kwenelwa lukhula ekupheleni."

²²Indoda enomsindo ixhaya ingxabano; Umntu onobushushu uzele lukreqo."

²³Ikratshi lomntu liya kumthoba; Ke yena omoya uthobekileyo ufumana uzuko."

²⁴Owahlulelana nesela uthiya umphefumlo wakhe; Uyasiva isishwabulo, angaxeli."

²⁵Ukugubha ngumntu kunesirhintyelo; Ke yena okholose ngoYehova uya kuphakanyiselwa phezulu."

²⁶Baninzi abafuna ubuso bomlawuli; Ke lona ibango lendoda livela kuYehova."

²⁷Indoda enobugqwetha lisikizi kumalungisa; Ondlela ithe tye lisikizi kongendawo."