More Proverbs of Solomon

¹Go ja todi e ntši kudu ya dinose ga se gwa loka; na letago leo batho ba inyakelago lona ke lona letago?"

²Motho yo a sa kgonego go itshwara o etša motse wo o phušotšwego wo o se nago morako."

³Go etša ge kapoko e rona selemo le pula e rona nakong ya puno, ka mo go swanago le setlaela se ronwa ke kgodišo."

⁴Go etša ge nonyana e tšhaba ka lebaka le peolwane e fofa ka lebaka, go bjalo le ka thogako, ga e fo itlela ka ntle le lebaka le le kwagalago."

⁵Sefepi ke sa go otla pere, ditomo ke tša pokolo gomme kgati ke ya go otla mekokotlo ya ditlaela."

⁶O se ke wa araba setlaela le ge e le sefe go ya ka bošilo bja sona, e le gore o se swane le sona."

⁷Araba setlaela go ya ka bošilo bja sona, gore se se ke sa ipona se hlalefile mahlong a sona."

⁸Motho yo a lahlelago ditaba seatleng sa setlaela o etša yo a ikgaolago maoto le yo a ikgobatšago."

⁹Seema molomong wa ditlaela se etša go hlotša ga sehlotša seo se rwelego meetse."

¹⁰Motho yo a godišago setlaela o etša yo a khupetšago leswika ka mokgobo wa maswika."

¹¹Seema melomong ya ditlaela se etša tshehlo yeo e tšwilego seatleng sa letagwa."

¹²Motho yo a thwalago setlaela goba yo a thwalago mofeti wa tsela o etša mmetši wa mesebe yo a hlabago selo se sengwe le se sengwe."

¹³Setlaela se bušeletša bošilo bja sona go etša ge mpša e boela mahlatšeng a yona."

¹⁴Na o kile wa bona motho yo a iponago a hlalefile mahlong a gagwe? Go na le kholofelo kudu ka setlaela go feta ka yena."

¹⁵Sebodu se itše: “Go na le tawana tseleng, tau e marekišetšong.”"

¹⁶Mojako o duletše go dikologa pinagareng gomme sebodu sona se pshikologa bolaong bja sona."

¹⁷Sebodu se tsentše seatla sa sona moruswing; se lapile kudu moo e bilego se sa kgone go se bušetša molomong wa sona."

¹⁸Sebodu se ipona se hlalefile kudu mahlong a sona go phala batho ba šupago bao ba fetolago ka tsela e nago le tlhaologanyo."

¹⁹Motho yo a rego a iphetela ka tsela a galefa gomme a tsena ntweng yeo e sego ya gagwe o etša motho yo a swarago mpša ka ditsebe."

²⁰Go etša segaswi seo se betšago dibetša tša mollo, mesebe le lehu,"

²¹go bjalo le ka motho yo a radiilego wa gabo gomme a re: “Ke be ke fo ipapalela.”"

²²Moo go sego dikgong mollo o a tima, gomme moo go sego mothomeletši ditshele di a fela."

²³Monna wa ditshele yo a fehlago ntwa o etša malahla ao a dirago magala le dikgong tša go gotša mollo."

²⁴Mantšu a mothomeletši a etša dilo tšeo di metšwago ka go phaka, tšeo di theogelago tlasetlase mpeng."

²⁵Molomo o bolelago ka phišego mola pelo e le e mpe o etša silifera e phadimišago yeo e manegilwego lengeteng."

²⁶Motho wa lehloyo, ka molomo wa gagwe o dira gore a se lemogwe, eupša teng ga gagwe o na le bofora."

²⁷Gaešita le ge a bolela ka tsela ya go bontšha lešoko, o se ke wa mo dumela, ka gobane pelong ya gagwe go na le dilo tše šupago tše di hlaswegago."

²⁸Lehloyo la gagwe le bipilwe ke bofora. Bobe bja gagwe bo tla bipollwa phuthegong."