Warnings Against Folly

¹Xa uthe wahlala phantsi, ukuba udle nomlawuli, Qonda uqonde lowo uphambi kwakho;"

²Ubeke isitshetshe emqaleni wakho, Ukuba ungumntu onombilini."

³Musa ukuzinqwenela izidlo zakhe ezinencasa; Kukudla kwenkohliso."

⁴Musa ukuzidinisa ngokufuna ubutyebi; Yeka okwakho ukuqonda."

⁵Amehlo akho uya kuwasukelisa ubutyebi na, bungekho nje? Kuba bona buzenzela amaphiko, Buphaphazela njengexhalanga elisinge ezulwini."

⁶Musa ukudla ukudla koliso libi, Ungazinqweneli izidlo zakhe ezinencasa;"

⁷Kuba njengoko anjalo ocinga yedwa unjalo yena; Uthi kuwe, Yidla usele, Ukanti intliziyo yakhe ayinawe;"

⁸Umthamo wakho owudlileyo uya kuwuhlanza, Ulahlekwe ngamazwi akho amnandi."

⁹Musa ukuthetha ezindlebeni zesinyabi; Ngokuba siya kuyidela ingqiqo yokukhuluma kwakho."

¹⁰Musa ukuwushenxisa umlimandlela wakudala; Ungangeni emasimini eenkedama;"

¹¹Kuba umkhululi wazo womelele; Wobambana nawe yena ngobambano lwazo."

¹²Yinikele intliziyo yakho eluqeqeshweni, Neendlebe zakho entethweni yokwazi."

¹³Musa ukuluyeka uqeqesho emntwaneni; Ukuba uthe wambetha ngentonga akayi kufa."

¹⁴Wombetha ngentonga, Uhlangule umphefumlo wakhe kwelabafileyo."

¹⁵Nyana wam, ukuba ithe yalumka intliziyo yakho. Yovuya intliziyo yam, kwaeyam lo,"

¹⁶Zidlamke izintso zam Ekuthetheni komlomo wakho okuthe tye."

¹⁷Intliziyo yakho mayingabamoneli aboni; Ke mayizonde ukoyika uYehova imini yonke;"

¹⁸Inene, kukho ikamva, Nethemba lakho aliyi kunqunyulwa."

¹⁹Yiva, wena nyana wam, ulumke, Uyinyathelise intliziyo yakho ithi gca endleleni."

²⁰Musa ukuba phakathi kwamasela-wayini, Naphakathi kwamadla-kudla;"

²¹Kuba isela-wayini nedla-kudla liyahlwempuzeka; Kona ukozela kwambesa amajacu."

²²Mphulaphule uyihlo, lowo wakuzalayo, Ungamdeli unyoko akuba mkhulu."

²³Thenga inyaniso, ungathengisi ngayo; Nobulumko, noqeqesho, nengqondo."

²⁴Ugcoba kakhulu uyise welungisa; Ozele isilumko uyavuya ngaso."

²⁵Makavuye uyihlo nonyoko, Agcobe umfazi owakuzalayo."

²⁶Ndinike intliziyo yakho, nyana wam, Amehlo akho akholiswe ziindlela zam."

²⁷Kuba sisihogo esinzulu ihenyukazi, Liqula elimxinwa umfazi wolunye uhlanga."

²⁸Ude alale njengesihange, Awandise amanginingini eluntwini."

²⁹Ungokabani na uYeha? Ungokabani na uYoo? Zinabani na iingxabano? Inabani na inkalazo? Anabani na amanxeba angenasizathu? Anabani na amehlo anozizi?"

³⁰Anabo balibala ewayinini, Abangena bayiminyele iwayini ephithikeziweyo."

³¹Musa ukuyikhangela iwayini, xa izenza ingqombela, Xa ibengezelayo endebeni, Xa ihla kamnandi;"

³²Ukuphela kwayo iluma njengenyoka, Iluma njengerhamba."

³³Amehlo akho aya kubona izinto zasemzini, Intliziyo yakho ithethe impenduka;"

³⁴Ube njengolele esazulwini solwandle, Nanjengolele encotsheni yemasti;"

³⁵Uthi, Bandibetha, andeva ntlungu; Bandintlitha, andaba nanto ndiyaziyo; Ndiya kuvuka nini na? Ndiya kuphinda ke, ndiya kubuya ndiyifune."