The Excellence of Wisdom

¹Mohemo wa motho ke lebone la Jehofa gomme le fetleka dikarolo ka moka tša ka garegare tša ka mpeng."

²Botho le therešo di diša kgoši; e thekga sedulo sa yona sa bogoši ka botho."

³Boikgantšho bja masogana ke matla a ona, gomme letago la bakgalabje ke bohlogoputswa bja bona."

⁴Megogoma e hlatswa bobe; dikgati ke tša go hlatswa dikarolo tša ka garegare tša ka mpeng."

⁵Pelo ya kgoši e etša molapo wa meetse seatleng sa Jehofa. O e iša gohle moo a go ratago."

⁶Ditsela tšohle tša motho di bonala di lokile mahlong a gagwe, eupša Jehofa o lekola dipelo."

⁷Jehofa o rata ge go dirwa tša toko le tša toka go e na le go dira sehlabelo."

⁸Mahlo a boikgogomošo le pelo e ikgantšhago, e lego lebone la ba kgopo, tšona ke sebe."

⁹Maano a motho yo mafolofolo a a mo hola, eupša mang le mang yo a akgofago o wela bohloking."

¹⁰Go hwetša matlotlo ka leleme la maaka go etša muši o tšwago ka ganong, wo o tšewago ke phefo go bao ba tsomago lehu."

¹¹Ba kgopo ba tla gogolwa ke go senya ga bona ka gobane ba ganne go dira tša toka."

¹²Tsela ya motho o šele e kgopame; eupša yo a sekilego o a botega modirong wa gagwe."

¹³Go kaone go dula sekhutlong sa tlhaka ya ntlo go e na le go dula ka ntlong e tee le mosadi wa ditshele."

¹⁴Moya wa yo kgopo o kganyoga tše mpe; a ka se gaugele wa gabo."

¹⁵Yo a se nago temogo o hlalefišwa ke go lefišwa ga mokweri; ge o nea yo bohlale temogo o hwetša tsebo."

¹⁶Modimo yo a lokilego o šetša ntlo ya yo kgopo, gomme o wetša ba kgopo bošuleng."

¹⁷Mang le mang yo a ithibago ditsebe gore a se kwe sello sa mmotlana, le yena o tla bitša gomme a se arabje."

¹⁸Mpho yeo e newago ka sephiring e fenya bogale; letsogo-le-kobong leo le newago ka sephiring le fenya pefelo."

¹⁹Moloki o thabišwa ke go dira tša toka, eupša bao ba dirago tše di gobatšago ba tla welwa ke tše di tšhošago."

²⁰Ge e le motho yo a furalelago tsela ya temogo o tla khutša gare ga bao ba hwilego."

²¹Yo a ratago maipshino o tla diila; yo a ratago beine le makhura a ka se hume."

²²Yo kgopo ke topollo ya moloki; moradia ke topollo ya babotegi."

²³Go kaone go dula lešokeng go e na le go dula le mosadi wa ditshele yo a kgopišago."

²⁴Letlotlo le le rategago le makhura di ka ntlong ya yo bohlale, eupša setlaela se a di senya."

²⁵Yo a phegelelago toko le botho o tla hwetša bophelo, toko le kgodišo."

²⁶Yo bohlale o rotogela motseng wa bagale gore a wiše sebo seo ba se botilego."

²⁷Yo a lotago molomo wa gagwe le leleme la gagwe o efoša moya wa gagwe ditlalelong."

²⁸Yo e rego ge a galefile a ikgodiša o bitšwa moikgantšhi yo a ikgodišago le yo a iponago."

²⁹Sebodu se tla bolawa ke kganyogo ya sona ka gobane diatla tša sona di gana go šoma."

³⁰Sona se hlwa se kganyoga letšatši ka moka, eupša moloki o a nea gomme ga a timane."