Wisdom Brings Security

¹Nyana wam, ukuba uthe wazamkela iintetho zam, Wayiqwebela kuwe imithetho yam,"

²Ukuze uyibazele ubulumko indlebe yakho, Uyithobele ukuqonda intliziyo yakho;"

³Ewe, ukuba uthe wayibiza ingqondo, Walisa ekuqondeni ilizwi lakho;"

⁴Ukuba uthe wabufuna njengesilivere, Wabumba njengobutyebi obuselelweyo:"

⁵Uya kwandula ukukuqonda ukoyika uYehova, Ukufumane ukumazi uThixo,"

⁶Ngokuba uYehova upha ubulumko; Emlonyeni wakhe kuphuma ukwazi nokuqonda."

⁷Ubaqwebela uzimaso abathe tye, Uyingweletshetshe kwabahamba ngengqibelelo,"

⁸Ukuze alondoloze umendo wesiko, Agcine nendlela yabakhe benceba."

⁹Uya kwandula uqonde ubulungisa, Nesiko, nokuthe tye, nayo yonke imikhondo yokulungileyo;"

¹⁰Kuba ubulumko buya kungena entliziyweni yakho, Ukwazi kwenze mnandi umphefumlo wakho."

¹¹Ukunkqangiyela kokugcina, Ukuqonda kokulondoloza;"

¹²Ukuba kukuhlangule endleleni embi, Kubantu abathetha impenduka;"

¹³Kwabashiya umendo wokuthe tye, Ukuze bahambe ngeendlela zobumnyama;"

¹⁴Kwabavuyela ukwenza ububi, Bagcobe ngeempenduka zabenza ububi;"

¹⁵Abamendo ujibilizayo, Abathi gu bucala ngemikhondo yabo;"

¹⁶Ukuze uhlangulwe kumkamntu, Kowolunye uhlanga, ontetho yakhe igudileyo;"

¹⁷Lowo ushiya ikholwane lobutsha bakhe, Awulibale umnqophiso woThixo wakhe."

¹⁸Kuba utshona ekufeni nendlu yakhe, Nemikhondo yakhe itshonela kwabangasekhoyo;"

¹⁹Bonke abangenayo kuye ababuyi, Abafiki kumendo wobomi:"

²⁰Ukuze uhambe ngendlela yabalungileyo, Ugcine umendo wamalungisa."

²¹Ngokuba abathe tye baya kulima ilizwe, Basale kulo abagqibeleleyo,"

²²Banqunyulwe ezweni abangendawo, Abanginizayo bancothulwe kulo."