Wealth and Poverty

¹Lilungile ihlwempu elihamba ngengqibelelo yalo, Ngaphezu komlomo ojibilizayo, esisinyabi yena."

²Kananjalo ukuthi umphefumlo ungabi nakwazi akulungile; Onyawo zingxamileyo uyayiphosa indlela."

³Ukumatha komntu kuphenula indlela yakhe; Ijalele uYehova intliziyo yakhe."

⁴Ukutyeba kongeza izihlobo ezininzi; Ke osweleyo, nesihlobo sakhe siyahlukana naye."

⁵Ingqina elixokayo alibi msulwa; Ofutha amanga akasindi."

⁶Baninzi abacenga amanene; Yonke into isisihlobo kwindoda ephayo."

⁷Bonke abazalwana behlwempu balithiyile; Zibeka phi na izihlobo ukuya kude kulo! Lisukela amazwi angento."

⁸Orhweba ubulumko uthanda umphefumlo wakhe; Ogcina ingqondo uya kufumana okulungileyo."

⁹Ingqina elixokayo alibi msulwa; Ofutha amanga uyatshabalala."

¹⁰Akusifanele isinyabi ukudla ubuncwane; Kobeka phi na ke ukungamfaneli umkhonzi ukulawula abathetheli!"

¹¹Ingqiqo yomntu imenza azeke kade umsindo; Sisihombo sakhe ukulugqitha ukreqo."

¹²Kukugquma kwengonyama entsha ukujala kokumkani; Sinjengombethe emfunweni isisa sakhe."

¹³Ngumeyeliselo kuyise unyana osisinyabi; Luqhoqhozo oluxikileyo ingxabano yomfazi."

¹⁴Indlu nobutyebi lilifa looyise; Ke yena umfazi onengqondo uvela kuYehova."

¹⁵Ubuvila buwisela ebuthongweni obukhulu; Umphefumlo odangeleyo uyalamba."

¹⁶Ogcine umthetho ugcine umphefumlo wakhe; Ozidelayo iindlela zakhe uya kufa."

¹⁷Uboleka uYehova obabala isisweli; Umbuyekeza ukuphatha kwakhe okuhle."

¹⁸Mqeqeshe unyana wakho, xa kusekho ithemba; Kodwa ungangxameli kumbulala."

¹⁹Onomsindo omkhulu umelwe kukuhlawula; Kuba xa uthe wamhlangula, woba mandundu."

²⁰Live icebo, ulwamkele uqeqesho, Ukuze ulumke ngexesha elizayo."

²¹Zininzi iingcinga entliziyweni yomntu; Noko ke licebo likaYehova eliya kuma."

²²Umnqweno womntu yinceba yakhe; Ke lilungile ihlwempu ngaphezu kwendoda enamanga."

²³Ukoyika uYehova kusa ebomini; Onako uya kuhlala ehluthi."

²⁴Ivila lisifake isandla salo esityeni, Alibi sasibuyisela emlonyeni walo."

²⁵Umbethile umgxeki, siba nobuqili isiyatha; Umohlwayile onengqondo, woqonda azi."

²⁶Ombhuqayo uyise, omgxothayo unina, Ngunyana owenza okuziintloni, ongcikivayo."

²⁷Yeka, nyana wam, ukuthi uve uqeqesho, Kanti uya kusuka ulahlekane nentetho yokwazi."

²⁸Ingqina elilitshijolo ligxeka isiko; Umlomo wongendawo uginya ubutshinga."

²⁹Izigwebo zilungiselwe abagxeki; Imivumbo ilungiselwe umhlana wesinyabi."