A Friend Loveth

¹Mang le mang yo a ikhomolelago o bohlalehlale, gomme motho wa temogo o na le moya o fodilego."

²Mang le mang yo e lego lešilo ge a ikhomoletše, o tla tšewa a le bohlale; mang le mang yo a tswalelago molomo wa gagwe, a tšewa e le wa tlhaologanyo."

³Yo a ipeago lekatana o tsoma kganyogo ya gagwe ya boithati; o gana bohlale ka moka."

⁴Mang le mang wa setlaela ga a kgahlwe ke temogo, ntle le gore seo se lego pelong ya gagwe se utologe."

⁵Ge yo kgopo a tsena, lenyatšo le lona le a tsena; go hlomphollwa go sepedišana le kgobogo."

⁶Mantšu a molomo wa motho ke bodiba. Sediba sa bohlale ke lefula leo le elago."

⁷Go beba yo kgopo sefahlego ga go a loka, le go phaela moloki ka thoko kahlolong ga go a loka."

⁸Molomo wa setlaela o baka ngangišano gomme molomo wa sona o bitša dikotlo."

⁹Setlaela se senywa ke molomo wa sona, gomme molomo wa sona ke molaba moyeng wa sona."

¹⁰Mantšu a mothomeletši a etša dilo tšeo di metšwago ka go phaka, tšeo di theogelago tlasetlase mpeng."

¹¹Le gona, yo a tšwafago modirong wa gagwe—ke ngwanabo yo a senyago."

¹²Leina la Jehofa ke tora e matla. Moloki o tšhabela go lona gomme a šireletšwa."

¹³Dilo tša bohlokwa tša mohumi ke motse wa gagwe wa sebo, gomme ge a di akanya di etša morako o šireletšago."

¹⁴Pelo ya motho e a ikgogomoša pele ga ge a ka wa, boikokobetšo bo eta kgodišo pele."

¹⁵Ge motho a fetola taba pele a ka ekwa, o bontšha bošilo gomme o a inyatšiša."

¹⁶Moya wa motho o kgona go kgotlelela bolwetši bja gagwe; eupša ke mang yo a ka kgotlelelago moya o nyamilego?"

¹⁷Pelo ya yo a nago le tlhaologanyo e hwetša tsebo, gomme tsebe ya ba bohlale e tsoma tsebo."

¹⁸Mpho ya motho e tla mmulela ditsela gomme ya mo fihliša pele ga batho ba bagolo."

¹⁹Yo a bolelago pele tshekong o bonala a nepile go fihlela ge wa gabo a etla gomme a mmotšološiša."

²⁰Matengwa a fediša dikgang gomme a lamola bagale."

²¹Ngwanabo motho yo a senyetšwago o tiile go feta sebo; go na le dikgang tšeo di etšago dikgoro tša ntlo ya sebo."

²²Mpa ya motho e tla khora dienywa tša molomo wa gagwe; o tla khora tšeo di tšwago molomong wa gagwe."

²³Lehu le bophelo di matleng a leleme, gomme yo a le ratago o tla ja dienywa tša lona."

²⁴Na motho o hweditše mosadisadi? Gona o hweditše selo se sebotse, gomme o amogelwa ke Jehofa."

²⁵Modiidi o a lopa, eupša mohumi o araba ka bogale."

²⁶Go na le bagwera bao ba ratago go jana ka meno, eupša go na le mogwera yo a kgomarelago motho go phala ngwanabo."

²⁷Mang le mang yo e lego modiidi yo a sepelago ka go botega, o phala motho wa molomo o kgopamego le yo e lego setlaela."

²⁸Le gona, ga go botse ge motho a hloka tsebo, gomme yo a akgofago ka dinao tša gagwe o a senya."