A Soft Answer

¹Yo a dirago poelo ka boradia o lahla ba lapa la gagwe, eupša yo a hloilego tsogo-le-kobong o tla phela."

²Pelo ya moloki e a naganišiša gore e kgone go araba, eupša molomo wa ba kgopo o bolela tše mpe."

³Jehofa o kgole le ba kgopo, eupša o kwa thapelo ya baloki."

⁴Mahlo a tagilego a thabiša pelo; pego e botse e nontšha marapo."

⁵Tsebe yeo e theetšago kgalemelo ya bophelo e dula gare ga ba bohlale."

⁶Mang le mang yo a hlokomologago tayo o nyatša moya wa gagwe, eupša yo a theetšago kgalemelo o hwetša pelo e bohlale."

⁷Go boifa Jehofa ke tayo e hlalefišago gomme boikokobetšo bo eta kgodišo pele."

⁸Motho ke yena a rulaganyago dikakanyo tša pelo ya gagwe, eupša karabo e tšwago lelemeng e tšwa go Jehofa."

⁹Ditsela tša motho ka moka di bonala di sekile mahlong a gagwe, eupša Jehofa o lekola meoya."

¹⁰Lahlela Jehofa mediro ya gago gomme merero ya gago e tla tia."

¹¹Jehofa o dirile dilo tšohle a na le morero, yo kgopo le yena o mmoloketše letšatši le lebe."

¹²Yo mongwe le yo mongwe yo a ikgogomošago pelong o šišimiša Jehofa. Le ge motho a ka dira tumelelano ka go fana diatla le yo mongwe, fela a ka se efoge kotlo."

¹³Molato o lebalelwa ka go bontšhwa ga botho le therešo, gomme motho o furalela bobe ka go boifa Jehofa."

¹⁴Jehofa ge a kgahlwa ke ditsela tša motho, o dira gore le manaba a motho yoo a be le khutšo le yena."

¹⁵Go ba le dilo tše dinyenyane tše di tlago ka go loka go phala go ba le dilo tše dintši kudu tše di sa tlego ka toka."

¹⁶Pelo ya motho e ka naganišiša tsela ya gagwe, eupša Jehofa ke yena a laolago dikgato tša gagwe."

¹⁷Phetho e buduletšwego a e be molomong wa kgoši; molomo wa yona ga se wa swanela go se botege ge e ahlola."

¹⁸Lenakana le dikala tša toka ke tša Jehofa; dikala ka moka tša boima bja leswika tšeo di lego ka mokotleng ke modiro wa gagwe."

¹⁹Go dira bokgopo go šišimiša dikgoši, ka gobane sedulo sa bogoši se thewa ka go loka sa tia."

²⁰Molomo wa go loka o kgahla kgoši e kgolo; e rata motho yo a bolelago tša go loka."

²¹Pefelo ya kgoši e etša baromiwa bao ba tlišago lehu, eupša motho yo bohlale o a e phohliša."

²²Bophelo bo seetšeng sa sefahlego sa kgoši, gomme go amogelwa ke yona go etša leru la pula ya seruthwane."

²³Go hwetša bohlale go phala kudu go hwetša gauta. Go hwetša tlhaologanyo go phala go kgetha go hwetša silifera."

²⁴Tsela ya ba botegago ke go furalela bobe. Yo a dišago tsela ya gagwe o lota moya wa gagwe."

²⁵Boikgantšho bo eta go wa pele, gomme moya wa boikgogomošo o eta go kgopša pele."

²⁶Go ikokobetša le ba boleta go phala go arolelana dithebola le bao ba iphagamišago."

²⁷Yo a lemogago taba o tla hwetša tše botse, gomme go thaba yo a botago Jehofa."

²⁸Yo bohlale pelong o tla bitšwa yo a nago le tlhaologanyo, gomme wa molomo o bose o kgodiša ba bangwe."

²⁹Temogo ke sediba sa bophelo go beng ba yona; tayo ya mašilo ke bošilo."

³⁰Pelo ya yo bohlale e dira gore molomo wa gagwe o bontšhe temogo, e bile e dira gore molomo wa gagwe o kgodiše ba bangwe."

³¹Dipolelo tše di kgahlišago di etša lemapo la dinose, di tsefela moya le go fodiša marapo."

³²Go na le tsela yeo motho a e bonago e lokile, eupša e feleletša ka ditsela tša lehu."

³³Motho yo a šomago ka thata o itšhometše, ka ge a be a gapeletšwa ke molomo wa gagwe."