Wise and Foolish Households

¹Ubulumko bomfazi buyayakha indlu yakhe; Ukumatha kuyayichitha ngezakhe izandla."

²Uhamba ngokuthe tye owoyika uYehova; Uthi gu bucala ngeendlela zakhe omdelayo."

³Lusemlonyeni wesimathane uswazi lwekratshi; Umlomo wezilumko uyazigcina."

⁴Apho kungekho nkomo, umkhombe wesitali uba ze; Indyebo eninzi iza ngamandla enkomo."

⁵Ingqina elinyanisileyo aliwathethi amanga; Ke lifutha amanga ingqina elixokayo."

⁶Umgxeki ufuna ubulumko, angabuzuzi; Ukwazi kulula konengqondo."

⁷Suka ebusweni bendoda esisinyabi; Akuyi kuza wafumana mlomo wokwazi kuyo."

⁸Ubulumko bonobuqili bukukuyiqonda indlela yakhe; Ukumatha kwezinyabi yinkohliso."

⁹Idini letyala liyazigxeka izimathane; Phakathi kwabathe tye yimvisiswano."

¹⁰Intliziyo iyabazi ubukrakra bayo ngokwayo; Omnye umntu akanakuzingenisa eluvuyweni lwayo."

¹¹Indlu yabangendawo iyatshatyalaliswa; Ke intente yabathe tye iyatyatyamba."

¹²Kukho indlela ethe tye phambi komntu, Ukanti ukuphela kwayo ziindlela zokufa."

¹³Nasekuhlekeni intliziyo inomvandedwa; Nokuphela kwalo uvuyo sisingqala."

¹⁴Uhlutha ziindlela zakhe ontliziyo ishenxileyo: Umntu olungileyo uhlutha zizenzo zakhe ngokwakhe."

¹⁵Isiyatha sikholwa ngamazwi onke; Onobuqili uyakuqonda ukunyathela kwakhe."

¹⁶Isilumko siyoyika, sisuke entweni embi; Isinyabi siphuphuma umsindo, sizithembile."

¹⁷Ozekanekayo wenza ukumatha; Indoda yamayelenqe ithiyekile."

¹⁸Ilifa leziyatha kukumatha; Abanobuqili banxiba isithsaba sokwazi."

¹⁹Abenzi bobubi basibekeka phambi kwabalungileyo; Abangendawo bema emasangweni amalungisa."

²⁰Ihlwempu lithiywa nangummelwane walo; Ke bona abathanda isityebi baninzi."

²¹Omdelayo ummelwane wakhe uyona; Obabala abaziintsizana, hayi, uyolo lwakhe!"

²²Abayi kulahleka yini na abayila ububi? Inceba nenyaniso iba nabayila okulungileyo."

²³Ekubulalekeni konke kubakho ungeniselo; Ke ukuthetha komlomo kubanga ukuswela kodwa."

²⁴Busisithsaba sezilumko ubutyebi bazo; Ukumatha kwezinyabi kukumatha."

²⁵Ingqina lenyaniso lihlangula imiphefumlo; Ke elifutha amanga liyinkohliso."

²⁶Ekoyikeni uYehova kukho inkoloseko eliqele, Abantwana bakhe baba nendawo yokuzimela."

²⁷Ukoyika uYehova lithende lobomi, Ukuze kusukwe ezirhintyelweni zokufa."

²⁸Busebuninzini babantu ubungangamela bokumkani; Kusekupheleni koluntu ukutshabalala kwesidwangube."

²⁹Ozeka kade umsindo unengqondo eninzi; Ke yena ozekanekayo ucaphula ukumatha."

³⁰Bubomi benyama intliziyo epholileyo; Ke lona ikhwele yimpehla emathanjeni."

³¹Ocudisa isisweli ungcikiva uMenzi waso; Olibabalayo ihlwempu uyamzukisa."

³²Ongendawo uyangqulwa bububi bakhe; Ke ilungisa linehlathi ekufeni kwalo."

³³Entliziyweni yonengqondo buyaphumla ubulumko; Ke embilinini wesinyabi buyazazisa."

³⁴Ubulungisa buyaluphakamisa uhlanga; Isono lihlazo lezizwe."

³⁵Inkolelo yokumkani ikumkhonzi oqiqayo; Ukuphuphuma kwakhe umsindo kukowenza okuziintloni."