Wisdom and Folly Contrasted

¹Unyana osisilumko uva uqeqesho lukayise; Ke yena umgxeki akeva kukhalinyelwa."

²Ngesiqhamo somlomo wayo indoda idla okulungileyo. Ke wona umnqweno wamanginingini kukugonyamela."

³Obambe umlomo wakhe ugcine umphefumlo wakhe; Owuthe qheke umlomo wakhe, yintshabalalo kuye leyo."

⁴Umphefumlo wevila uyanqwena, ungazuzi; Umphefumlo wabakhutheleyo uyatyetyiswa."

⁵Ilungisa liyithiyile into ebubuxoki; Yena ongendawo uyanukisa, enze okuziintloni."

⁶Ubulungisa bulondoloza ihambo egqibeleleyo; Okungendawo kuyamphenula umoni."

⁷Kukho ozenza isityebi, engenayo nento; Kukho ozenza isisweli, enobuncwane obuninzi."

⁸Ucamagusho lomphefumlo wendoda bubutyebi bayo; Isisweli asiva kusongelwa."

⁹Isikhanyiso samalungisa siyavuya; Ke sona isibane sabangendawo siyacima."

¹⁰Ngokukhukhumala kuvuka ukulwa kuphela; Ubulumko bunabavuma ukucetyiswa."

¹¹Ubuncwane basebubhedengwini buya kuncipha; Ke yena obutha ngezipha, uyandisa."

¹²Ukulindela okubanjezelweyo kubulala intliziyo; Ungumthi wobomi umnqweno ofezekileyo."

¹³Odela ilizwi ubanjwa lilo; Owojika umthetho uyavuzwa."

¹⁴Umyalelo wesilumko lithende lobomi, Ukuze kumkiwe ezirhintyelweni zokufa."

¹⁵Ingqiqo entle ibanga ubukholwane; Indlela yamanginingini inzima."

¹⁶Bonke abanobuqili benza ngokwazi; Isinyabi siya kwaneka ukumatha."

¹⁷Umthunywa ongendawo weyela ebubini; Isigidimi esinyanisileyo siyaphilisa."

¹⁸Unobuhlwempu nocukucezo ophulukene noqeqesho; Osigcinileyo isohlwayo uyazukiswa."

¹⁹Umnqweno ofeziweyo unencasa emphefumlweni; Kulisikizi kwisinyabi ukumka ebubini."

²⁰Ohamba nezilumko uba sisilumko naye; Ke olikholwane lesidenge uya konakaliswa."

²¹Aboni basukelwa bububi; Ke wona amalungisa ayavuzwa kokulungileyo."

²²Olungileyo ushiya ilifa kubazukulwana bakhe; Ubutyebi bomoni buqwetyelwe ilungisa."

²³Umkhubelo wamahlwempu unokudla okuninzi; Kukho ophetshethwa kukungabi nabulungisa."

²⁴Oyiyekileyo intonga yakhe umthiyile unyana wakhe; Ke omthandayo umqeqesha esemncina ne."

²⁵Ilungisa lidla ukuba kuhluthe umphefumlo walo; Ke sona isisu sabangendawo siyalamba."