Proverbs of Solomon

¹Unyana olumkileyo uyamvuyisa uyise; Ke unyana osisiyatha usisingqala sonina."

²Ubuncwane bokungendawo abunyusi; Ke bona ubulungisa buhlangula ekufeni."

³UYehova akawuyeki ulambe umphefumlo welungisa; Ke imbimbithelo yabangendawo uyayisunduza."

⁴Uba lihlwempu osebenza ngesandla esidangeleyo; Ke sona isandla sabakhutheleyo siyatyebisa."

⁵Obutha ehlotyeni ngunyana onengqiqo; Owozela ngexa lokuvuna ngunyana odanisayo."

⁶Ziintsikelelo entlokweni yelungisa; Ke wona umlomo wabangendawo ugubungela ugonyamelo."

⁷Ukukhunjulwa kwelungisa kuhleli kunentsikelelo; Igama labangendawo liba livithi."

⁸Ontliziyo ilumkileyo uyayamkela imithetho; Omlomo ufumana uthethe ukhahleleka phantsi."

⁹Ohamba ngengqibelelo uhamba ngenkoloseko; Ke yena ojibilizayo ngeendlela zakhe uyaziwa."

¹⁰Otyanda ngoshiyi ubanga imbulaleko; Omlomo ufumana uthethe ukhahleleka phantsi."

¹¹Lithende lobomi umlomo welungisa; Ke wona umlomo wabangendawo ugubungela ugonyamelo."

¹²Intiyo ixhokonxa ingxabano; Uthando lugubungela zonke izono."

¹³Ubulumko bufumaneka emlonyeni wonengqondo; Intonga yeyomhlana woswele intliziyo."

¹⁴Izilumko ziya kuqhusheka ukwazi, Ke wona umlomo wesimathane yintshabalalo ekwalapha ukusondela."

¹⁵Ubuncwane besityebi ngumzi waso oliqele; Iintshabalalo yabasweleyo bubuhlwempu babo."

¹⁶Umvuzo welungisa usingisa ebomini; Ungeniselo longendawo lusingisa esonweni."

¹⁷Umendo osa ebomini kukugcina uqeqesho: Olahla isohlwayo uyandwendwa."

¹⁸Oyifihlayo intiyo ungumlomo wexoki; Ohambisa intlebendwane usisidenge."

¹⁹Ebuninzini bamazwi akusweleki sono; Owubambayo umlomo wakhe unengqiqo."

²⁰Yisilivere enyuliweyo ulwimi lwelungisa; Intliziyo yabangendawo yintwana engeyakonto."

²¹Umlomo welungisa udlisa abaninzi; Izimathane zifa ngokuswela intliziyo."

²²Intsikelelo kaYehova, yiyo etyebisayo, Imbulaleko ayongezi nento kuyo."

²³Ukwenza amanyala kunjengokudlala kwisidenge; Ubulumko bunjengokudlala, kwindoda enengqondo."

²⁴Into anxunguphala yiyo ongendawo, yiyo emfikelayo; Akunqwenelayo amalungisa aya kunikwa."

²⁵Kwakugqitha isaqhwithi, akabikho ongendawo; Ke lona ilungisa luseko lwaphakade."

²⁶Njengeviniga emazinyweni, njengomsi emehlweni, Linjalo ivila kwabalithumayo."

²⁷Ukoyika uYehova kongeza imihla; Ke yona iminyaka yabangendawo iyanqanyulwa."

²⁸Ukulinda kwamalungisa luvuyo; Ithemba labangendawo liyadaka."

²⁹Iyinqaba yabagqibeleleyo indlela kaYehova; Yintshabalalo kubasebenzi bobutshinga."

³⁰Ilungisa alishukunyiswa naphakade; Ke bona abangendawo abalihlali ilizwe."

³¹Umlomo welungisa umila ubulumko; Ulwimi lwempenduka luyanqanyulwa."

³²Imilebe yomlomo welungisa iyakwazi okwamkelekileyo; Umlomo wabangendawo uyimpenduka."