The Beginning of Knowledge

¹ge seo le se tšhogago se le tlela wa ledimo, masetlapelo a lena a le wela wa ledimo gomme le welwa ke tlalelo le dinako tše thata."

²Ka nako yeo ba tla mpitša, eupša nka se ba arabe; ba tla nnyaka, eupša ba ka se nkhwetše,"

³ka gobane ba hloile tsebo gomme ga se ba kgetha go boifa Jehofa."

⁴Ba ganne keletšo ya ka; ba nyaditše kgalemelo ya ka ka moka."

⁵Ka gona ba tla ja dienywa tša tsela ya bona gomme ba khora maano a bona."

⁶Bao ba se nago temogo ba tla bolawa ke go hlanoga ga bona, ditlaela tšona tša bolawa ke go se šetše ga tšona."

⁷Ge e le yo a ntheetšago, o tla dula a bolokegile a sa tšhoge go welwa ke masetlapelo.”"

⁸Morwa wa ka, ge o ka amogela mantšu a ka gomme wa lota ditaelo tša ka,"

⁹e le gore o sekegele bohlale tsebe le gore pelo ya gago e rate temogo;"

¹⁰le gona ge o ka goeletša kwešišo gomme wa hlabošetša temogo lentšu la gago,"

¹¹ge o ka tsoma bohlale bjalo ka silifera gomme wa bo tsoma bjalo ka matlotlo a utilwego,"

¹²gona o tla lemoga go boifa Jehofa gomme wa ba le tsebo ka ga Modimo."

¹³Jehofa o nea bohlale; tsebo le temogo di tšwa molomong wa gagwe."

¹⁴O tla bolokela ba lokilego bohlale; ke kotse ya bao ba sepelago ka potego,"

¹⁵gore a ele hloko mebila ya go loka gomme o tla diša tsela ya babotegi ba gagwe."

¹⁶Ka go re’alo wena o tla lemoga toko, toka le go botega, wa lemoga tsela ka moka ya go loka."

¹⁷Ge bohlale bo tsena pelong ya gago gomme tsebo e thabiša moya wa gago,"

¹⁸gona tlhaologanyo e tla go diša gomme temogo ya go šireletša,"

¹⁹gore o hlakodišwe tseleng e mpe le go motho yo a bolelago dilo tše di kgopamego,"

²⁰o hlakodišwe go bao ba tlogelago ditsela tša go loka gore ba sepele ditseleng tša leswiswi,"

²¹go bao ba thabelago go dira bobe, bao ba thabelago go dira dilo tše di kgopamego tše mpe;"

²²bao ditsela tša bona di kgopamego gomme ditseleng tša bona ka moka e le baradia;"

²³o hlakodišwe go mosadi yo a gobogilego, wa dipolelo tše boreledi,"

²⁴yo a tlogelago mogwera wa pelobohloko wa bofseng bja gagwe le yo a lebetšego kgwerano yeo a e dirilego le Modimo wa gagwe."

²⁵Ka gobane ntlo ya gagwe e sobelela lehung gomme ditsela tša gagwe di theogela go bao ba hwilego."

²⁶Bohle bao ba robalago le yena ba ka se boe, le gona ba ka se buše ba hwetša ditsela tša bao ba phelago."

²⁷Morero ke gore o sepele tseleng ya ba dirago tše dibotse le gore o lote ditsela tša baloki."

²⁸Ka gobane baloki ke bona ba tla dulago mo lefaseng gomme bao ba se nago bosodi ba šala go lona."

²⁹Ge e le ba kgopo ba tla fedišwa lefaseng; baradia bona ba tla tlošwa go lona."

³⁰Morwa wa ka, o se ke wa lebala molao wa ka, anke pelo ya gago e lote ditaelo tša ka,"

³¹ka gobane o tla okeletšwa matšatši a mantši le nywaga ya bophelo gotee le khutšo."

³²Anke botho le therešo di se go tlogele. Di kgokelele molaleng wa gago. Di ngwale pelong ya gago,"

³³e le gore o gaugelwe le go hwetšwa o na le temogo e kgolo mahlong a Modimo le a batho."