Philemon 1

¹Di tla onala, fela wena o tla dula o le gona go ya go ile; di tla hlagala bjalo ka seaparo,"

²gomme o tla di phutha go etša seaparo, go etša kobo; di tla fetoga, eupša wena o dula o le bjalo, e bile nywaga ya gago e ka se ke ya fela le ka mohla.”"

³Eupša ke ka morongwa ofe mo a kilego a re: “Dula ka letsogong la ka la le letona go fihla ke bea manaba a gago e le bogato bja dinao tša gago”?"

⁴Na ka moka ga bona ga se meoya ya go dira tirelo e kgethwa, yeo e romelwago go hlankela bao ba tlago go hwetša phologo e le bohwa?"

⁵Ke ka baka leo go nyakegago gore re hlokomedišiše dilo tše re di kwelego, gore re se ke ra gogolega."

⁶Gobane ge e ba lentšu leo le boletšwego ka barongwa e bile le le kgonthišeditšwego gomme go tshela molao mo gongwe le mo gongwe le tiro e nngwe le e nngwe ya go se kwe di lefeleditšwe ka go dumelelana le toka,"

⁷gona re tla phonyokga bjang ge e ba re hlokomologile phološo ya bogolo bjo bokaalo ka ge e thomile go bolelwa ka Morena wa rena gomme ra e kgonthišetšwa ke bao ba mo kwelego?"

⁸Modimo o ile a ba tlatša go neeng bohlatse ka dipontšho gotee le dimaka le mediro e fapafapanego e matla le ka go abja ga moya o mokgethwa go ya ka thato ya gagwe."

⁹Gobane ga se a bea tlase ga barongwa lefase le le tlago leo go agilwego go lona, leo re bolelago ka lona."

¹⁰Eupša hlatse e nngwe e neile bohlatse felo mo gongwe, ya re: “Motho ke eng moo o bilego o dula o nagana ka yena, goba morwa wa motho ke eng ge o bile o mo hlokomela?"

¹¹O mo dirile gore a be ka tlasana ga barongwa; o mo rwešitše mphapahlogo wa letago le kgodišo gomme wa mmea gore a okamele mediro ya diatla tša gago."

¹²Dilo ka moka o di beile tlase ga dinao tša gagwe.” Ka go bea dilo ka moka ka tlase ga morwa wa gagwe, Modimo ga se a tlogela selo se se ka tlase ga morwa wa gagwe. Lega go le bjalo, gona bjale ga re ešo ra bona dilo ka moka di le ka tlase ga morwa wa gagwe."

¹³Eupša re a bona gore Jesu yo a ilego a dirwa gore a be ka tlasana ga barongwa, ga bjale o rwešitšwe mphapahlogo wa letago le kgodišo gobane a ile a hwa, gore ka botho bjo bogolo bja Modimo a hwele motho yo mongwe le yo mongwe."

¹⁴Gobane go be go swanetše gore Yo dilo ka moka di lego gona ka baka la gagwe le yo dilo ka moka di lego gona ka yena, ka go iša barwa ba bantši letagong, a dire gore Moemedi yo Mogolo wa phološo ya bona e be yo a phethagetšego ka ditlaišego."

¹⁵Gobane yo a kgethagatšago le bao ba kgethagatšwago ka moka ba tšwa go o tee, ke ka lona lebaka le a sa hlabjego ke dihlong tša go ba bitša “bana bešo,”"

¹⁶go etša ge a re: “Ke tla bolela leina la gago go bana bešo; ke tla go tumiša ka kopelo gare ga phuthego.”"

¹⁷A buša a re: “Ke tla mmota.” Gape a re: “Bonang nna le bana ba banyenyane bao Jehofa a nneilego bona.”"

¹⁸Ka gona, ka ge “bana ba banyenyane” ba na le kabelo mading le nameng, le yena o bile le karolo dilong tše di swanago, gore ka lehu la gagwe a fediše yo a nago le mokgwa wa go baka lehu, e lego Diabolo;"

¹⁹le gore a lokolle bohle bao ka go boifa lehu ba bilego bokgobeng bophelo bja bona ka moka."

²⁰Gobane ruri ga a thuše barongwa, eupša o thuša peu ya Aborahama."

²¹Ka baka leo o ile a tlamega gore a swane le “bana babo” ka ditsela tšohle gore e be moperisita yo a phagamego yo a gaugelago le yo a botegago dilong tšeo di lego mabapi le Modimo, e le gore a nee sehlabelo sa poelanyo bakeng sa dibe tša batho."

²²Ka ge yena a ile a tlaišega ge a be a lekwa, o kgona go thuša bao ba lekwago."

²³Ka gona lena bana bešo ba bakgethwa bao ba nago le kabelo pitšong ya legodimo, naganišišang ka moapostola le moperisita yo a phagamego yo re bolelago gore re dumela go yena—Jesu."

²⁴O be a botegela Yo a mo kgethilego, go etša ge Moshe le yena a be a le bjalo ka ntlong ka moka ya Yena yoo."

²⁵Gobane yena o bolelwa e le yo a swanelwago ke letago le legolo go feta Moshe, ka ge yo a agago ntlo a hwetša kgodišo go e feta."