Israel's Journeys

¹Zizo ezi iimfuduka zoonyana bakaSirayeli, abaphumayo ezweni laseYiputa ngokwemikhosi yabo, ngesandla sikaMoses noAron."

²UMoses wakubhala ukuphuma kwabo ngokweemfuduka zabo, ngokomlomo kaYehova. Zizo ke ezi iimfuduka zabo ngokuphuma kwabo:"

³Banduluka eRameses ngenyanga yokuqala, ngosuku lweshumi elinesihlanu lwenyanga yokuqala; ngengomso emva kwepasika, baphuma oonyana bakaSirayeli ngesandla esiphakamileyo, emehlweni amaYiputa onke."

⁴AmaYiputa ayengcwaba abo wababethayo uYehova kuwo, bonke abamazibulo; nasezithixweni zabo uYehova wenza izigwebo."

⁵Banduluka oonyana bakaSirayeli eRameses, bamisa iintente eSukoti."

⁶Banduluka eSukoti, bamisa e-Etam, esesiphelweni sentlango."

⁷Banduluka e-Etam, babuyela ngasePihahiroti, ephambi kweBhahali-tsefon, bamisa phambi kweMigidoli."

⁸Banduluka phambi kweHahiroti, baluwela ulwandle, baya entlango; bahamba uhambo lweemini ezintathu entlango ye-Etam, bamisa eMara."

⁹Banduluka eMara, bafika e-Elim; kwakukho e-Elim apho imithombo yamanzi elishumi elinamibini, nemithi yesundu engamashumi asixhenxe, bamisa khona."

¹⁰Banduluka e-Elim, bamisa ngaseLwandle oluBomvu."

¹¹Banduluka eLwandle oluBomvu, bamisa entlango yeSin."

¹²Banduluka entlango yeSin, bamisa eDofeka."

¹³Banduluka eDofeka, bamisa eAlushe."

¹⁴Banduluka eAlushe, bamisa eRefidim, apho kwakungekho manzi okuba abantu basele."

¹⁵Banduluka eRefidim, bamisa entlango yeSinayi."

¹⁶Banduluka entlango yeSinayi, bamisa eKibroti-hatahava."

¹⁷Banduluka eKibroti-hatahava, bamisa eHatseroti."

¹⁸Banduluka eHatseroti, bamisa eRitema."

¹⁹Banduluka eRitema, bamisa eRimon-peretse."

²⁰Banduluka eRimon-peretse, bamisa eLibhena."

²¹Banduluka eLibhena, bamisa eRisa."

²²Banduluka eRisa, bamisa eKehelata."

²³Banduluka eKehelata, bamisa entabeni yeShefere."

²⁴Banduluka entabeni yeShefere, bamisa eHarada."

²⁵Banduluka eHarada, bamisa eMakeloti."

²⁶Banduluka eMakeloti, bamisa eTahati."

²⁷Banduluka eTahati, bamisa eTara."

²⁸Banduluka eTara, bamisa eMiteka."

²⁹Banduluka eMiteka, bamisa eHashemona."

³⁰Banduluka eHashemona, bamisa eMoseroti."

³¹Banduluka eMoseroti, bamisa eBhene-yahakan."

³²Banduluka eBhene-yahakan, bamisa emqolombeni waseGidegadi."

³³Banduluka emqolombeni waseGidegadi, bamisa eYotebhata."

³⁴Banduluka eYotebhata, bamisa eAbrona."

³⁵Banduluka eAbrona, bamisa e-Etsiyon-gebhere."

³⁶Banduluka e-Etsiyon-gebhere, bamisa entlango yeTsin eyiKadeshe."

³⁷Banduluka eKadeshe, bamisa entabeni yeHore, esiphelweni selizwe lwakwaEdom."

³⁸Wenyuka uAron, umbingeleli, waya entabeni yeHore ngokomlomo kaYehova, wafela khona ngomnyaka wamashumi amane wokuphuma koonyana bakaSirayeli ezweni lamaYiputa, ngenyanga yesihlanu, ngolokuqala enyangeni leyo."

³⁹UAron wayeminyaka ilikhulu linamanci mabini anamithathu ezelwe, ekufeni kwakhe entabeni yeHore."

⁴⁰Weva umKanan, ukumkani waseAradi, owayehleli kwelisezantsi ezweni lakwaKanan ukuba bafikile oonyana bakaSirayeli."

⁴¹Banduluka entabeni yeHore, bamisa eTsalimona."

⁴²Banduluka eTsalimona, bamisa ePunon."

⁴³Banduluka ePunon, bamisa eObhoti."

⁴⁴Banduluka eObhoti, bamisa eIye-abharim, emdeni wakwaMowabhi."

⁴⁵Banduluka eIyim, bamisa eDibhon yakwaGadi."

⁴⁶Banduluka eDibhon yakwaGadi, bamisa eAlimon-dihlatayim."

⁴⁷Banduluka eAlimon-dihlatayim, bamisa ezintabeni zeAbharim phambi kweNebho."

⁴⁸Banduluka ezintabeni zeAbharim, bamisa ezinkqantosini zakwaMowabhi, ngaseYordan malunga neYeriko,"

⁴⁹Bamisa ngaseYordan, bethabathela kwiBhete-yeshimoti, besa kwiAbhele-shitim ezinkqantosini zakwaMowabhi."

⁵⁰Wathetha uYehova kuMoses ezinkqantosini zakwaMowabhi, ngaseYordan malunga neYeriko, esithi,"

⁵¹Thetha koonyana bakaSirayeli, uthi kubo, Xa nithe nayiwela iYordan, nangena ezweni lakwaKanan,"

⁵²nobagqogqa bonke abemi belo zwe phambi kwenu, niwachithe onke amatye angumfanekiso, nemifanekiso yabo yonke etyhidiweyo niyichithe, nazo zonke iziganga zabo nizitshabalalise;"

⁵³nilihluthe ilizwe, nihlale kulo; kuba ndininikile ilizwe eli, ukuba nime kulo."

⁵⁴Nize nilabe ilizwe ngamaqashiso ngokwemizalwane yenu. Omninzi nolenza lininzi ilifa lawo, omncinane nilenze lincinane ilifa lawo; ingulowo ube sendaweni elothiliwe kuyo iqashiso lawo. Nolidla ilifa ngokwezizwe zooyihlo."

⁵⁵Ukuba anithanga nibagqogqe abemi belizwe phambi kwenu, kothi abo nibasalisileyo babengameva emehlweni enu, neemviko emacaleni enu, banibandezele ezweni enihleli kulo."

⁵⁶Kothi, njengoko ndagqibayo ukwenza kubo, ndenze ngako nakuni."