Tribes East of the Jordan

¹e lego naga yeo Jehofa a e fentšego pele ga setšhaba sa Isiraele, ke naga e botse bakeng sa diruiwa gomme rena bahlanka ba lena re na le diruiwa.”"

²Ba iša pele ba re: “Ge e ba mahlo a lena a re lebeletše ka botho, hle neang rena bahlanka ba lena naga ye e be bohwa bja rena. Le se re tshediše Noka ya Jorodane.”"

³Moshe a bolela le barwa ba Gada le barwa ba Rubeni a re: “Na bana babo lena ba tla ya ntweng mola lena le dutše mo?"

⁴Le gona le re’ng le nyamiša bana ba Isiraele gore ba se ke ba tshelela nageng yeo Jehofa a tlago go ba nea yona?"

⁵Ke ka wona mokgwa woo botatago lena ba dirilego ka gona ge ke be ke ba roma gore ba yo hlola naga ge re be re le kua Kadeshe-baranea."

⁶Eitše ge ba rotogetše moeding wa mafula wa Eshikolo gomme ba bone naga, ba nyamiša bana ba Isiraele gore ba se ye nageng yeo Jehofa a bego a tlo ba nea yona."

⁷Ka baka leo bogale bja Jehofa bo ile bja tuka letšatšing leo moo a ilego a ena a re:"

⁸‘Banna bao ba tšwilego Egipita go tloga ka wa nywaga e masomepedi go ya godimo ba ka se bone naga yeo ke e enetšego Aborahama, Isaka le Jakobo, ka gobane ga se ba ntatela ka botlalo,"

⁹ka ntle le Kalebe morwa wa Jefune wa Mokenitsi le Joshua morwa wa Nuni, ka ge bona ba latetše nna Jehofa ka botlalo.’"

¹⁰Ka gona bogale bja Jehofa bja tukela Baisiraele gomme a dira gore ba ralale lešokeng nywaga e masomenne, go fihlela moloko ka moka wo o bego o dira bobe mahlong a Jehofa o fedile."

¹¹Le lena šefa le tsogile legatong la botatago lena le le sehlophana sa banna ba babe gore le gakatše bogale bja Jehofa bjo bo tukelago Isiraele."

¹²Ge le ka hlanoga la se sa mo latela, o tla buša a dudiša batho ba nako e telele kudu lešokeng gomme le tla ba le ba senyeditše ka moka ga bona.”"

¹³Ka morago ba mmatamela ba re: “Re dumelele re agele mehlape ya rena mašaka a maswika mo, re be re agele bana ba rena metse."

¹⁴Eupša rena re tla eta bana ba Isiraele pele re itlhametše ntwa go fihlela re ba fihlišitše lefelong la bona, mola bana ba rena bona ba tla dula metseng ya dibo kgole le badudi ba naga ye."

¹⁵Re ka se boele malapeng a rena go ba go fihlela ge bana ba Isiraele ba ikhweleditše naga, yo mongwe le yo mongwe a na le bohwa bja gagwe."

¹⁶Gobane re ka se hwetše bohwa le bona go tloga ka lehlakoreng le lengwe la Noka ya Jorodane go ya pele, ka ge bohwa bja rena re bo hweditše ka mošono wa Noka ya Jorodane go ya thoko ya bohlabatšatši.”"

¹⁷Ge ba re’alo Moshe a re go bona: “Ge e ba le tla dira seo, ge e ba le tla itlhamela ntwa pele ga Jehofa,"

¹⁸gomme yo mongwe le yo mongwe wa lena yo a itlhametšego ntwa a ka tshela Noka ya Jorodane pele ga Jehofa go fihlela a raka manaba a gagwe pele ga gagwe,"

¹⁹gomme naga ya fenywa pele ga Jehofa ke moka ya ba gona le boelago morago, gona le tla ba le itokolotše molatong go Jehofa le go Isiraele; naga ye e tla ba ya lena e le bohwa pele ga Jehofa."

²⁰Eupša ge e ba le ka se dire ka tsela yeo, gona le tla ba le diretše Jehofa sebe. Ge go le bjalo le tsebe gore le tla ikarabela bakeng sa sebe sa lena."

²¹Agelang bana ba lena metse le be le agele mehlape ya lena mašaka a maswika gomme le direng seo se tšwilego molomong wa lena.”"

²²Ke moka barwa ba Gada le barwa ba Rubeni ba re go Moshe: “Rena bahlanka ba gago re tla dira feela bjalo ka ge wena mong wa rena o laela."

²³Bana ba rena, basadi ba rena, mehlape ya rena le diruiwa tša rena ka moka di tla šala moo metseng yeo ya Gileada,"

²⁴eupša rena bahlanka ba gago re tla tshelela ka mošola pele ga Jehofa gore re yo lwa; go tla tshela yo mongwe le yo mongwe yo a itlhametšego ntwa, feela bjalo ka ge wena mong wa rena o bolela.”"

²⁵Moshe a ntšha taelo ya mabapi le bona go moperisita Eleasara, Joshua morwa wa Nuni le go matona a dihlogo tša meloko ya bana ba Isiraele."

²⁶Ka gona Moshe a re go bona: “Ge e ba barwa ba Gada le barwa ba Rubeni ba ka tshela le lena Noka ya Jorodane pele ga Jehofa, gwa tshela yo mongwe le yo mongwe yo a itlhametšego ntwa, gomme naga ya fenywa pele ga lena, gona le ba neeng naga ya Gileada e le bohwa bja bona."

²⁷Eupša ge ba ka se tshele ba itlhamile le lena, gona ba dudišwe gare ga lena nageng ya Kanana.”"

²⁸Ge a re’alo barwa ba Gada le barwa ba Rubeni ba araba ba re: “Seo Jehofa a se boditšego rena bahlanka ba gago, re tla se dira ka mokgwa woo."

²⁹Re tla fetela nageng ya Kanana re itlhamile pele ga Jehofa, gomme naga yeo e tlago go ba bohwa bja rena e tla ba ka lehlakoreng la ka bohlabela la Noka ya Jorodane.”"

³⁰Ge ba re’alo Moshe a ba nea yona, ke gore, a e nea barwa ba Gada, barwa ba Rubeni le seripa sa ba moloko wa Manase morwa wa Josefa, a ba nea mmušo wa Sihoni kgoši ya Baamore le mmušo wa Ogo kgoši ya Bashani, e lego naga ya metse ya dileteng tšeo gotee le metse yeo e lego nageng yeo e dikologilego moo."

³¹Barwa ba Gada ba aga motse wa Diboni, wa Atharothe, wa Aroere,"

³²wa Atarothe-shofani, wa Jatsera, wa Jogobea,"

³³wa Bethe-nimira le wa Bethe-harane, e lego metse ya dibo, ba agela le mehlape mašaka a maswika."

³⁴Barwa ba Rubeni ba aga motse wa Heshibone, wa Eleale, wa Kiriathaima,"

³⁵wa Nebo le wa Baali-meone—maina a metse yeo a be a fetotšwe—ba aga le motse wa Sibima; ke moka ba reela metse yeo ba e agilego maina a mafsa."

³⁶Barwa ba Makiri morwa wa Manase ba gwantela Gileada gore ba e thope ba be ba rake Baamore bao ba bego ba le go yona."

³⁷Ka gona Moshe a tšea karolo ya tikologo ya Gileada a e nea ba moloko wa Makiri morwa wa Manase ke moka ba dula moo."

³⁸Ba moloko wa Jairi morwa wa Manase ba gwanta ba thopa metsana ya tikologong yeo, ba e reela leina ba re ke Hafothe-jairi."

³⁹Noba a gwanta a ya a thopa Kenathe le metse ya yona yeo e e dikologilego; a e bitša ka leina la gagwe a re ke Noba."

⁴⁰Mesepelo e latelago ke yeo bana ba Isiraele ba e tšerego ge ba etšwa nageng ya Egipita ba sepela ka makoko a bona ba etilwe pele ke Moshe le Arone."

⁴¹Moshe a boloka pego ya mesepelo ya bona go ya ka megato ya yona ka taelo ya Jehofa; mesepelo yeo ya bona go tloga lefelong le lengwe go ya go le lengwe še:"

⁴²Ka letšatši la lesomehlano la kgwedi ya pele ba tloga Ramasese. Gateetee ka morago ga letšatši leo la paseka, bana ba Isiraele ba ile ba tšwa ba fentše pele ga mahlo ka moka a Baegipita."