Feast Offerings

¹bakeng sa kgapana e nngwe le e nngwe ya tše šupago le neele ka sebjana sa dilithara tše pedi;"

²le neele le phookwana ya sebego sa sebe go le direla poelano;"

³go sa balwe sebego sa go fišwa sa kgwedi le kgwedi le sebego sa sona sa mabele gotee le sebego sa ka mehla sa go fišwa le sebego sa sona sa mabele gotee le dibego tša tšona tša dino, go ya ka mokgwa wo di dirwago ka wona ka mehla e le sebego sa go fišwa sa monko o bose o yago go Jehofa."

⁴“‘Ka la lesome la kgwedi ye ya bošupa le sware kopano e kgethwa gomme le itaye. Le se šome mošomo le ge e le ofe."

⁵Le neele Jehofa sebego sa go fišwa sa monko o bose; e be powana e tee, kgapa e tee le dikgapana tše šupago tšeo e nngwe le e nngwe e nago le ngwaga o tee. E be tšeo le di bonago di phetše gabotse."

⁶Ge e le dibego tša tšona tša mabele tša bupi bja mathume bjo bo tswakilwego ka makhura, bakeng sa poo yeo le neele ka sebjana sa dilithara tše tshelelago le seripa le ka sebjana sa dilithara tše nne le seripa bakeng sa kgapa yeo,"

⁷bakeng sa kgapana e nngwe le e nngwe ya tše šupago le neele ka sebjana sa dilithara tše pedi;"

⁸le putšanyana e tee ya sebego sa sebe, go sa balwe sebego sa sebe sa letšatšing la poelano le sebego sa ka mehla sa go fišwa le sebego sa sona sa mabele gotee le dibego tša tšona tša dino."

⁹“‘Ka letšatši la lesomehlano la kgwedi ya bošupa le sware kopano e kgethwa. Le se šomeng mošomo le ge e le ofe o boima, le gona le binele Jehofa monyanya ka matšatši a šupago."

¹⁰Sebego sa go fišwa ka mollo sa monko o bose o yago go Jehofa seo le tlago go se neela e be dipowana tše lesometharo, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee. E be tšeo di phetšego gabotse."

¹¹Ge e le dibego tša tšona tša mabele tša bupi bja mathume bjo bo tswakilwego ka makhura, bakeng sa poo e nngwe le e nngwe ya tše lesometharo le neele ka sebjana sa dilithara tše tshelelago le seripa le ka sebjana sa dilithara tše nne le seripa bakeng sa e nngwe le e nngwe ya dikgapa tšeo tše pedi,"

¹²bakeng sa kgapana e nngwe le e nngwe ya tše lesomenne le neele ka sebjana sa dilithara tše pedi;"

¹³le neele le putšanyana ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

¹⁴“‘Letšatšing la bobedi le neele dipowana tše lesomepedi, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

¹⁵le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

¹⁶le putšanyana ya sebego sa sebe, go sa balwe sebego sa ka mehla sa go fišwa, sebego sa sona sa mabele le dibego tša tšona tša dino."

¹⁷“‘Letšatšing la boraro le neele dipoo tše lesometee, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

¹⁸le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

¹⁹le pudi e tee ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

²⁰“‘Letšatšing la bone le neele dipoo tše lesome, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

²¹le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

²²le putšanyana ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

²³“‘Letšatšing la bohlano le neele dipoo tše senyane, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

²⁴le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

²⁵le pudi e tee ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

²⁶“‘Letšatšing la botshelela le neele dipoo tše seswai, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

²⁷le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

²⁸le pudi e tee ya sebego sa sebe, go sa balwe sebego sa ka mehla sa go fišwa, sebego sa sona sa mabele le dibego tša sona tša dino."

²⁹“‘Letšatšing la bošupa le neele dipoo tše šupago, dikgapa tše pedi le dikgapana tše lesomenne tšeo e nngwe le e nngwe e nago le ngwaga o tee, gomme e be tšeo di phetšego gabotse;"

³⁰le neele le dibego tša tšona tša mabele le dibego tša tšona tša dino bakeng sa dipoo, dikgapa le dikgapana go ya ka palo ya tšona ka mokgwa wo di dirwago ka wona ka mehla;"

³¹le pudi e tee ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

³²“‘Letšatšing la seswai le sware kopano e kgethwa. Le se šomeng mošomo le ge e le ofe o boima."

³³Sebego sa go fišwa ka mollo sa monko o bose o yago go Jehofa seo le tlago go se neela e be poo e tee, kgapa le dikgapana tše šupago tšeo e nngwe le e nngwe e nago le ngwaga o tee, gomme e be tšeo di phetšego gabotse;"

³⁴le neele le dibego tša tšona tša mabele le dibego tša tšona tša dino bakeng sa poo, kgapa le dikgapana go ya ka palo ya tšona ka mokgwa wo di dirwago ka wona ka mehla;"

³⁵le pudi e tee ya sebego sa sebe, go sa balwe sebego sa ka mehla sa go fišwa, sebego sa sona sa mabele le sebego sa sona sa dino."

³⁶“‘Le neele Jehofa dilo tše menyanyeng ya lena, go sa balwe dibego tša lena tša dikeno, dibego tša lena tša boithaopo tšeo le di neelago e le dibego tša lena tša go fišwa, dibego tša lena tša mabele, dibego tša lena tša dino le dihlabelo tša lena tša mohlakanelwa.’”"

³⁷Moshe a botša bana ba Isiraele tšohle tšeo Jehofa a mo laetšego tšona."

³⁸Ke moka Moshe a bolela le dihlogo tša meloko ya bana ba Isiraele a re: “Lentšu leo Jehofa a le laetšego še le:"

³⁹Ge e ba motho a ka enela Jehofa goba a dira keno ka go itlama gore o tla itima se sengwe, gona a se ke a tshela lentšu leo la gagwe. A dire tšohle tšeo di tšwilego molomong wa gagwe."

⁴⁰“Ge e ba mosadi a ka enela Jehofa goba a dira keno ka go itlama gore o tla itima se sengwe a sa le ntlong ya tatagwe bofseng bja gagwe,"