Balaam's Oracles II

¹Mantšu a yo a kwago dipolelo tša Modimo, Yo a bonago pono ya Ramatlaohle A le gare a wela fase a butše mahlo:"

²Ditente tša gago di botse gakaakang, wena Jakobo, ona madulo a gago, wena Isiraele!"

³Di nabile go etša meedi ya mafula, Di etša dirapa tšeo di bjetšwego kgauswi le noka. Di etša dikgopha tšeo Jehofa a di bjetšego, Di etša metsedara kgauswi le meetse."

⁴Meetse a rotha dikgamelong tša gagwe tše pedi, Dipeu tša gagwe di bjetšwe kgauswi le meetse a mantši. Le gona kgoši ya gagwe e tla phagamela Agaga, Gomme mmušo wa gagwe wa phagamišwa."

⁵Modimo o mo ntšhitše Egipita; A kitima go etša poo ya naga. O tla fetša ditšhaba, bagateledi ba gagwe, Gomme a kokona marapo a bona, a ba a ba rathaganya ka mesebe ya gagwe."

⁶O iname, a bobama go etša tau, Le gona, bjalo ka tau, ke mang yo a ka mo tsošago? Bao ba go šegofatšago ke bašegofatšwa, Gomme bao ba go rogakago ke barogakwa.”"

⁷Ge a re’alo Balaka a tukela Bileama bogale, a phaphatha diatla ke moka Balaka a re go Bileama: “Ke go bileditše go rogaka manaba a ka eupša wena o a šegofaditše ka botlalo ka makga a a mararo."

⁸Bjale tloga o ye ga geno. Ke be ke ipoditše gore ke tlo go godiša e le ruri, eupša Jehofa o dirile gore o tingwe kgodišo.”"

⁹Bileama yena a re go Balaka: “Na le baromiwa ba gago bao o bego o ba romile go nna ga se ka ba botša ka re:"

¹⁰‘Le ge Balaka a be a ka nnea ntlo ya gagwe yeo e tletšego silifera le gauta, nka se kgone go tshela taelo ya Jehofa ka gore ke dire tše di lokilego goba tše mpe ka go rata ga pelo ya ka, le gore ke tla bolela selo le ge e le sefe seo Jehofa a tlago go se bolela’?"

¹¹Bjale ke boela setšhabeng sa gešo. Etla ke go botše seo setšhaba se se tlago go se dira setšhaba sa gago ka morago bofelong bja matšatši.”"

¹²Ka gona a hlaba seema sa gagwe a re: “Mantšu a Bileama morwa wa Beoro, Mantšu a monna wa mahlo ao a bulegilego,"

¹³Mantšu a yo a kwago dipolelo tša Modimo, Yo a tsebago tšeo Yo Godimodimo a di tsebago—Yo a bonago pono ya Ramatlaohle A le gare a wela fase a butše mahlo:"

¹⁴Ke tla mmona, eupša e sego gona bjale; Ke tla mmogela, eupša ke se kgauswi. Naledi e tla tšwa go Jakobo, Gomme molamo wa rotoga o etšwa Isiraele. E tla pšhatla Moaba hlogong Ya pšhatla le magata a bana ka moka ba mpherefere wa ntwa."

¹⁵Edomo e tla ba bohwa, Ee, Seire e tla ba bohwa bja manaba a yona, Mola Isiraele e bontšha gore e na le sebete."

¹⁶Go tla fenya motho yo a tšwago go Jakobo, Gomme o tla fediša mophologi yo mongwe le yo mongwe motseng.”"

¹⁷Eitše ge a bona Amaleke, a iša pele a hlaba seema a re: “Amaleke e bile ya pele gare ga ditšhaba, Eupša pheletšo ya yona ka morago e tla ba gore e fedišwe.”"

¹⁸Eitše ge a bona Bakeni, a buša a hlaba seema a re: “Bodulo bja lena bo tiile gomme legae la lena le agilwe leswikeng le legolo."

¹⁹Eupša go tla ba le yoo a tlago go tšhuma motse wa Kaine. Go tla tšea lebaka le lekaaka’ng pele Asiria e le iša bothopša?”"

²⁰A buša a hlaba seema a re: “Joo! Ke mang yo a tlago go phologa ge Modimo a dira seo?"

²¹Go tla tla dikepe tšeo di tšwago lebopong la Khithima, Gomme di tla hlasela Asiria, Tša ba tša hlasela Ebere. Eupša le yona e tla fedišwa mafelelong.”"

²²Ka morago ga moo Bileama a ema a boela ga gabo. Balaka le yena a ikela ka tsela ya gagwe."

²³Bjale Isiraele e be e dula Shithima. Ke moka setšhaba sa thoma go dira bootswa le barwedi ba Moaba."

²⁴Basadi ba moo ba laletša setšhaba ge ba direla medimo ya bona dihlabelo gomme setšhaba sona sa ja sa ba sa khunamela medimo yeo ya bona."

²⁵Ka gona Isiraele ya kgomarela Baali wa Peoro; gomme bogale bja Jehofa bja tukela Isiraele."