Confession and Covenant

¹“Eupša ba se go kwe, ba rabela malebana le wena, ba hlanogela molao wa gago gomme ba bolaya baporofeta ba gago bao ba bego ba ba eletša gore ba boele go wena; ba dira ditiro tša go se go hlomphe."

²Ka baka la seo o ile wa ba gafela diatleng tša manaba a bona, ona a ba tlaiša; nakong ya tlaišego ya bona ba be ba go llela gomme wena o be o ba kwa o le magodimong; ka baka la kgaugelo ya gago e kgolo o be o ba nea baphološi bao ba bego ba ba phološa diatleng tša manaba a bona."

³“Ge ba dutše ka go iketla gomme ba boeletša go dira tše mpe pele ga gago, o be o ba gafela seatleng sa manaba a bona ao a bego a ba gatakela. Ka morago ga moo ba be ba boela go wena ba nyaka thušo, o be o ba kwa o le magodimong gomme wa ba hlakodiša gantši ka baka la kgaugelo ya gago e kgolo."

⁴Gaešita le ge o be o ba lemoša gore ba tle ba latele melao ya gago gape, bona ba ile ba ikgodiša gomme ba se theetše ditaelo tša gago; ba tshela dikahlolo tša gago, tšeo ge e ba motho a di latela a tlago go phela ka tšona. Ba thiba ditsebe tša bona, ba thatafatša dihlogo gomme ba se theetše."

⁵Eupša o be o sa ba felele pelo ka nywaga e mentši o ba lemoša ka moya wa gago o diriša baporofeta ba gago gomme bona ba se ke ba theetša. Mafelelong o ile wa ba gafela diatleng tša ditšhaba tša dinaga."

⁶Ka baka la kgaugelo ya gago e kgolo ga se wa ka wa ba fediša ka moka goba wa ba tlogela; ka gobane o Modimo yo a šokelago le yo a gaugelago."

⁷“Bjale wena Modimo wa rena, Modimo yo mogolo, yo matla le yo a boifišago, yo a bolokago kgwerano le yo botho, o se dumelele gore mathata a ka moka a a wetšego rena, dikgoši tša rena, dikgošana tša rena, baperisita ba rena, baporofeta ba rena, borakgolokhukhu ba rena le batho ba gago ka moka go tloga mehleng ya dikgoši tša Asiria go ba go fihla letšatšing le, a bonagale e le a manyenyane go wena."

⁸O ile wa bontšha go loka ge e le mabapi le tšohle tšeo di re wetšego, o ile wa dira dilo ka go botega, fela ke rena re ilego ra dira dilo tše kgopo."

⁹Ge e le dikgoši tša rena, dikgošana tša rena, baperisita ba rena le borakgolokhukhu ba rena ga se ba latela molao wa gago goba go ela hloko ditaelo tša gago, ga se ba latela le dikgopotšo tša gago tšeo o bego o ba kgalema ka tšona."

¹⁰Nakong ya mmušo wa bona nageng e nonnego le yeo e ikadilego le dilong tše dintši tše dibotse tšeo o ba neilego tšona, ga se ba go hlankela e bile ga se ba lahla mekgwa ya bona e mebe."

¹¹Lehono re makgoba; ge e le naga yeo o e neilego borakgolokhukhu ba rena gore ba je dienywa tša yona le dilo tša yona tše dibose re makgoba go yona,"

¹²dienywa tša yona di atetše dikgoši tšeo o di beilego gore di re buše ka baka la dibe tša rena, di buša mebele ya rena le diruiwa tša rena ka mo di ratago gomme rena re tlalelong e kgolo."

¹³“Bjale ka baka la dilo tše ka moka, re dira kwano e tiilego ka go ngwala le ka go tiiša ka leswao la dikgošana tša rena, Balefi ba rena le baperisita ba rena.”"

¹⁴Bao ba ilego ba tiiša ka leswao e be e le: Nehemia wa Motirishatha morwa wa Hakalia, Tsedekia,"

¹⁵Seraya, Asaria, Jeremia,"

¹⁶Pashuri, Amaria, Malakia,"

¹⁷Hatushi, Shebania, Maluka,"

¹⁸Harima, Meremothe, Obadia,"

¹⁹Daniele, Ginethoni, Baruke,"

²⁰Meshulama, Abija, Mijamini,"

²¹Maasia, Biligai le Shemaya, ba ka moka e le baperisita."

²²Balefi bona e be e le: Jeshua morwa wa Asaniya, Binui wa barwa ba Henadada, Kadimiele,"

²³le bana babo bona e lego Shebania, Hodia, Kelita, Pelaya, Hanana,"

²⁴Mikha, Rehobo, Hashabia,"

²⁵Sakuri, Sherebia, Shebania,"

²⁶Hodia, Bani le Beninu."

²⁷Dihlogo tša setšhaba tšona e be e le: Paroshe, Pahathe-moaba, Elama, Sathu, Bani,"

²⁸Buni, Asikadi, Bebai,"

²⁹Adonija, Bigifai, Adine,"

³⁰Atere, Hesekia, Atsuri,"

³¹Hodia, Hashuma, Betsai,"

³²Harifa, Anathothe, Nebai,"

³³Magapiashe, Meshulama, Hesiri,"

³⁴Meshesabele, Tsadoko, Jadua,"

³⁵Pelatia, Hanana, Anaya,"

³⁶Hoshea, Hanania, Hasishubi,"

³⁷Haloheshe, Piliha, Shobeke,"

³⁸Rehuma, Hashabana, Maaseya,"