Lists of Returned Exiles

¹batho ba Betlelehema le ba Netofa e be e le ba lekgolo-masomeseswai-seswai (188);"

²ba Anathothe e be e le ba lekgolo-masomepedi-seswai (128);"

³ba Bethe-asimafethe e be e le ba masomenne-pedi;"

⁴ba Kiriathe-jearima, Kefira le Beerothe e be e le ba makgološupa-masomenne-tharo (743);"

⁵ba Rama le Geba e be e le ba makgolotshela-masomepedi-tee (621);"

⁶batho ba Mikimase e be e le ba lekgolo-masomepedi-pedi (122);"

⁷ba Bethele le Ai e be e le ba lekgolo-masomepedi-tharo (123);"

⁸ba Nebo yo mongwe e be e le ba masomehlano-pedi;"

⁹bana ba Elama yo mongwe e be e le ba sekete-makgolopedi-masomehlano-nne (1 254);"

¹⁰ba Harima e be e le ba makgolotharo-masomepedi (320);"

¹¹ba Jeriko e be e le ba makgolotharo-masomenne-hlano (345);"

¹²ba Lodi, Hadidi le Ono e be e le ba makgološupa-masomepedi-tee (721);"

¹³ba Senaa e be e le ba dikete tše tharo-makgolosenyane-masometharo (3 930)."

¹⁴Baperisita še ba: bana ba Jedaya wa ntlo ya Jeshua e be e le ba makgolosenyane-masomešupa-tharo (973);"

¹⁵ba Imere e be e le ba sekete-masomehlano-pedi (1 052);"

¹⁶ba Pashuri e be e le ba sekete-makgolopedi-masomenne-šupa (1 247);"

¹⁷ba Harima e be e le ba sekete le lesomešupa (1 017)."

¹⁸Balefi še ba: bana ba Jeshua, Kadimiele le Hodefa e be e le ba masomešupa-nne."

¹⁹Diopedi e lego bana ba Asafa, e be e le ba lekgolo-masomenne-seswai (148)."

²⁰Baletakgoro e lego bana ba Shalume, ba Atere, ba Talamoni, ba Akuba, ba Hatita le ba Shobai, e be e le ba lekgolo-masometharo-seswai (138)."

²¹Banethinimi še ba: bana ba Siha, ba Hasufa, ba Tabaothe,"

²²ba Kerose, ba Sia, ba Padone,"

²³ba Lebana, ba Hakaba, ba Salamai,"

²⁴ba Hanana, ba Gidele, ba Gahara,"

²⁵ba Reaya, ba Retsini, ba Nekoda,"

²⁶ba Gasama, ba Utsa, ba Pasea,"

²⁷ba Besai, ba Meuni, ba Nefushesima,"

²⁸ba Bakabuke, ba Hakufa, ba Harahuri,"

²⁹ba Basilithe, ba Mehida, ba Haresha,"

³⁰ba Barakose, ba Sisera, ba Tema,"

³¹ba Netsia le ba Hatifa."

³²Bana ba bahlanka ba Solomone še ba: bana ba Sotai, ba Soferethe, ba Perida,"

³³ba Jaalaa, ba Darikone, ba Gidele,"

³⁴ba Shefatia, ba Hatili, ba Pokerethe-hatsebaimi le ba Amone."

³⁵Banethinimi le bana ba bahlanka ba Solomone ka moka e be e le ba makgolotharo-masomesenyane-pedi (392)."

³⁶Ba ke bao ba bego ba rotoga ba etšwa Thele-mela, Thele-harasha, Keruba, Adoni le Imere gomme ba be ba se na bohlatse bja gore ba ntlo ya botatago bona le setlogo sa bona e be e le sa Isiraele:"

³⁷Bona e be e le bana ba Delaya, Tobia le Nekoda, e le ba makgolotshela-masomenne-pedi (642)."

³⁸Bana ba baperisita še ba: bana ba Habaya, ba Hakotse, ba Barasilai yo a ilego a tšea mosadi go barwedi ba Barasilai wa Mogileada gomme mosadi yoo a bitšwa ka leina la gabo Barasilai."

³⁹Ba ke bao ba ilego ba nyaka go bona moo maina a malapa a gabo bona a ngwadilwego gona gore ba kgonthišiše lešika la gabo bona, fela ba se ke ba a hwetša, ka gona ba ile ba se swanelege gore e be baperisita."

⁴⁰Mmuši a re ba se ke ba ja dilo tše kgethwakgethwa go fihlela moperisita a etla ka Urime le Thumime."

⁴¹Phuthego ka moka ga yona e be e le batho ba dikete tše masomenne-pedi-makgolotharo-masometshela (42 360),"

⁴²go sa balwe makgoba a bona a banna le a basadi ao e bego e le a dikete tše šupa-makgolotharo-masometharo-šupa (7 337); ba be ba na le diopedi tša banna le tša basadi tše makgolopedi-masomenne-hlano (245)."

⁴³Dipere tša bona e be e le tše makgološupa-masometharo-tshela (736), dimeila tša bona tšona e le tše makgolopedi-masomenne-hlano (245)."

⁴⁴Dikamela e le tše makgolonne-masometharo-hlano (435). Dipokolo e le tše dikete tše tshela-makgološupa-masomepedi (6 720)."

⁴⁵Go be go na le karolo ya dihlogo tša mašika a botatago bona yeo e ilego ya neela bakeng sa modiro wa go aga. Mmuši yena a tsenya letlotlong diterakema tše sekete (1 000) tša gauta, meruswi e masomehlano le diaparo tša boperisita tše makgolohlano-masometharo (530)."

⁴⁶Go be go na le ba bangwe ba dihlogo tša mašika a botatago bona bao ba ilego ba tsenya diterakema tše dikete tše masomepedi (20 000) tša gauta le dimina tša silifera tše dikete tše pedi-makgolopedi (2 200) letlotlong bakeng sa modiro wa go aga."

⁴⁷Dilo tšeo setšhaba ka moka se neetšego ka tšona e be e le diterakema tše dikete tše masomepedi (20 000) tša gauta, dimina tša silifera tše dikete tše pedi (2 000) le diaparo tša boperisita tše masometshela-šupa."

⁴⁸Baperisita, Balefi, baletakgoro, diopedi, batho ba bangwe ba setšhaba, Banethinimi le Baisiraele ka moka ba dula metseng ya gabo bona. Ge kgwedi ya bošupa e fihla bana ba Isiraele ba be ba šetše ba dula metseng ya gabo bona."

⁴⁹Setšhaba ka moka sa phuthegela borekišetšong bjo bo bego bo le pele ga Kgoro ya Meetse. Sa bolela le mongwalolodi Esera gore a tliše puku ya molao wa Moshe woo Jehofa a o laetšego Isiraele."

⁵⁰Ke moka letšatšing la pele la kgwedi ya bošupa, moperisita Esera a tliša puku ya molao phuthegong ya banna le basadi gotee le bao ka moka ba kgonago go theetša le go kwešiša."

⁵¹A e bala ka go hlaboša a le borekišetšong bjo bo bego bo le pele ga Kgoro ya Meetse go tloga ka mahube go fihla mosegare wa sekgalela, a e balela banna le basadi gotee le bao ka moka ba kgonago go theetša le go kwešiša; setšhaba ka moka se be se hlwaile tsebe ge puku ya molao e balwa."

⁵²Mongwalolodi Esera o be a eme sethaleng sa kota seo se bego se diretšwe tiragalo ye; kgauswi le yena ka go le letona go be go eme Matitia, Shema, Anaya, Uria, Hilikia le Maaseya gomme ka go le letshadi e le Pedaya, Mishaele, Malakia, Hashuma, Hashi-badana, Sakaria le Meshulama."

⁵³Esera a phetla puku a eme sethaleng setšhaba ka moka se lebeletše; ge a e phetla, setšhaba ka moka sa ema."

⁵⁴Esera a reta Jehofa Modimo wa therešo, yena Modimo yo mogolo, moo setšhaba ka moka se ilego sa araba se emišitše diatla sa re: “Amene! Amene!” Sa khunamela Jehofa se inamišeditše difahlego fase."

⁵⁵Jeshua, Bani, Sherebia, Jamini, Akuba, Shabethai, Hodia, Maaseya, Kelita, Asaria, Josabadi, Hanana, Pelaya gaešita le Balefi ba be ba hlalosetša setšhaba molao nakong ya ge setšhaba se sa eme."

⁵⁶Ba bala puku ya molao wa Modimo wa therešo ka go hlaboša, ba e hlatholla gomme ba dira gore e kwagale, e le gore batho ba kwešiše seo se balwago."

⁵⁷Nehemia wa Motirishatha le moperisita Esera wa mongwalolodi gotee le Balefi bao ba bego ba ruta setšhaba ba re go sona ka moka: “Letšatši le ke le lekgethwa go Jehofa Modimo wa rena. Le se ke la nyama goba la lla.” Setšhaba ka moka se be se lla ge se ekwa mantšu a molao."

⁵⁸A buša a re go sona: “Sepelang le yo ja tše di nonnego le nwe tše bose gomme le hlallele bao ba di hlokago; letšatši le ke le lekgethwa go Morena wa rena, le se ke la kwa bohloko ka gobane lethabo leo Jehofa a le neago lona ke sebo sa lena.”"

⁵⁹Balefi ba be ba botša setšhaba ka moka ba re: “Homolang! Letšatši le ke le lekgethwa; le se ke la kwa bohloko.”"

⁶⁰Setšhaba ka moka sa tloga sa yo ja le go nwa le go hlallela ba bangwe dijo gomme sa thaba kudu, ka gobane se be se kwešišitše mantšu ao se a boditšwego."

⁶¹Ka letšatši la bobedi matona a dihlogo tša setšhaba ka moka, baperisita le Balefi ba kgobokanela mongwalolodi Esera gore ba tle ba kwe seo mantšu a molao a se bolelago."

⁶²Ba hwetša molaong wo Jehofa a o laetšego ka Moshe go ngwadilwe gore bana ba Isiraele ba dule mešašeng nakong ya monyanya ka kgwedi ya bošupa,"

⁶³le gore ba hlabe mokgoši metseng ya bona ka moka le Jerusalema ka moka, ba re: “Etšwang le yeng dithabeng le tle le makala a mehlware le a dihlare tša makhura le a dihlare tša momirite le a mepalema gotee le a dihlare tša makala gore le hlome mešaša, go ya ka seo se ngwadilwego.”"

⁶⁴Setšhaba sa tšwa sa tliša makala gomme sa itirela mešaša, yo mongwe le yo mongwe a itirela yona tlhakeng ya ntlo ya gagwe le lapeng la gagwe le malapeng a ntlo ya Modimo wa therešo le borekišetšong bja Kgoro ya Meetse le go bja Kgoro ya Efuraimi."

⁶⁵Phuthego ka moka ya bao ba boilego bothopša ya itirela mešaša ya dula go yona; bana ba Isiraele ba be ba se ba ka ba dira ka tsela ye go tloga mehleng ya Joshua morwa wa Nuni go fihla letšatšing leo, ke ka baka leo go ilego gwa ba le lethabo le legolo kudu."

⁶⁶Puku ya molao wa Modimo wa therešo e be e balwa ka go hlaboša letšatši le letšatši, go tloga letšatšing la pele go ba go fihla letšatšing la mafelelo; setšhaba sa ba le monyanya ka matšatši a šupago gomme ka letšatši la seswai gwa ba le seboka se sekgethwa, go ya ka molao."

⁶⁷Ka letšatši la masomepedi-nne la kgwedi ye, bana ba Isiraele ba kgobokana, ba ikona dijo, ba apara mekotla e bile ba itšhela ditšhila hlogong."

⁶⁸Peu ya Isiraele ya itlhaola go bašele ka moka, ya ema ya ipobola dibe tša yona le melato ya botatago yona."

⁶⁹Ba ema lefelong la bona, ba bala puku ya molao wa Jehofa Modimo wa bona ka go hlaboša ka diiri tše tharo mosegare; ka diiri tše dingwe tše tharo tša letšatši leo ba ipobola gomme ba khunamela Jehofa Modimo wa bona."

⁷⁰Jeshua, Bani, Kadimiele, Shebania, Buni, Sherebia, Bani le Kenani ba ema sethaleng sa Balefi ke moka ba goeletša Jehofa Modimo wa bona ka go hlaboša."

⁷¹Balefi, e lego Jeshua, Kadimiele, Bani, Hashabanea, Sherebia, Hodia, Shebania le Phethahia ba re: “Emang gomme le rete Jehofa Modimo wa lena go iša mehleng ya neng le neng. A go retwe leina la gagwe la letago, leo le swanelwago ke theto le tumišo ka moka."

⁷²“Ke wena Jehofa o nnoši; o dirile magodimo gaešita le legodimo la magodimo le makoko a lona ka moka le lefase le tšohle tšeo di lego go lona gotee le mawatle le tšohle tšeo di lego ka go wona; tšohle o a di phediša; makoko a magodimong a a go khunamela."

⁷³Ke wena Jehofa Modimo wa therešo, yo a kgethilego Aborama wa mo ntšha Uri ya Bakaladea gomme wa mo rea leina la Aborahama."