God's Case Against Israel

¹“Ke tla ba bontšha dimaka go etša mehleng ya ge ba be ba etšwa nageng ya Egipita."

²Ditšhaba di tla bona seo gomme matla a tšona ka moka a tla di hlabiša dihlong. Di tla itshwara melomo; ditsebe tša tšona di tla thibana."

³Di tlo latswa lerole bjalo ka dinoga; di tlo tšwa dibong tša tšona di ferekane bjalo ka digagabi tša lefase. Di tla tla go Jehofa Modimo di thothomela gomme di tla mmoifa.”"

⁴Ke mang Modimo yo a swanago le wena, yo a swarelago molato le yo a lebalelago dikarogo tša mašaledi a bohwa bja gagwe? A ka se dule a galefile ka mo go sa felego, gobane o kgahlwa ke botho."

⁵O tla buša a re bontšha kgaugelo; o tla fenya melato ya rena. Dibe tša rena ka moka o tla di fošetša bodibeng bja lewatle."

⁶Wena o tla re bontšha go rereša ga gago, wa re bontšha le botho bja gago, e lego seo o se enetšego Jakobo le Aborahama borakgolokhukhu ba rena mehleng ya bogologolo."

⁷Molaetša o matla wa go ahlola Ninife. Puku ya pono ya Nahume wa Moelikoshe e bolela se se latelago:"

⁸Jehofa ke Modimo yo a nyakago boineelo bjo bo feletšego le yo a lefeletšago; Jehofa o a lefeletša e bile o itokišeditše go befelwa. Jehofa o itefeletša go baganetši ba gagwe, le gona o befelela manaba a gagwe."

⁹Jehofa o diega go galefa e bile o na le matla a magolo, le ka mohla a ka se lese go nea kotlo. Tsela ya gagwe e phefong e senyago le ledimong gomme maru a bjalo ka lerole tlase ga dinao tša gagwe."

¹⁰O kgalemela lewatle gomme a le gopiša; o gopiša le dinoka ka moka. Bashani le Karamele di ponne, matšoba a Libanoni le ona a ponne."

¹¹Dithaba di šikinyegile ka baka la gagwe le meboto e a phušoga. Lefase le tla thothomela ka baka la sefahlego sa gagwe; naga e tšweletšago le yona e tla thothomela, gwa thothomela le tšohle tše di dulago go yona."

¹²Ke mang yo a ka emago a lebeletšana le tsholo ya gagwe? Ke mang yo a ka emeletšanago le phišo ya bogale bja gagwe? Bogale bja gagwe bo tla tšhollwa bjalo ka mollo, le maswika a tla kgerega ka baka la gagwe."

¹³Jehofa o lokile, ke sebo se tiilego letšatšing la tlalelo. Le gona o tseba bao ba tšhabelago go yena."

¹⁴O tla fediša naga ya Ninife ka mo go feletšego ka mafula a fetago gomme leswiswi le tla hlomarela manaba a gagwe."

¹⁵Lena le tla logela Jehofa maano afe? O tliša phedišo e feletšego. Tlalelo e ka se hlwe e boa gape."

¹⁶Gaešita le ge ba raragane bjalo ka meetlwa e bile ba tagilwe bjalo ka ge eka ba nwele bjala, ba tlo fedišwa bjalo ka mahlaka ao a tlogago a omeletše."