The Ruler from Bethlehem

¹Go latelwa melao ya Omiri le mediro ka moka ya ba ntlo ya Ahaba, lena le sepela ka merero ya bona; ke tla le dira selo se se tlabago gomme badudi ba motse ba kwerwa ka go leletšwa molodi; le gona le tla rwala kgobogo ya merafo.”"

²Ke wa madimabe gobane ke bjalo ka dienywa tša selemo tšeo di futšwego, ke bjalo ka mabudutša a diterebe tše di futšwego! Ga go lešihla la morara goba lego la lebutšwapele leo nka le jago le leo moya wa ka o ka le dumago!"

³Mmotegi o fedile lefaseng, ga go sa na yo a lokilego gare ga batho. Ka moka ga bona ga se ba loka, gobane ba lalela motho gore ba tšholle madi. Yo mongwe le yo mongwe o tsoma ngwanabo ka go thea melaba."

⁴Diatla tša bona di bobeng, gore ba bo thakge; kgošana e kgopela se sengwe, yo a ahlolago o ahlolela gore a lefše, yo mogolo o bolela tšeo moya wa gagwe o di kganyogago; ba logišana maano."

⁵Yo a ba phalago o bjalo ka mongana, yo a lokilego go ba feta o phalwa le ke lediga la meetlwa. Letšatši la bahlapetši ba lena la gore le šetšwe le tla tla. Ke mo ba tlago go tlabega."

⁶Le se ke la bota magagabo lena. Le se ke la bota bagwera ba pelobohloko. O šetše mantšu a tšwago molomong wa gago ge go na le mosadi yo a lalago sehubeng sa gago."

⁷Gobane morwa o nyatša tatagwe; morwedi o tsogela mmagwe matla; ngwetši e tsogela mmatswale matla; manaba a motho ke batho ba lapeng la gabo."

⁸Eupša ge e le nna ke tla dula ke lebeletše Jehofa. Ke tla bontšha moya wa go leta Modimo yo a mphološago. Modimo wa ka o tla nkwa."

⁹O se ke wa thaba ka nna, wena lenaba la ka la mosadi. Le ge ke wele, ke tla tsoga; le ge ke dula leswiswing, Jehofa e tla ba seetša sa ka."

¹⁰Ke tla kgotlelela pefelo ya Jehofa go fihlela a ntshekiša e bile a phethagatša toka ya gagwe go nna, gobane ke mo senyeditše. O tla ntliša seetšeng, ka bona toko ya gagwe."

¹¹Lenaba la ka le tla bona seo gomme le tla aparelwa ke dihlong, lona le le bego le re go nna: “Jehofa Modimo wa gago o kae?” Mahlo a ka a tla thabela go le bona. Bjale lenaba leo e tla ba lefelo la go gatakelwa, go etša leraga la mekgotheng."

¹²Ka letšatši la go aga merako ya lena ya maswika, ka lona letšatši leo taelo e tla be e le kgole."

¹³Letšatšing leo ba tla tla go lena ba etšwa kgole Asiria le metseng ya Egipita, go tloga Egipita go fihla kgole kua Nokeng; go tloga ka lewatle le lengwe go fihla ka le lengwe le go tloga ka thaba e nngwe go fihla ka e nngwe."

¹⁴Naga e tla ba lešope ka baka la badudi ba yona, ka baka la dienywa tša ditiro tša bona."

¹⁵Diša batho ba gago ka lehlotlo la gago, wona mohlape wa bohwa bja gago wo o bego o dula o nnoši sethokgweng—gare ga serapa sa dienywa. Anke ba iphepe kua Bashani le Gileada go etša mehleng ya bogologolo."