Parables and Questions

¹Mašaba ge a ekwa seo, a kgotsa thuto ya gagwe."

²Eitše ge Bafarisei ba kwele gore o tswaletše Basadutsei melomo, ba ipopa sehlopha."

³Yo mongwe wa bona yo a tsebago Molao a mo leka ka go mmotšiša gore:"

⁴“Morutiši, taelo e kgolokgolo Molaong wa Moshe ke efe?”"

⁵A re go yena: “‘O rate Jehofa Modimo wa gago ka pelo ya gago ka moka, ka moya wa gago ka moka le ka monagano wa gago ka moka.’"

⁶Ye ke taelo e kgolokgolo le ya pele."

⁷Ya bobedi ya go swana le yona ke ye: ‘O rate moagišani wa gago ka mokgwa wo o ithatago ka wona.’"

⁸Molao ka moka le mantšu a Baporofeta di ithekgile ditaelong tše tše pedi.”"

⁹Bjale ge Bafarisei ba kgobokane gotee Jesu a ba botšiša a re:"

¹⁰“Le nagana’ng ka Kriste? Na ke morwa wa mang?” Ba re go yena: “Wa Dafida.”"

¹¹A re go bona: “Bjale, go tla bjang gore Dafida ka pudulelo a mmitše Morena, a re:"

¹²‘Jehofa o itše go Morena wa ka: “Dula ka letsogong la ka la le letona go fihla ke bea manaba a gago ka tlase ga dinao tša gago”’?"

¹³Ka baka leo, ge e ba Dafida a mmitša Morena, gona ke morwa wa gagwe bjang?”"

¹⁴Go be go se na yo a bego a kgona go ntšha lentšu la go mo fetola, le gona ga se gwa ba le yo a ilego a beta pelo go tloga ka letšatši leo go mmotšiša gape."

¹⁵Ke moka Jesu a bolela le mašaba le barutiwa ba gagwe a re:"

¹⁶“Bamangwalo le Bafarisei ba ipeile sedulong sa Moshe."

¹⁷Ka baka leo dilo ka moka tše ba le botšago tšona le di dire gomme le di boloke, eupša le se ke la dira go ya ka ditiro tša bona, gobane ba a bolela fela ga ba dire."

¹⁸Melao ya bona e etša merwalo e boima yeo ba e beago magetleng a batho, eupša bona ga ba nyake go e kgwatha ka monwana."

¹⁹Mediro ka moka ye ba e dirago ba e direla go bonwa ke batho, gobane ba oketša bophara bja mapokisana ao a nago le mangwalo ao ba a rwalago e le ditšhireletšo gomme ba lelefatša merumo ya diaparo tša bona."

²⁰Ba rata dibaka tša ka pelepele menyanyeng le ditulo tša ka pele disinagogeng,"

²¹le go dumedišwa ka tlhompho marekišetšong le go bitšwa Rabi ke batho."

²²Eupša lena le se ke la bitšwa Rabi gobane Morutiši wa lena ke o tee, mola lena ka moka le le bana ba motho."

²³Go feta moo, le se ke la bitša motho mo lefaseng la re tate, gobane Tatago lena ke o tee, e lego Yo a lego legodimong."

²⁴Le gona le se ke la bitšwa baetapele, gobane Moetapele wa lena ke o tee, Kriste."

²⁵Eupša yo mogolo go le feta ka moka mo gare ga lena e swanetše go ba modiredi wa lena."

²⁶Mang le mang yo a ikgodišago o tla kokobetšwa gomme mang le mang yo a ikokobetšago o tla godišwa."

²⁷“Go madimabe lena bamangwalo le Bafarisei, lena baikaketši! Gobane le tswalelela batho Mmušo wa magodimo, gobane lena ga le tsene, le gona ga le dumelele bao ba nyakago go tsena."

²⁸——"

²⁹“Go madimabe lena, bamangwalo le Bafarisei, lena baikaketši! Ka baka la gore le putlaputla lewatleng le nageng go sokološetša motho o tee tumelong ya Sejuda, gomme ge a e amogela, le mo dira gore a swanele Gehenna gabedi go feta lena."

³⁰“Go madimabe lena bahlahli ba foufetšego, ba le rego: ‘Ge e ba motho a ena ka tempele, ga se selo, eupša ge e ba motho a ena ka gauta ya tempele, o na le molato.’"

³¹Lena mašilo le difofu! Ge e le gabotse, se segolo ke sefe, na ke gauta goba ke tempele yeo e kgethagaditšego gauta?"

³²Gape le re: ‘Ge e ba motho a ena ka aletare, ga se selo, eupša ge e ba motho a ena ka mpho e lego go yona, o na le molato.’"

³³Lena difofu! Ge e le gabotse, se segolo ke sefe, na ke mpho goba ke aletare yeo e kgethagatšago mpho?"

³⁴Ka baka leo yo a enago ka aletare o ena ka yona le ka tšohle tše di lego go yona,"

³⁵le yo a enago ka tempele o ena ka yona le ka yo a dulago go yona,"

³⁶le yo a enago ka legodimo o ena ka sedulo sa bogoši sa Modimo le ka yo a dutšego go sona."

³⁷“Go madimabe lena bamangwalo le Bafarisei, lena baikaketši! Gobane le ntšha sa lesome sa dimela tše di bitšwago minti le dili le kumine, eupša le hlokomologile ditaba tše bohlokwa tša Molao, e lego, toka le kgaugelo le potego. Dilo tše go be go swanetše gore di dirwe, fela go sa hlokomologwe tše dingwe."

³⁸Lena bahlahli ba foufetšego, le ntšha monang ka dinong tša lena eupša la kwametša kamela!"

³⁹“Go madimabe lena bamangwalo le Bafarisei, lena baikaketši! Gobane le hlwekiša bokantle bja senwelo le mogopo eupša ka gare di tletše tše di hutšwego le go hloka tekatekano."

⁴⁰Wena mofarisei wa sefofu, hlwekiša pele bokagare bja senwelo le mogopo gore le bokantle bo hlweke."

⁴¹“Go madimabe lena bamangwalo le Bafarisei, lena baikaketši! Gobane le swana le mabitla a pharilwego ka motaga, ao ka ntle a bonagalago a le botse eupša ka gare a tletše marapo a bahu le mehuta ka moka ya go se hlweke."

⁴²Ka tsela e bjalo le lena, ruri ka ntle le bonagala le le baloki go batho, eupša ka gare le tletše boikaketši le go hloka molao."

⁴³“Go madimabe lena bamangwalo le Bafarisei, lena baikaketši! Gobane le aga mabitla a baporofeta le go kgabiša mabitla a baloki,"

⁴⁴gomme le re: ‘Ge nkabe re be re le mehleng ya borakgolokhukhu ba rena, re be re ka se be le kabelo le bona mading a baporofeta.’"

⁴⁵Ka baka leo le itlhatsela gore le barwa ba bao ba bolailego baporofeta."

⁴⁶Feleletšang mediro yeo borakgolokhukhu ba lena ba e thomilego."