Warnings to the Priests

¹“Le itše: ‘Ga go hole selo go hlankela Modimo. Re boetšwe ke eng tabeng ya go latela melao ya gagwe le go sepela re nyamile pele ga Jehofa wa madira?"

²Ga bjale re re bao ba ikgodišago ba mahlatse. Badiri ba tše kgopo le bona ba a atlega, e bile ba sa dutše ba leka Modimo go se seo se ba diragalelago.’”"

³Nakong yeo bao ba boifago Jehofa ba be ba boledišana seng sa bona gomme Jehofa yena a ba theetša le go ba kwa. Puku ya kgopotšo ya ngwalwa pele ga gagwe, e ngwalelwa bao ba boifago Jehofa le bao ba sa lebalego leina la gagwe."

⁴“E tla ba batho ba ka,” o re’alo Jehofa wa madira, “letšatšing leo ke tlago go ba dira thoto e kgethegilego. Ke tla ba kwela bohloko go etša ge motho a kwela morwa wa gagwe yo a mo kwago bohloko."

⁵Lena le tla buša la bona phapano magareng ga moloki le yo kgopo le magareng ga yo a hlankelago Modimo le yo a sa mo hlankelego.”"

⁶“Tsebang! Go tla letšatši le le fišago go etša sebešo gomme baikgogomoši le ba kgopo ka moka ba tla etša mahlaka. Letšatši leo le tlago le tla ba tšhuma,” o re’alo Jehofa wa madira, “moo go ka se kego gwa šala modu goba thabe ya lekala."

⁷Lena bao le boifago leina la ka le tla hlabelwa ke letšatši la go loka la mahlasedi ao a fodišago; le tla kgana go etša dinamane tšeo di nontšhitšwego.”"

⁸“Le tla gatakela ba kgopo, letšatšing leo ke tlago go gata mogato ba tla ba bjalo ka lerole tlase ga dinao tša lena,” o re’alo Jehofa wa madira."

⁹“Gopolang molao wa Moshe mohlanka wa ka wo ke mo laetšego wona Horebe mabapi le Isiraele ka moka, gaešita le ditaelo le dikahlolo tša ka."

¹⁰“Tsebang! Ke le romela moporofeta Eliya pele ga ge letšatši le legolo le leo le boifišago la Jehofa le etla."

¹¹O tla dira gore dipelo tša botate di swane le tša bana ba bona gomme dipelo tša bana di swane le tša botatago bona; e le gore ke se ke ka fediša lefase.”"

¹²Puku ya pego ya mabapi le Jesu Kriste, morwa wa Dafida, morwa wa Aborahama še:"

¹³Aborahama e bile tatago Isaka; Isaka ya ba tatago Jakobo; Jakobo ya ba tatago Juda le bana babo;"

¹⁴Juda ya ba tatago Peretse le Sera ka Thamara; Peretse ya ba tatago Hetserone; Hetserone ya ba tatago Rame;"

¹⁵Rame ya ba tatago Aminadaba; Aminadaba ya ba tatago Nahashone; Nahashone ya ba tatago Salamone;"

¹⁶Salamone ya ba tatago Boase ka Rahaba; Boase ya ba tatago Obede ka Ruthe; Obede ya ba tatago Jese;"

¹⁷Jese ya ba tatago kgoši Dafida. Dafida ya ba tatago Solomone ka mosadi wa Uria;"