Luke 5

¹Jesu a re go bona: “Na le ka dira gore bagwera ba monyadi ba ikone dijo ge monyadi a sa na le bona?"

²Lega go le bjalo, matšatši a tla tla ao ka kgonthe monyadi a tlago go tlošwa go bona; ke moka ba tla ikona dijo mehleng yeo.”"

³Ke moka a ba botša seswantšho a re: “Ga go yo a gagolago segaswa seaparong sa ka ntle se sefsa gomme a se phara seaparong seo sa kgale. Ge a ka dira bjalo, segaswa seo se sefsa se a gagoga gomme le segaswa se se tšwago seaparong se sefsa ga se swanele sa kgale."

⁴Go feta moo, ga go yo a bolokago beine e mpsha ka makukeng a kgale a beine. Ge e ba a ka dira bjalo, beine e mpsha e tla paleša makuka a beine gomme ya tšhologa le makuka a beine a senyega."

⁵Eupša beine e mpsha e swanetše go bolokwa ka makukeng a mafsa a beine."

⁶Ga go motho yo a nwelego beine ya kgale a nyakago e mpsha, gobane o re: ‘Ya kgale ke e bose.’”"

⁷Bjale ka Sabatha e nngwe o be a phatša mašemong a mabele gomme barutiwa ba gagwe ba ekga diako tša mabele ba di ja, ba di fogohla ka diatla."

⁸Ba bangwe ba Bafarisei ge ba ba bona, ba re: “Ke ka baka la’ng le dira se se sa dumelelwago ke molao ka Sabatha?”"

⁹Eupša Jesu ge a ba fetola, a re: “Na ga se la ka la bala se Dafida a ilego a se dira ge yena le banna bao ba bego ba na le yena ba be ba swerwe ke tlala?"

¹⁰Kamoo a ilego a tsena ntlong ya Modimo gomme a tšea dinkgwa tša neo a di ja, tše dingwe a di nea banna ba ba bego ba na le yena, tšeo molao o sa dumelelego motho gore a di je, ge e se baperisita feela?”"

¹¹A tšwela pele a re go bona: “Morwa wa motho ke yena Morena wa Sabatha.”"

¹²Ka Sabatha e nngwe a tsena ka sinagogeng a thoma go ruta. Go be go na le monna moo yo seatla sa gagwe sa le letona se bego se omeletše."

¹³Bamangwalo le Bafarisei bjale ba be ba mo šeditše go bona ge e ba a be a tla fodiša ka Sabatha, e le gore ba hwetše tsela ya go mmea molato."

¹⁴Lega go le bjalo, yena o be a tseba kamoo ba bego ba nagana ka gona, ka gona a re go monna yoo wa seatla se se omeletšego: “Tsoga o eme mo gare.” Ke moka a tsoga a ema."

¹⁵Jesu a re go bona: “Ke a le botšiša ke re: Na go dumeletšwe ke molao go dira botse goba bobe, go phološa goba go fediša moya ka Sabatha?”"

¹⁶Ka morago ga go ba lebelela ka moka ga bona, a re go monna yoo: “Otlolla seatla sa gago.” Monna yoo a dira bjalo, seatla sa gagwe sa boela sa ba gabotse."

¹⁷Eupša ba tlala bogale kudu, ba thoma go boledišana ka seo ba ka se dirago Jesu."

¹⁸Mehleng yeo a tšwa a ya thabeng gore a yo rapela, a fetša bošego ka moka a rapela Modimo."

¹⁹Eupša ge bo esa a biletša barutiwa ba gagwe go yena gomme a kgetha ba lesomepedi gare ga bona, bao gape a ilego a ba bitša baapostola."

²⁰Bona ke Simone yo a ilego a mo rea leina la Petro, Andrea ngwanabo, Jakobo, Johane, Filipi, Baratholomeo,"

²¹le Mateo, Thomase, Jakobo morwa wa Alifeose, Simone yo a bitšwago yo a fišegago,"

²²le Judase morwa wa Jakobo gotee le Judase Isikariote yo a ilego a fetoga moeki."

²³Ke moka a fologa thabeng le bona a ema lefelong le le ikadilego. Go be go na le lešaba le legolo la barutiwa ba gagwe le lešaba le legolo la batho ba tšwago Judea ka moka le Jerusalema le naga yeo e bapilego le lewatle ya Tiro le Sidone, bao ba tlilego go mo kwa le gore ba fodišwe malwetši a bona."

²⁴Gaešita le ba ba bego ba tshwenywa ke meoya e mebe ba be ba fodišwa."

²⁵Lešaba ka moka le be le nyaka go mo kgwatha, gobane matla a be a etšwa go yena gomme a ba fodiša ka moka."

²⁶Ke moka a emišetša mahlo a gagwe go barutiwa ba gagwe a re: “Go thaba lena badiidi, gobane Mmušo wa Modimo ke wa lena."

²⁷“Go thaba lena bao le swerwego ke tlala gona bjale, gobane le tla khorišwa. “Go thaba lena bao le llago gona bjale, gobane le tla sega."

²⁸“Go thaba lena neng le neng ge batho ba le hloya, le neng le neng ge ba le hlaola, ba le goboša gomme ba nyatša leina la lena bjalo ka ge eka ke le lebe ka baka la Morwa wa motho."

²⁹Letšatšing leo thabang le tshelatshele gobane moputso wa lena ke o mogolo legodimong, gobane tšeo ke tšona dilo tše borakgolokhukhu ba bona ba bego ba di dira baporofeta."

³⁰“Eupša go madimabe lena bahumi, gobane le šetše le hweditše maipshino ka moka ao le bego le tla a hwetša."

³¹“Go madimabe lena bao le khorago gona bjale, gobane le tla swarwa ke tlala. “Go madimabe lena bao le segago gona bjale, gobane le tla lla gomme la golola."

³²“Le ba madimabe neng le neng ge batho ba le bolela gabotse, gobane dilo tše di swanago le tše ke tše borakgolokhukhu ba bona ba di dirilego baporofeta ba maaka."

³³“Eupša ke re go lena ba le theeditšego: Tšwelang pele le rata manaba a lena, le swara gabotse bao ba le hloilego,"

³⁴le šegofatša bao ba le rogago, le rapelela bao ba le hlapaolago."

³⁵Yo a go phasolago lerameng, o mo nee le le lengwe, yo a go tšeelago seaparo sa gago sa ka ntle, o se ke wa mo gana le ka sa ka gare."

³⁶Nea yo mongwe le yo mongwe yo a go kgopelago gomme yo a go tšeelago dilo tša gago, o se ke wa nyaka gore di boe."

³⁷“Le gona, ka mo le nyakago batho ba le dira ka gona, le lena le ba direng ka wona mokgwa woo."

³⁸“Ge e ba le rata bao ba le ratago, seo se tla le hola ka’ng? Gobane gaešita le badiradibe ba rata bao ba ba ratago."

³⁹Ge e ba le dira botse go bao ba le dirago botse, gona seo se le hola ka’ng? Badiradibe le bona ba dira sona seo."