The Peace Offering

¹le dipshio tše pedi le lekhura leo le lego godimo ga tšona, e lego leo le lego kgauswi le serope. Ge e le lekhura leo le lego sebeteng, lona a le tloše gotee le dipshio."

²Barwa ba Arone ba se beše se thunye muši se le aletareng godimo ga sebego sa go fišwa seo se lego godimo ga dikgong tšeo di lego mollong. Ba se beše e be sebego seo se fišwago ka mollo sa monko o bose o yago go Jehofa."

³“‘Ge e ba sebego sa gagwe sa sehlabelo sa mohlakanelwa seo se išwago go Jehofa se etšwa mohlapeng wa dinku goba wa dipudi, e le se setona goba se setshadi, gona a tliše seo se phetšego gabotse."

⁴Ge e ba sebego seo a se tlišago e le kgapana, gona a e tliše pele ga Jehofa."

⁵A bee seatla sa gagwe godimo ga hlogo ya sebego seo sa gagwe gomme e hlabelwe pele ga tente ya kopano; barwa ba Arone ba foketše madi a yona godimo ga aletare go e dikologa."

⁶Mo sehlabelong sa mohlakanelwa a neele lekhura la sona e le sebego sa go fišwa ka mollo seo se neelwago Jehofa. Mo kgauswi le lerapo la mokokotlo a tloše mosela ka moka o nonnego le lebipi leo le khupeditšego mala, lona lekhura ka moka leo le lego maleng,"

⁷le dipshio tše pedi le lekhura leo le lego godimo ga tšona, e lego leo le lego kgauswi le serope. Ge e le lekhura leo le lego sebeteng, lona a le tloše gotee le dipshio."

⁸Moperisita a e beše e thuntšhe muši e le aletareng gore e be dijo, e be sebego sa go fišwa ka mollo seo se direlwago Jehofa."

⁹“‘Ge e ba sebego sa gagwe e le pudi, gona a e tliše pele ga Jehofa."

¹⁰A bee seatla sa gagwe godimo ga hlogo ya yona gomme e hlabelwe pele ga tente ya kopano; barwa ba Arone ba foketše madi a yona godimo ga aletare go e dikologa."

¹¹Mo go yona a neele lebipi leo le khupeditšego mala, lona lekhura ka moka leo le lego maleng, a le neele e le sebego sa go fišwa ka mollo seo se neelwago Jehofa,"

¹²a neele le dipshio tše pedi le lekhura leo le lego godimo ga tšona, e lego leo le lego kgauswi le serope. Ge e le lekhura leo le lego sebeteng, lona a le tloše gotee le dipshio."

¹³Moperisita a e beše e thuntšhe muši e le aletareng gore e be dijo, e be sebego sa go fišwa ka mollo sa monko o bose. Makhura ka moka ke a Jehofa."

¹⁴“‘Molao wa go iša mehleng ya neng le neng melokong ya lena gohle moo le dulago gona šo: Le ka mohla le se ke la ja makhura le ge e le afe goba madi le ge e le afe.’”"

¹⁵Jehofa a bolela le Moshe a re:"

¹⁶“Botša bana ba Isiraele o re: ‘Ge motho a ka dira sebe ka phošo go selo le ge e le sefe dilong tšeo Jehofa a laelago gore di se ke tša dirwa, a dira se sengwe sa tšona, gona go dirwe se se latelago:"

¹⁷“‘Ge e ba moperisita, yena motlotšwa, a ka dira sebe se se tlišetšago setšhaba molato, gona a tlišetše Jehofa powana e phetšego gabotse e le sebego sa sebe bakeng sa sebe seo a se dirilego."