A Prayer of Restoration

¹Kukhumbule, Yehova, okusihleleyo; Bheka, uyibone ingcikivo yethu."

²Ilifa lethu lisuke lenziwa elabasemzini, Izindlu zethu zalunga kwabolunye uhlanga."

³Siziinkedama, asinabawo; Oma banjengabahlolokazi."

⁴Amanzi ethu siwasela ngesilivere; Iinkuni zethu ziza kuthi ngexabiso."

⁵Intshutshiso iphezu kwentamo yethu; Sidiniwe, asinakuphumla."

⁶Isandla sisinika amaYiputa, Nama-Asiriya, ukuba sihluthe sisonka."

⁷Oobawo bonile, abasekho; Thina sithwele ubugwenxa babo."

⁸Silawulwa ngabakhonzi; Akukho usiqhiwulayo ezandleni zabo."

⁹Isonka sethu sisizuza ngomphefumlo wethu usisichenge. Ngenxa yekrele lasentlango."

¹⁰Ulusu lwethu luyavutha njengeziko Ngenxa yolophu lwendlala."

¹¹Badlwengule abafazi eZiyon, Iintombi emizini yakwaYuda."

¹²Baxhome abathetheli ngezandla; Ubuso bamadoda amakhulu abubekwa."

¹³Amadodana athwala amatye okusila, Amakhwenkwe akhubeka phantsi kweenkuni."

¹⁴Amadoda amakhulu aphezile ukuya esangweni; Amadodana, ekubetheni uhadi."

¹⁵Iphelile imihlali yentliziyo yethu, Ukuqamba kwethu kujike kwaba kukumbambazela."

¹⁶Siwile isithsaba entlokweni yethu; Yeha ke thina! kuba sonile."

¹⁷Ngenxa yoko ityhafile intliziyo yethu; Ngenxa yezo zinto amnyama amehlo ethu;"

¹⁸Ngenxa yentaba yaseZiyon, kuba ibharhile, Kuhamba iimpungutye phezu kwayo."

¹⁹Wena, Yehova, uhleli ngonaphakade; Itrone yakho ikwisizukulwana ngesizukulwana."

²⁰Yini na ukuba usilibale ngonaphakade, Usilahle imihla emide?"

²¹Sibuyisele kuwe, Yehova; sobuya; Hlaziya imihla yethu njengokwamandulo."

²²Ungaba usicekise mpela na, Wanoburhalarhume kuthi ngokukhulukazi na?"