The Anger of God

¹Le gona, ge ke kgopela go thušwa gomme ke llela go hlakodišwa, o thibela thapelo ya ka."

²O thibetše ditsela tša ka ka leswika le le betlilwego, a kgopamiša ditsela tša ka."

³O etša bere e ntaletšego, o etša le tau e lego mafelong a go ikuta."

⁴O šarakantše ditsela tša ka, a ntira gore ke etše molala gomme a ntira lešope."

⁵O ngangile bora bja gagwe gomme a ntebantšha ka mosebe."

⁶O ntlhabile ka mesebe ya kgotlopo ya gagwe dipshiong."

⁷Ke segwa ke batho ka moka bao ba lwago le nna, ke hlwa ke le kopelo ya bona letšatši ka moka."

⁸O nkhorišitše tše di galakago, a nnweša lengana."

⁹O nkgetlotše meno ka lekgwara, a nkgatakela moloreng."

¹⁰O ntahlile moo moya wa ka o bilego o se na khutšo. Ke lebetše gore botse ke eng."

¹¹Ke duletše gore: “Letago la ka le tšeo ke di letetšego go Jehofa di senyegile.”"

¹²Gopola go hlakišwa ga ka le go hloka ga ka legae, o gopole gore ke ja lengana le dimela tša mpholo."

¹³Moya wa gago o tla nkgopola gomme wena wa inamela go nna."

¹⁴Se ke tla se gopola pelong ya ka. Ke ka baka leo ke tlago go leta."

¹⁵Ke ka baka la ditiro tša botho bja Jehofa ge re sa fedišwa, ka gobane dikgaugelo tša gagwe di ka se fele."

¹⁶O di bontšha mesong e mengwe le e mengwe. Go botega ga gago ke mo gogolo kudu."

¹⁷Moya wa ka o itše: “Jehofa ke kabelo ya ka, ke ka baka leo ke tla mo letago.”"

¹⁸Jehofa o lokile go yo a mo holofetšego le go yo a mo tsomago."

¹⁹Go botse gore motho a letele phološo ya Jehofa a ikhomoletše."

²⁰Go botse gore monna a rwale joko bofseng bja gagwe."

²¹A a dule a nnoši gomme a ikhomolele, ka gobane o ithwešitše morwalo."

²²A a inamele fase mmung ka sefahlego. Mohlomongwe kholofelo e ka ba gona."