Jerusalem's Desolation

¹Jehofa o naganne go senya morako wa morwedi wa Tsione. O otlolotše lenti la go ela. Ga se a gomiša seatla sa gagwe go senya. O phušola morako wa tšhireletšo le leboto. Ka moka ga tšona di wele."

²Dikgoro tša Tsione di sobeletše fase lefaseng. Modimo o sentše le go pšhatlaganya mapheko a yona. Kgoši ya yona le dikgošana di gare ga ditšhaba. Ga go na molao. Baporofeta ba yona le bona ga se ba hwetša pono e tšwago go Jehofa."

³Banna ba bagolo ba morwedi wa Tsione ba dutše fase, moo ba ikhomoletšego gona. Ba itšhetše lerole dihlogong tša bona. Ba apere mekotla. Dikgarebe tša Jerusalema di inamišeditše dihlogo tša tšona fase."

⁴Mahlo a ka a lapišitšwe ke go tšwa megokgo. Mala a ka a huduegile. Sebete sa ka se wetše fase ka baka la go wa ga morwedi wa setšhaba sa ka, Le ka baka la go idibala ga ngwana le ga yo a amušwago marekišetšong a motse."

⁵Ba duletše go re go bommago bona: “Mabele le beine di kae?” Ka ge ba idibala go etša motho yo a bolailwego ka sehlogo marekišetšong a motse, Le ka ge ba hwela dihubeng tša bommago bona."

⁶Nka go nea eng e le bohlatse? Nka go swantšha le eng, wena morwedi wa Jerusalema? Nka go lekanya le eng gore ke go homotše, wena kgarebe yeo e lego morwedi wa Tsione? Ka gobane go wa ga gago ke mo gogolo go etša lewatle. Ke mang yo a ka go fodišago?"

⁷Baporofeta ba gago ba go boditše dipono tše di hlokago mohola le tše di sa kgotsofatšego, Gomme ga se ba bipolla molato wa gago e le gore ba go thibele gore o se ke wa išwa bothopša, Eupša ba duletše go go botša dipono tše di hlokago mohola le dipolelo tše di timetšago."

⁸Ka moka bao ba fetago ka tsela ba go opela diatla. Ba leditše molodi ka go kgotsa, ba šišinyetša morwedi wa Jerusalema dihlogo tša bona, ba re: “Na wo ke motse wo ba bego ba bolela ka wona ba re: ‘O botse kudu, o hlalalelwa ke lefase ka moka’?”"

⁹Manaba a gago ka moka a go ahlamišeditše melomo. A go leleditše molodi ka go kgotsa gomme a lomantšha meno a ona. A re: “Re tla mo metša. Ruri le ke letšatši leo re bego re le holofetše. Le re fihletše! Re le bone!”"

¹⁰Jehofa o dirile seo a bego a se naganne. O phethile lentšu la gagwe, E lego seo a bego a se laetše go tloga mehleng ya kgalekgale. O phušotše gomme a se ke a šokela. O dirile gore lenaba le thabe ka wena. O phagamišitše lenaka la manaba a gago."

¹¹Dipelo tša bona di llela Jehofa, wena morako wa morwedi wa Tsione. Ediša megokgo go etša lefula ge le ela mosegare le bošego. O se ke wa ikhwiša bogatšu. Mahlo a gago a se ke a lesa go lla."

¹²Tsoga gomme o lle bošego ge go thoma ditlhapetšo tša mesong. Tšhollela tša pelo ya gago pele ga sefahlego sa Jehofa go etša meetse. Mo emišetše diatla tša gago ka lebaka la moya wa bana ba gago, Bao ba idibalago ka baka la tlala mekgotheng."

¹³Wena Jehofa, bona gomme o lebelele yo o mo otlilego o šoro ka mokgwa wo. Na basadi ba tla dulela go ja dienywa tša bona, e lego bana ba bona bao ba belegwego ba phetše gabotse, Goba na moperisita le moporofeta ba tla bolaelwa sekgethweng sa Jehofa?"

¹⁴Mošemane le mokgalabje ba rapaletše fase mekgotheng. Dikgarebe tša ka le masogana a ka ba bolailwe ka tšhoša. O ba bolaile letšatšing la bogale bja gago. O ba hlabile; ga se wa ba šokela."

¹⁵Go etša letšatšing la monyanya, o ile wa rapa badudi ba metse ya ka moo go dulago badiiledi. Letšatšing la bogale bja Jehofa ga se gwa ba le mophonyokgi goba mophologi; Bao ke ba belegego ba phetše gabotse e bile ke ba godišitše, lenaba la ka le ba fedišitše."

¹⁶Nna ke monnatia yo a hlakišitšwego ka baka la lehlotlo la kgalefo ya gagwe."

¹⁷Yena o ntlhahlile gomme a ntshepediša leswiswing e sego seetšeng."

¹⁸O nkemišeditše seatla sa gagwe gore a lwe le nna letšatši ka moka."

¹⁹O hlagaditše nama ya ka le letlalo la ka, a roba le marapo a ka."

²⁰O nkageletše ka morako a ntikanetša ka dimela tša mpholo le ditlaišego."

²¹O ntudišitše mafelong a leswiswi go etša batho ba ba hwilego kgale."

²²O nthibetše bjalo ka ge eka ke ka morako wa maswika, e le gore ke se ke ka tšwa. A ntlema ka ditlemo tša koporo tše boima."