Jude 1

¹le re: “Seo o se bonago se ngwale lengwalong la go phuthwa gomme o se romele diphuthegong tše šupago, e lego ya Efeso, ya Simirina, ya Peregamo, ya Thiathira, ya Sarede, ya Filadelefia le ya Laoditsea.”"

²Ka retologa gore ke kwe yo a bolelago le nna, ge ke retologile ka bona dihlomapone tše šupago tša gauta,"

³gare ga dihlomapone tšeo go be go na le yo mongwe yo a swanago le morwa wa motho a apere seaparo se se fihlago dinaong, a itlemile sehuba ka lepanta la gauta."

⁴Godimo ga moo, hlogo ya gagwe le moriri wa gagwe e be e le tše tšhweu go etša boya bjo bošweu bja nku, go etša kapoko, gomme mahlo a gagwe a etša kgabo ya mollo;"

⁵dinao tša gagwe di be di swana le koporo e botse ge e phadima sebešong; lentšu la gagwe le be le etša modumo wa meetse a mantši."

⁶O be a swere dinaledi tše šupago seatleng sa gagwe sa le letona, molomong wa gagwe go etšwa tšhoša e telele ya magale a mabedi gomme sefahlego sa gagwe se be se etša letšatši ge le phadima ka matla a lona ka moka."

⁷Eitše ge ke mmona ka wela dinaong tša gagwe ke le bjalo ka mohu. A bea seatla sa gagwe sa le letona godimo ga ka a re: “O se ke wa boifa. Ke nna wa Pele le wa Mafelelo,"

⁸le yo a phelago; nkile ka hwa, eupša ke phela go iša mehleng ya neng le neng gomme ke na le dinotlelo tša lehu le Bodulabahu."

⁹Ka gona ngwala dilo tše o di bonego, dilo tše di lego gona le dilo tše di tlago go direga ka morago ga tše."

¹⁰Ge e le sephiri se sekgethwa sa dinaledi tše šupago tše o di bonego ka seatleng sa ka sa le letona le sa dihlomapone tše šupago tša gauta ke se: Dinaledi tše šupago di swantšhetša barongwa ba diphuthego tše šupago gomme dihlomapone tše šupago di swantšhetša diphuthego tše šupago."

¹¹“Ngwalela morongwa wa phuthego ya Efeso o re: Tše ke dilo tše di bolelwago ke yo a swerego dinaledi tše šupago seatleng sa gagwe sa le letona, yo a sepelago gare ga dihlomapone tše šupago tša gauta:"

¹²‘Ke tseba ditiro tša gago, boitapišo bja gago le kgotlelelo ya gago, le gore ga o kgotlelele batho ba babe, le gore o leka bao ba ipolelago gore ke baapostola mola e se bona gomme o ba hwetša e le ba maaka."

¹³O bile o a kgotlelela, o tiišeditše ka baka la leina la ka gomme ga se wa lapa."

¹⁴Lega go le bjalo, ke go solela se, gore o tlogetše lerato le o bego o na le lona pele."

¹⁵“‘Ka gona gopola moo o welego gona o itshole, o dire ditiro tšeo o bego o di dira pele. Ge e ba o sa dire bjalo, gona ke tla tla go wena gomme ke tla tloša sehlomapone sa gago lefelong la sona, ka ntle le ge o ka itshola."

¹⁶Fela seo o se dirago gabotse se se, ke gore o hloile ditiro tša sehlotswana sa bodumedi sa Nikolase tše le nna ke di hloilego."

¹⁷Yo a nago le tsebe a kwe seo moya o se botšago diphuthego: Yo a fenyago ke tla mo dumelela go ja sehlare sa bophelo, seo se lego paradeiseng ya Modimo.’"

¹⁸“Ngwalela morongwa wa phuthego ya Simirina o re: Tše ke dilo tše a di bolelago, ‘yena wa Pele le wa Mafelelo,’ yo a ilego a hwa gomme a buša a phela, o re:"

¹⁹‘Ke tseba tlaišego ya gago le bodiidi bja gago—eupša o humile—le go rogwa ke bao ba ipolelago gore ke Bajuda, fela e se bona, eupša e le ba sinagoge ya Sathane."

²⁰O se boife dilo tše o tla tlogago o tlaišwa ka tšona. Bona! Diabolo o tla dula a lahlela ba bangwe ba lena kgolegong e le gore le lekwe ka mo go feletšego le gore le be le tlaišego ka matšatši a lesome. Itlhatsele o botega gaešita le go iša lehung gomme ke tla go nea mphapahlogo wa bophelo."

²¹Yo a nago le tsebe a kwe seo moya o se botšago diphuthego ge o re: Yo a fenyago a ka se ke a hwa lehu la bobedi le gatee.’"

²²“Ngwalela morongwa wa phuthego ya Peregamo o re: Tše ke dilo tše di bolelwago ke yo a nago le tšhoša e telele ya magale a mabedi, o re:"

²³‘Ke tseba mo o dulago gona, ke gore mo go lego sedulo sa bogoši sa Sathane; lega go le bjalo, o dula o kgomaretše leina la ka gomme ga se wa latola tumelo ya gago go nna gaešita le mehleng ya Antipase hlatse ya ka e botegago, yo a ilego a bolaelwa kgauswi le lena moo Sathane a dulago gona."

²⁴“‘Lega go le bjalo, ke na le dilo tše sego kae tše ke di solago go wena, gore moo o na le bao ba kgomaretšego thuto ya Bileama yo a ilego a ruta Balaka go bea tšhitišo pele ga bana ba Isiraele le gore ba je dilo tše di hlabetšwego medingwana ya diswantšho le go otswa."

²⁵Ka tsela e swanago o na le bao ba kgomaretšego thuto ya sehlotswana sa Nikolase."