Inheritance of Manasseh

¹Manase o be a abetšwe dilete tše lesome ka ntle le naga ya Gileada le ya Bashani, tšeo di bego di le ka mošola wa Noka ya Jorodane;"

²barwedi ba Manase ba newa bohwa gare ga barwa ba gagwe; naga ya Gileada ya abelwa barwa ba bangwe ba Manase."

³Mollwane wa Manase o be o tloga Ashere o fihla Mikemethate yeo e lebanego le Shikeme, o leba ka go le letona nageng yeo go dulago batho ba Ene-Thapua."

⁴Naga ya Thapua e ile ya ba ya Manase, eupša motse wa Thapua wo o lego mollwaneng wa Manase e be e le wa bana ba Efuraime."

⁵Mollwane o be o theogela moeding wa mafula wa Kana, o leba ka borwa moeding wa mafula wa metse ye ya Efuraime gare ga metse ya Manase, gomme mollwane wa Manase o be o le ka leboa la moedi wa mafula o goma lewatleng."

⁶Naga ya ka thoko ya borwa e be e le ya Efuraime, ya ka thoko ya leboa e le ya Manase, gomme mollwane wa Manase o be o goma lewatleng; naga ya Manase ka leboa e be e fihla ka Ashere gomme ka bohlabela e fihla ka Isakara."

⁷Metse ya Manase kua Isakara le Ashere e be e le Bethe-sheane le metse yeo e e dikologilego, Ibileama le metse yeo e e dikologilego, Doro gotee le badudi ba yona ka moka le metse yeo e e dikologilego, Endoro gotee le badudi ba yona ka moka le metse yeo e e dikologilego, Thaanake gotee le badudi ba yona ka moka le metse yeo e e dikologilego, Megido gotee le badudi ba yona ka moka le metse yeo e e dikologilego, e lego meboto e meraro."

⁸Barwa ba Manase ga se ba kgona go thopa metse ye, eupša Bakanana ba ile ba phegelela go dula nageng ye."

⁹Ya re ge bana ba Isiraele ba tiile matla, ba gapeletša Bakanana go šoma ka thata gomme ba se ke ba ba amoga naga."

¹⁰Bana ba Josefa ba bolela le Joshua, ba re: “Ke ka lebaka la’ng o re neile karolo e tee ya naga yeo e abilwego ka matengwa le karolo e tee ya naga yeo e segilwego ka mellwane e le bohwa, mola e le gore re ba bantši kudu ka ge Jehofa a re šegofaditše go ba go fihla ga bjale?”"

¹¹Ge ba re’alo Joshua a re go bona: “Ge e ba le le ba bantši kudu, rotogelang sethokgweng le ithemele sona nageng ya Baperetse le ya Barefai, ka gobane selete sa dithabeng sa Baefuraime ke se senyenyane kudu bakeng sa lena.”"

¹²Ke moka bana ba Josefa ba re: “Selete sa dithabeng ga se a re lekana, le gona Bakanana ka moka bao ba dulago nageng ya moeding bao ba lego Bethe-sheane le metseng ya yona yeo e e dikologilego gotee le bao ba dulago moeding wa Jeseriele, ba na le dikoloi tša ntwa tšeo di hlometšwego disabole maotwaneng a tšona.”"

¹³Joshua a botša bana ba Josefa, e lego Efuraime le Manase, a re: “Le ba bantši kudu, e bile le ba matla kudu. Ga le a swanela go hwetša karolo e tee feela ya naga,"

¹⁴eupša le selete sa dithabeng e swanetše go ba sa lena. Ka ge e le sethokgwa, le swanetše go se rema gomme e be moo mollwane wa lena o gomago gona. Le rake Bakanana gaešita le ge ba na le dikoloi tša ntwa tšeo di hlometšwego disabole tša tšhipi maotwaneng a tšona e bile e le ba matla.”"

¹⁵Ke moka setšhaba ka moka sa bana ba Isiraele sa bokana kua Shilo gomme sa hloma tente ya kopano moo, ka ge bjale se be se thopile naga."

¹⁶Eupša gare ga bana ba Isiraele go be go sa na le bao ba sa abelwago bohwa bja bona, e lego meloko e šupago."

¹⁷Ka gona Joshua a re go bana ba Isiraele: “Le tlo goga maoto go fihla neng go yo tšea naga yeo Jehofa Modimo wa borakgolokhukhu ba lena a le neilego yona gore e be ya lena?"

¹⁸Ikgetheleng banna ba bararo molokong o mongwe le o mongwe gore ke ba rome, gore ba eme ba sepele ba yo ralala nageng, ba e sege go ya ka bohwa bja bona, gomme ka morago ba boele go nna."