Inheritance of Ephraim

¹Mollwane wa bana ba Efuraime ka malapa a bona, wona mollwane wa naga ya bona ka bohlabela e be e le Atharothe-adara, gomme o be o fihla Bethe-horoni ya Godimo;"

²mollwane o be o leba lewatleng. Mikemethate e be e le ka leboa, gomme mollwane o be o rarelela ka bohlabela o eya Thaanathe-shilo o fetela ka bohlabela o eya Janoa."

³O be o theoga o etšwa Janoa o eya Atharothe le Naara o fihla Jeriko gomme o leba Nokeng ya Jorodane."

⁴Go tloga Thapua mollwane o be o leba ka bodikela moeding wa mafula wa Kana gomme o goma ka lewatle. Bjo ke bohwa bja moloko wa bana ba Efuraime ka malapa a bona."

⁵Bana ba Efuraime ba be ba na le metse yeo ba e beetšwego ka thoko bohweng bja bana ba Manase, metse ka moka le metsana ya yona."

⁶Ga se ba raka Bakanana bao ba bego ba dula Getsere, gomme Bakanana ba sa dula le Baefuraime go fihla le lehono. Ba ile ba gapeletšwa go šoma ka thata go etša makgoba."

⁷Moloko wa Manase wa abelwa naga, ka ge yena e be e le leitšibulo la Josefa, ya abelwa le Makiri leitšibulo la Manase tatago Gileada, ka ge e be e le mogale ntweng; Gileada le Bashani ya ba tša gagwe."

⁸Naga ya abelwa le barwa ba bangwe ba Manase go ya ka malapa a bona, ya abelwa barwa ba Abi-esere, barwa ba Heleke, barwa ba Asiriele, barwa ba Shikeme, barwa ba Hefere le barwa ba Shemida. Ba e be e le bana ba masogana ba Manase morwa wa Josefa go ya ka malapa a bona."

⁹Ge e le Tselofehadi morwa wa Hefere, morwa wa Gileada, morwa wa Makiri, morwa wa Manase, o be a se na barwa eupša a na le barwedi, gomme maina a barwedi ba gagwe šea: Maala, Noa, Hogola, Milika le Thiritsa."

¹⁰Ba ile ba tla pele ga moperisita Eleasara le Joshua morwa wa Nuni gotee le dikgošana, ba re: “Jehofa ke yena a laetšego Moshe gore a re nee bohwa gare ga bana babo rena.” Ke moka a ba nea bohwa gare ga barwarre ba tatago bona go ya kamoo Jehofa a laetšego ka gona."