Inheritance of Judah

¹Mollwane wa ka bohlabela o be o tloga ka Lewatle la Letswai go fihla moo Noka ya Jorodane e felelago gona, gomme mollwane wo o lego sekhutlong sa ka leboa o be o le koung ya lewatle, moo Noka ya Jorodane e felelago gona."

²Mollwane o be o rotogela Bethe-hogola o fetela leboa la Bethe-araba gomme wa rotogela leswikeng la Bohani morwa wa Rubeni."

³Mollwane o be o rotogela Debiri moeding wa Akore e bile o fapogela ka leboa go leba Giligala, yeo e lebanego le mmoto wa Adumima, yeo e lego ka borwa bja moedi wa mafula; mollwane o be o fetela meetseng a Ene-shemeshe gomme o goma ka Ene-rogele."

⁴Mollwane o be o rotogela moeding wa morwa wa Hinomo o leba motheogeng wa Bajebusi ka borwa, ke gore, Jerusalema; mollwane o be o rotogela godimo ga thaba yeo e lebanego le moedi wa Hinomo ka bodikela, yeo e lego magomong a moedi wa Barefai ka leboa."

⁵Mollwane o be o swailwe go tloga ka godimo ga thaba go ya mothopong wa meetse a Nefotoa, o leba metseng ya Thaba ya Efurone; le gona mollwane o be o swailwe go fihla ka Baala, ke gore, Kiriathe-jearima."

⁶Mollwane o be o rarela go tloga ka bodikela bja Baala go ya Thabeng ya Seire gomme wa fetela motheogeng wa Thaba ya Jearima ka leboa, ke gore, Kesaloni; e bile o be o theogela Bethe-shemeshe wa fetela Thimina."

⁷Mollwane o be o leba motheogeng wa Ekirone go ya ka leboa gomme o swailwe go fihla ka Shikerone, o fetela Thabeng ya Baala e bile o leba Jabiniele; mollwane wo o be o goma ka lewatle."

⁸Mollwane wa ka bodikela o be o le Lewatleng le Legolo le lešing la lona. Wo e be e le mollwane wa bana ba Juda ka malapa a bona mathokong ohle."

⁹Joshua o ile a nea Kalebe morwa wa Jefune selete gare ga bana ba Juda go ya kamoo Jehofa a bego a laetše Joshua ka gona, e lego sa Kiriathe-araba (yeo e bolelago gore Araba ke tatago Anaki), ke gore, Heburone."

¹⁰Ka gona Kalebe a raka barwa ba bararo ba Anaki moo, e lego Sheshai, Ahimane le Talamai, bao ba belegwego ke Anaki."

¹¹Ke moka a tloga moo a rotogela go badudi ba Debiri. (Pele ga moo Debiri e be e bitšwa Kiriathe-sefere.)"

¹²Kalebe a re: “Mang le mang yo a ka hlaselago Kiriathe-sefere gomme a e thopa, ke tla mo nea Akisa morwedi wa ka gore e be mosadi wa gagwe.”"

¹³Ka morago Othiniele morwa wa Kenase, morwarrago Kalebe, a e thopa. Ke moka Kalebe a mo nea Akisa morwedi wa gagwe gore e be mosadi wa gagwe."

¹⁴Ya re ge Akisa a eya gae, a dulela go hlohleletša Othiniele gore a kgopele tšhemo go tatagwe, Kalebe. Ke moka Akisa a opa magoswi a nametše pokolo. Ka nako yeo, Kalebe a re go yena: “O nyaka’ng?”"

¹⁵Yena a re: “Ntšhegofatše, gomme ka ge o nneile karolo ya naga yeo e lego ka thoko ya borwa, nnee le Gulothe-maima.” Ka gona Kalebe a mo nea Gulothe ya Godimo le Gulothe ya Tlase."

¹⁶Bjo e be e le bohwa bja moloko wa bana ba Juda ka malapa a bona."

¹⁷Metse yeo e bego e le mo go felelago naga ya moloko wa bana ba Juda go ya mollwaneng wa Edomo ka borwa e be e le Kabatsiele, Edere le Jaguru,"

¹⁸le Kina le Dimona le Adada,"

¹⁹le Kedeshe le Hatsora le Ithinani,"

²⁰Tsifi le Telema le Bealothe,"

²¹le Hatsora-hadatha le Keriothe-hetserone, ke gore, Hatsora,"

²²Amami le Shema le Molada,"

²³le Hatsara-gada le Heshimone le Bethe-pelete,"

²⁴le Hatsara-shuali le Beresheba le Bitsiothia,"

²⁵Baala le Ijima le Etseme,"

²⁶le Elitholada le Kesila le Horoma,"

²⁷le Tsikilaga le Madimana le Sanisana,"

²⁸le Lebaothe le Shilihime le Aini le Rimone; metse ka moka e be e le e masomepedi-senyane le metsana ya yona."

²⁹Kua Shefela e be e le Eshithaolo le Tsora le Ashina,"

³⁰le Tsanoa le Ene-ganime, Thapua le Enama,"

³¹Jaramuthe le Adulama, Soko le Aseka,"

³²le Shaaraima le Adithaima le Gedera le Gederothaima; metse e lesomenne le metsana ya yona."

³³Tsenana le Hadasha le Migidala-gada,"

³⁴le Dileana le Mitsipa le Jokothiele,"

³⁵Lakishi le Botsikathe le Egilone,"

³⁶le Kabone le Lahamami le Khithilishi,"

³⁷le Gederothe, Bethe-dagona le Naema le Makeda; metse e lesometshela le metsana ya yona."

³⁸Libina le Ethere le Ashani,"

³⁹le Ifitha le Ashina le Netsiba,"

⁴⁰le Keila le Akatsibe le Mareasha; metse e senyane le metsana ya yona."

⁴¹Ekirone le metse ya yona yeo e e dikologilego le metsana ya yona."

⁴²Go tloga ka bodikela bja Ekirone, metse ka moka le metsana ya yona yeo e bapilego le Ashidodo."

⁴³Ashidodo le metse ya yona yeo e e dikologilego le metsana ya yona; Gatsa le metse ya yona yeo e e dikologilego le metsana ya yona, go fihla ka moedi wa mafula wa Egipita, Lewatle le Legolo le selete seo se bapilego le lona."

⁴⁴Metse ya dithabeng e be e le Shamire le Jathiri le Soko,"

⁴⁵le Dana le Kiriathe-sana, ke gore, Debiri,"

⁴⁶le Anaba le Eshithemo le Anima,"

⁴⁷le Goshene le Holoni le Gilo; metse e lesometee le metsana ya yona."

⁴⁸Arabia le Duma le Eshane,"

⁴⁹le Janime le Bethe-thapua le Afeka,"

⁵⁰le Humutha le Kiriathe-araba, ke gore, Heburone, le Tsioro; metse e senyane le metsana ya yona."

⁵¹Maoni, Karamele le Tsifi le Juta,"

⁵²le Jeseriele le Jokodeama le Tsanoa,"

⁵³Kaine, Gibea le Thimina; metse e lesome le metsana ya yona."

⁵⁴Halahulu, Bethe-tsuri le Gedora,"

⁵⁵le Maarathe le Bethe-anothe le Elithekoni; metse e tshelelago le metsana ya yona."

⁵⁶Kiriathe-baali, ke gore, Kiriathe-jearima, le Raba; metse e mebedi le metsana ya yona."

⁵⁷Kua lešokeng e be e le Bethe-araba, Medina le Sekaka,"

⁵⁸le Nibishani le Motse wa Letswai le Ene-gedi; metse e tshelelago le metsana ya yona."

⁵⁹Ge e le Bajebusi bao ba bego ba dula Jerusalema, bana ba Juda ga se ba kgona go ba raka; Bajebusi ba sa dula le bana ba Juda kua Jerusalema go fihla le lehono."

⁶⁰Bana ba Josefa ba ile ba abelwa naga go tloga Nokeng ya Jorodane kua Jeriko go fihla melapong ya Jeriko ka bohlabela, go ya lešokeng leo le rotogago go tloga Jeriko go fihla dithabeng tša Bethele."

⁶¹Naga yeo e be e tloga Bethele yeo e lego kgauswi le Lutsi gomme e fetela mollwaneng wa Baarakhi wo o lego kua Atharothe,"

⁶²e be e theogela ka bodikela mollwaneng wa Bajafeleti e fihla mollwaneng wa Bethe-horoni ya Tlase le Getsere gomme e goma lewatleng."

⁶³Bana ba Josefa, e lego Manase le Efuraime, ba ile ba tšea naga yeo ya ba ya bona."