The Land Yet to Be Possessed

¹le naga ya Bagebala le naga ka moka ya Libanoni yeo e lego ka thoko ya bohlabatšatši, go tloga Baali-gada yeo e lego thitong ya Thaba ya Heremone go fihla matsenong a Hamathi;"

²le badudi ka moka ba dithabeng, go tloga Libanoni go ya Miširefothe-maime, e lego Basidone ka moka; ke tla ba amoga naga pele ga bana ba Isiraele. E arolele Baisiraele feela e le bohwa, go etša ge ke go laetše."

³Arolela meloko e senyane gotee le seripa sa moloko wa Manase naga ye e le bohwa.”"

⁴Seripa se sengwe sa moloko wa Barubeni le Bagada se ile sa tšea bohwa bja sona bjo Moshe a bego a se neile bjona ka mošono wa Noka ya Jorodane ka bohlabela, ka ge Moshe mohlanka wa Jehofa a be a se neile bjona,"

⁵go tloga Aroere, yeo e lego leribeng la moedi wa mafula wa Arinoni, le motse wo o lego gare ga moedi wa mafula le molala ka moka wa Medeba go fihla ka Diboni;"

⁶le metse ka moka ya Sihoni kgoši ya Baamore, yo a bego a buša Heshibone, go fihla mollwaneng wa bana ba Amoni;"

⁷le Gileada le selete sa Bageshuri le sa Bamaakati le Thaba ya Heremone ka moka gotee le Bashani ka moka go fihla Salika;"

⁸le mmušo ka moka wa Ogo kua Bashani, yoo a bego a buša kua Ashitherothe le Edirei, yena yo a bego a šetše le mašaledi a Barefai, gomme Moshe a ba bolaya a ba amoga naga."

⁹Bana ba Isiraele ga se ba amoga Bageshuri le Bamaakati naga, eupša Bageshuri le Bamaakati ba sa dula le Baisiraele go fihla le lehono."

¹⁰Ba moloko wa Lefi ke bona feela bao a bego a se a ba nea bohwa. Go etša ge Jehofa, Modimo wa Isiraele a be a ba holofeditše, bohwa bja bona e be e tla ba karolo ya dibego tša go fišwa ka mollo tšeo batho ba bego ba di direla Modimo."

¹¹Ke moka Moshe a nea moloko wa bana ba Rubeni bohwa ka malapa a bona,"

¹²a ba nea selete go tloga Aroere yeo e lego leribeng la moedi wa mafula wa Arinoni le motse wo o lego gare ga moedi wa mafula gotee le molala ka moka wo o lego Medeba;"

¹³a ba nea Heshibone le metse ya yona ka moka yeo e lego molaleng wa Diboni le Bamothe-baali gotee le Bethe-baali-meone,"

¹⁴le Jahatsa le Kedemothe gotee le Mephate,"

¹⁵le Kiriathaima le Sibima gotee le Tserethe-shahari ye e lego thabeng yeo e lego molaleng,"

¹⁶le Bethe-peoro le metheoga ya Pisiga gotee le Bethe-jeshimothe,"

¹⁷le metse ka moka ya molaleng le mmušo ka moka wa Sihoni kgoši ya Baamore yo a bego a buša Heshibone, yena yo Moshe a mmolailego gotee le dikgošana tša Midiane, e lego Efi, Rekema, Tsuri, Huru le Reba, bakgomana ba Sihoni bao ba bego ba dula nageng."

¹⁸Bileama wa senoge, morwa wa Beoro, bana ba Isiraele ba mmolaile ka tšhoša gotee le bao ba ba bolailego ka sehlogo."

¹⁹Mollwane wa bana ba Rubeni e be e le Noka ya Jorodane; bohwa bja bana ba Rubeni ka malapa a bona e be e le selete se gotee le metse le metsana ya yona."

²⁰Le gona, Moshe o ile a nea moloko wa Gada bohwa, bana ba Gada ka malapa a bona,"

²¹a ba nea selete sa Jatsera le metse ka moka ya Gileada le seripa sa naga ya bana ba Amoni go fihla ka Aroere, yeo e lebanego le Raba;"

²²le go tloga Heshibone go fihla Ramathe-mitsipa le Betonimi gotee le go tloga Mahanaime go fihla mollwaneng wa Debiri;"

²³le moeding wa Bethe-harane le Bethe-nimira le Sukothe le Tsafone, e lego mmušo ka moka wa Sihoni kgoši ya Heshibone, mollwane wa gona e le Noka ya Jorodane go fihla pheletšong ya lewatle la Khinerethe ka mošola wa Noka ya Jorodane go ya ka bohlabela."

²⁴Se e be e le selete sa bana ba Gada ka malapa a bona gotee le metse le metsana ya yona."

²⁵Le gona, Moshe o ile a nea seripa sa moloko wa Manase bohwa, gomme bjona ya ba bja seripa sa moloko wa bana ba Manase ka malapa a bona."

²⁶Selete sa bona se be se tloga Mahanaime se akaretša le Bashani ka moka, mmušo ka moka wa Ogo kgoši ya Bashani le metse ka moka ya mešaša ya Jairi yeo e bego e le Bashani, gomme metse ya selete seo e be e le e masometshela."

²⁷Seripa sa Gileada, Ashitherothe le Edirei, e lego metse ya mmušo wa Ogo kua Bashani, se ile sa newa bana ba Makiri morwa wa Manase, ke gore seripa sa bana ba Makiri ka malapa a bona."

²⁸Tše ke tšeo Moshe a ba neilego tšona e le bohwa leganateng la Moaba ka mošola wa Noka ya Jorodane kua Jeriko, go ya ka bohlabela."

²⁹Ba moloko wa Lefi Moshe ga se a ba nea bohwa. Jehofa Modimo wa Isiraele ke bohwa bja bona, go etša ge yena Modimo a ba holofeditše."

³⁰Se ke seo bana ba Isiraele ba se abetšwego e le bohwa nageng ya Kanana, seo moperisita Eleasara le Joshua morwa wa Nuni gotee le matona a dihlogo tša meloko ya bana ba Isiraele ba ba neilego sona e le bohwa."

³¹Bohwa bja bona bo arotšwe ka go direlwa matengwa, go etša ge Jehofa a be a laetše ka Moshe gore go dirwe seo ka meloko e senyane le seripa sa moloko."

³²Moshe o be a šetše a neile meloko e mebedi le seripa se sengwe sa moloko bohwa ka mošola wa Noka ya Jorodane; Balefi bona ga se a ba nea bohwa."

³³Bana ba Josefa ba be ba tšwile meloko e mebedi, e lego wa Manase le wa Efuraime; bona ba be ba sa arolela Balefi naga ya bona, ntle le gore ba ile ba ba nea metse yeo ba bego ba dula go yona le mafulo a diruiwa tša bona le go ba abela dithoto tša bona."