Kings Conquered

¹yo a bušitšego Thabeng ya Heremone le Salika le Bashani ka moka go fihla mollwaneng wa Bageshuri le Bamaakati le go fihla ka seripa sa Gileada go ya nageng ya Sihoni kgoši ya Heshibone."

²Tšona di fentšwe ke Moshe mohlanka wa Jehofa le bana ba Isiraele, ke moka Moshe mohlanka wa Jehofa a nea Barubeni, Bagada le seripa sa moloko wa Manase naga ya dikgoši tšeo e le bohwa."

³Tše ke dikgoši tša dinaga tšeo Joshua le bana ba Isiraele ba di fentšego ka mošola wa Noka ya Jorodane go ya ka bodikela go tloga Baali-gada yeo e lego molaleng wa Libanoni le go fihla Thabeng ya Halake yeo e rotogelago Seire, ka morago Joshua a nea meloko ya Isiraele dinaga tša dikgoši tšeo e le bohwa go ya ka meloko,"

⁴tšona di be di le nageng ya dithabeng le Shefela le Araba le metheogeng le lešokeng le Negebe. Tše e be e le dinaga tša Bahethe, Baamore, Bakanana, Baperetse, Bahefe le Bajebusi. Le gona dikgoši tša tšona e be e le tše:"

⁵Kgoši ya Jeriko, kgoši ya Ai kgauswi le Bethele;"

⁶kgoši ya Jerusalema, kgoši ya Heburone;"

⁷kgoši ya Jaramuthe, kgoši ya Lakishi;"

⁸kgoši ya Egilone, kgoši ya Getsere;"

⁹kgoši ya Debiri, kgoši ya Gedere;"

¹⁰kgoši ya Horoma, kgoši ya Aradi;"

¹¹kgoši ya Libina, kgoši ya Adulama;"

¹²kgoši ya Makeda, kgoši ya Bethele;"

¹³kgoši ya Thapua, kgoši ya Hefere;"

¹⁴kgoši ya Afeke, kgoši ya Lasasharona;"

¹⁵kgoši ya Madoni, kgoši ya Hatsora;"

¹⁶kgoši ya Shimorone-merone, kgoši ya Akashafa;"

¹⁷kgoši ya Thaanake, kgoši ya Megido;"

¹⁸kgoši ya Kedeshe, kgoši ya Jokoneama kua Karamele;"

¹⁹kgoši ya Doro mebotong ya Doro, kgoši ya Goime kua Giligala;"

²⁰le kgoši ya Thiritsa, gomme dikgoši ka moka e be e le tše masometharo-tee."

²¹Joshua bjale o be a tšofetše e bile a godile kudu. Ka gona Jehofa a re go yena: “O tšofetše e bile o godile kudu, gomme go sa šetše naga e kgolo kudu yeo e sa swanetšwego ke go thopša."

²²Naga yeo e sa šetšego še: Dilete ka moka tša Bafilisita le tša Bageshuri"

²³(naga ya go tloga moo go aroganago Noka ya Nile yeo e lebanego le Egipita go fihla mollwaneng wa Ekirone go ya ka leboa, e be e tšewa e le ya Bakanana); tša dikgošana tše hlano tša Bafilisita, Bagatsa le Bashidodo, Baashikaloni, Bagathe le Baekirone; le Baafi."

²⁴Go ya ka borwa ke naga ka moka ya Bakanana; le selete sa Meara seo e lego sa Basidone, go fihla ka Afeke le go fihla ka mollwane wa Baamore;"