John 16

¹Eitše ge Jesu a boletše dilo tše a emišetša mahlo legodimong, a re: “Tate, nako e fihlile; tagafatša morwa wa gago, gore morwa wa gago a go tagafatše,"

²e le gore go etša ge o mo neile matla godimo ga batho bohle, a nee bohle bao o mo neilego bona bophelo bjo bo sa felego."

³Se se bolela bophelo bjo bo sa felego, gore ba tsebe wena Modimo a nnoši wa therešo le yo o mo romilego, Jesu Kriste."

⁴Ke go tagafaditše lefaseng ka go phetha modiro wo o nneilego wona gore ke o dire."

⁵Bjale wena Tate, ntagafatše ke le kgauswi le wena ka letago leo ke bego ke na le lona ke le kgauswi le wena pele lefase le eba gona."

⁶“Ke utolotše leina la gago bathong bao o nneilego bona go tšwa lefaseng. E be e le ba gago, wa nnea bona gomme ba bolokile lentšu la gago."

⁷Bjale ba tseba gore dilo tšohle tšeo o nneilego tšona di tšwa go wena;"

⁸gobane dipolelo tšeo o nneilego tšona ke ba neile tšona, le gona ba di amogetše gomme ruri ba tseba gore ke tlile ke le moemedi wa gago, e bile ba dumetše gore o nthomile."

⁹Ke kgopelela bona; ga ke kgopelele lefase, eupša ke kgopelela bao o nneilego bona; gobane ke ba gago,"

¹⁰gomme dilo ka moka tša ka ke tša gago, tša gago ke tša ka, e bile ke tagafaditšwe go bona."

¹¹“Le gona nna ga ke sa le lefaseng, eupša bona ba lefaseng gomme nna ke tla go wena. Tate yo Mokgethwa, ba šireletše ka baka la leina la gago leo o nneilego lona, e le gore e be batee go etša ge re le batee."

¹²Ge ke be ke na le bona, ke be ke fela ke ba šireletša ka baka la leina la gago leo o nneilego lona; ke ba bolokile e bile ga go le o tee wa bona yo a ilego a senywa ge e se morwa wa tshenyego, e le gore lengwalo le phethege."

¹³Eupša bjale ke tla go wena, le gona ke bolela dilo tše lefaseng, e le gore ba tlale lethabo la ka."

¹⁴Ke ba neile lentšu la gago, eupša lefase le ba hloile, gobane bona ga se karolo ya lefase go etša ge nna ke se karolo ya lefase."

¹⁵“Ga ke go kgopele gore o ba tloše lefaseng, eupša gore o ba šireletše ka baka la yo kgopo."

¹⁶Bona ga se karolo ya lefase go etša ge nna ke se karolo ya lefase."

¹⁷Ba kgethagatše ka therešo; lentšu la gago ke therešo."

¹⁸Go etša ge o nthomile lefaseng, le nna ke ba roma lefaseng."

¹⁹Le gona ke ikgethagatša ka baka la bona, gore le bona ba kgethagatšwe ka therešo."

²⁰“Ga ke kgopelele ba feela, eupša ke kgopelela le bao ba dumelago go nna ka lentšu la bona;"

²¹e le gore ka moka e be batee, go etša ge wena Tate o le boteeng le nna gomme nna ke le boteeng le wena, gore le bona ba be boteeng le rena, e le gore lefase le dumele gore o nthomile."

²²Le gona ke ba neile letago leo o nneilego lona, e le gore e be batee go etša ge rena re le batee."

²³Nna ke be boteeng le bona gomme wena o be boteeng le nna, e le gore ba phethagatšwe e be batee, gore lefase le tsebe gore o nthomile le gore o ba ratile go etša ge o nthatile."

²⁴Tate, ke nyaka gore le bao o nneilego bona ba be le nna moo ke lego gona, e le gore ba bone letago la ka leo o nneilego lona, gobane o nthatile pele ga go thewa ga lefase."

²⁵Tate yo a lokilego, ruri lefase ga le go tsebe; eupša nna ke a go tseba gomme ba ba tseba gore o nthomile."

²⁶Le gona, ke ba tsebišitše leina la gago e bile ke tla le tsebatša, e le gore lerato leo o nthatilego ka lona le be go bona gomme nna ke be boteeng le bona.”"

²⁷Eitše ge Jesu a boletše dilo tše, a tšwa le barutiwa ba gagwe ba ya ka mošola wa Moedi wa Kidirone moo go bego go na le serapa gomme yena le barutiwa ba gagwe ba tsena go sona."

²⁸Bjale Judase, e lego moeki wa gagwe le yena o be a tseba lefelo le, gobane Jesu o be a ile a gahlana gantši le barutiwa ba gagwe moo."

²⁹Ka gona Judase a tšea sehlopha sa bahlabani le bahlankedi ba baperisita ba bagolo le ba Bafarisei ba tla moo ba swere dirumula le mabone le dibetša."

³⁰Jesu ka go tseba dilo ka moka tšeo di bego di tla mo diragalela, a batamela a re go bona: “Le nyaka mang?”"

³¹Ba mo araba ba re: “Jesu wa Monatsaretha.” A re go bona: “Ke nna yena.” Bjale Judase, moeki wa gagwe le yena o be a eme le bona."

³²Lega go le bjalo, ge a re go bona: “Ke nna yena,” ba katakata gomme ba wela fase."

³³Ka gona, a buša a ba botšiša a re: “Le nyaka mang?” Bona ba re: “Jesu wa Monatsaretha.”"