Job Responds to Bildad

¹Ge nkabe ke itše: ‘Anke ke lebale matshwenyego a ka, Anke ke ediše sefahlego gomme ke phuthologe,’"

²Ke tšhaba mahloko a ka ka moka; Ke a tseba gore o ka se mpone ke le yo a se nago molato."

³Nna ke fetoga yo kgopo. Ke re’ng ke itapišetša lefeela?"

⁴Ge e ba ke hlapile ka meetse a kapoko, Ka hlwekiša diatla tša ka ka sesepe,"

⁵Gona o be o tla ntahlela ka moleteng, Ka hlaswa ke diaparo tša ka."

⁶Gobane ga se motho go swana le nna moo nka mo arabago, Moo re ka išanago tshekong."

⁷Ga go motho yo a ka re ahlolelago, Yo a ka bago moahlodi wa rena ka bobedi."

⁸Anke a tloše kgati ya gagwe go nna, Go boifiša ga gagwe anke go se ntšhoše."

⁹Anke ke bolele gomme ke se ke ka mo tšhaba, Gobane ga ke tšhabe go bolela le yena."

¹⁰“Moya wa ka o ila bophelo bja ka. Ke tla ntšha matshwenyego a ka ka nna. Ke tla bolela ke šulafaletšwe moyeng!"

¹¹Ke tla bolela le Modimo ka re: ‘O se ke wa re ke yo kgopo. Ntsebiše lebaka la gore o phenkgišane le nna."

¹²Na ke mo gobotse gore o dire se se fošagetšego, Gore o gane seo o se šometšego ka thata ka diatla tša gago, Le gore o dumelelane le morero wa ba kgopo?"

¹³Na o na le mahlo a nama, Goba na o bona go etša kamoo motho wa nama le madi a bonago ka gona?"

¹⁴Na matšatši a gago a etša matšatši a motho wa nama le madi, Goba na nywaga ya gago e no etša matšatši a motho,"

¹⁵Gore o leke go hwetša molato wa ka Le gore o dule o nyaka sebe sa ka?"

¹⁶Na o dirile seo o dutše o tseba gore ga ke na molato, Le gore ga go na yo a ka hlakodišago motho seatleng sa gago?"

¹⁷Diatla tša gago di mpopile tša ba tša ntira Ke feletše, eupša o tla tloga o mmetša."

¹⁸Hle gopola gore o mpopile ka letsopa Le gore o tla mpušetša leroleng."

¹⁹Na ga se wa ntšholla bjalo ka maswi Wa nthemiša bjalo ka maswi ge a kgahla?"

²⁰O nkapešitše letlalo le nama Wa ntoga ka marapo le mešifa."

²¹O mphile bophelo le botho; Tlhokomelo ya gago e letile moya wa ka."

²²Dilo tše o di utile ka pelong ya gago. Ke tseba gabotse gore dilo tše di go wena."

²³Ge ke dirile sebe, wena o bona tšeo ka moka Gomme ga o ntokolle molatong wa ka;"

²⁴Ge e ba ke na le molato, gona ke wa madimabe! Ge e ba ke se na molato, nka se tsoše hlogo, Ke pshirwa ke go nyatšwa e bile ke imelwa ke go hlakišwa."

²⁵Ge e ba hlogo ya ka e ka ikgogomoša, o tla ntsoma bjalo ka tawana, Le gona o tla buša wa ntirela dimakatšo."

²⁶O tla tliša dihlatse tša gago tše difsa ka pele ga ka, O tla nkgalefela kudu; Ke hlomerwe ke mathata."

²⁷Ke ka baka la’ng o nntšhitše popelong? Ge nkabe ke ile ka hwa gore go se be le leihlo leo le mponago,"

²⁸Nkabe go bile bjalo ka ge eka ga se ka ka ka ba gona; Nkabe ke tšwile ka mpeng ka išwa mabitleng.’"

²⁹Na matšatši a ka ga se a sego kae? Anke a ntese, A tlogele go ntsepelela, e le gore ke phuthologe go se nene"

³⁰Pele ke tloga—gomme ka se boe— Ka ya nageng ya leswiswi le ya kgampi ya leswiswi,"

³¹Nageng e širegilego go etša leswiswi, ya kgampi ya leswiswi Le tlhakatlhakano, moo seetša se sa fetego leswiswi.”"

³²Tsofara wa Naama a araba a re:"

³³“Na mantšu a mantši a ka se arabje, Goba na moikgantšhi a ka nepa?"

³⁴Na dipolelo tša gago tša lefeela di ka dira gore banna ba homole, Le gona na o ka dulela go kwera wa se be le yo a go kgalemago?"

³⁵E bile o re: ‘Thuto ya ka e sekile, Mahlong a gago ke ipona ke hlwekile.’"