Bildad's First Speech

¹Wasusela uBhiledadi wakwaShuwa, wathi,"

²Kunini na uthetha izinto ezinje? Engumoya omkhulu amazwi omlomo wakho?"

³UThixo angakwenza gwenxa na okusesikweni? USomandla angabenza gwenxa na ubulungisa?"

⁴Ukuba abantwana bakho bathe bamona yena, Wabanikela esandleni sesikreqo sabo;"

⁵Ukuba uthe wamfuna ngenkuthalo uThixo wena, Watarhuzisa kuSomandla;"

⁶Ukuba uthe wacoceka, wathi tye wena, Okunene, wovuka ngoku ngenxa yakho, Alisikelele ikhaya lobulungisa bakho;"

⁷Kuthi ukuqala kwakho kube kuyinto encinane, Ukuphuma kwakho kube kukhulu kakhulu."

⁸Kuba khawubuze kwisizukulwana saphambili; Uxunele ekugocagoceni kooyise baso:"

⁹Kuba singabezolo thina, asinakwazi; Ngokuba isisithunzi imihla yethu ehlabathini."

¹⁰Abayi kukuyala na abo, bathethe kuwe. Barhole amazwi entliziyweni yabo? bathi,"

¹¹Iyakhula na imikhanzi, kungekho mgxobhozo? Iyahluma na ingcobo, kungekho manzi?"

¹²Iseluhlaza, ingekaphiwa, Yoyiphangela ingca yonke ngokoma."

¹³Unjalo umendo wabo bonke abamlibalayo uThixo, Nethemba lomkhohlisi liyadaka;"

¹⁴Ngokuba ukugasa kwakhe kuyanqunyulwa; Yindlu yesigcawu ukukholosa kwakhe."

¹⁵Wayama ngendlu yakhe, ingemi; Ubambelela kuyo, ingahlali."

¹⁶Uluhlaza phambi kwelanga, Namagatya akhe ayaqabela eludongeni lwentsimi yakhe;"

¹⁷Iingcambu zakhe zijijene emweweni, Utyhudisa ezingcambeni zamatye."

¹⁸Ukuba uthe wamginya endaweni yakhe, Yomkhanyela ithi, Andikubonanga."

¹⁹Yabona, yiyo le imihlali yendlela yakhe, Ize eluthulini kuntshule abanye."

²⁰Yabona, uThixo akamcekisi ogqibeleleyo, Akababambi ngesandla abenzi bobubi."

²¹Uya kuwuzalisa umlomo wakho ngokuhleka, Nemilebe yomlomo wakho ngokuduma:"

²²Abakuthiyayo baya kwambatha ukudana, Ingabi sabakho intente yabangendawo,"