Job's Despair

¹Ge e ba o sekile e bile o lokile, Nkabe ga bjale a go phafogetše A tsošološa bodulo bja go loka ga gago."

²Le gona tša mathomong a gago e ka ba e bile tše nyenyane, Eupša tše di go tlelago mafelelong di tla oketšega ya ba tše dintši kudu."

³Hle botšiša ba meloko e fetilego, Gomme o ele hloko dilo tšeo di latišišitšwego ke botatago bona."

⁴Gobane rena re ba maabane gomme ga re tsebe selo, Gobane matšatši a rena a lefaseng ke moriti."

⁵Na bona ba ka se go rute, ba go botša, Le gona na ba ka se ntšhe mantšu go tšwa pelong?"

⁶Na lehlaka la papirase le ka golela godimo go se na mohlaka? Na lehlaka le ka gola go se na meetse?"

⁷Ge le sa dutše e le lehlogedi, le se la tšwa le robja, Le tla ba la omela bjang bjo bongwe ka moka pele."

⁸Di bjalo ditsejana tša bohle bao ba lebalago Modimo, Le kholofelo ya mohlanogi e tla fela,"

⁹Yoo kgodišego ya gagwe e kgaotšwego, Le yoo a botilego bolepu bja segokgo."

¹⁰O tla ithekga ka ntlo ya gagwe, eupša e ka se dule e eme; O tla itshwareletša ka yona, eupša e ka se dule e tiile."

¹¹O tletše seela go etša semela seo se metšego ka tlase ga letšatši, Dithabe tša gagwe di tletše serapa sa gagwe."

¹²Medu ya gagwe e tatagana mokgobong wa maswika, O bona ntlo ya maswika."

¹³Ge e ba motho a ka mo metša a le lefelong la gagwe, Le lona le tla mo latola la re: ‘Ga se ka ka ka go bona.’"

¹⁴Bona! Tsela ya gagwe e felela ka mokgwa woo; Leroleng gwa tšwa ba bangwe."

¹⁵Bona! Modimo yena a ka se gane motho le ge e le mang yo a se nago bosodi, Le gona a ka se sware badirabobe ka diatla,"

¹⁶O tla feleletša a tladitše molomo wa gago ka lesego, Le melomo ya gago ka tlhalalo."

¹⁷Ge e le bao ba go hloilego ba tla aparelwa ke dihlong, Gomme tente ya ba kgopo e ka se be gona.”"

¹⁸Jobo a araba a re:"

¹⁹“Ka kgonthe ke a tseba gore go bjalo. Eupša motho wa nama le madi a ka hloka molato bjang ge a le tshekong le Modimo?"

²⁰Ge e ba Modimo a ka kgahlwa ke go phenkgišana le yena, A ka se kgone go mo araba le e tee ya dipotšišo tše sekete (1 000)."

²¹O na le pelo e bohlale e bile ke yo matla kudu. Ke mang a ka mo ngangabalelago gomme a se gobale?"