Job Responds to Eliphaz

¹Le tla tšwela pele ka nako e kaakang go direla gaešita le tšhiwana matengwa, Le go ananya ka mogwera wa lena!"

²Bjale šidio, ntheetšeng, Le bone ge e ba ke tla le botša maaka mahlong."

³Naganišišang ka lefsa hle—a go se tsoge tša go se loke— Ee, naganišišang ka lefsa—go loka ga ka go sa le gona."

⁴Na go na le go se loke lelemeng la ka, Goba na magalagapa a ka ga a lemoge bošula?"

⁵“Na ga go na mošomo wa kgapeletšo bakeng sa motho wa nama le madi mo lefaseng? Le gona na matšatši a gagwe ga a swane le matšatši a mothwalwa?"

⁶O tloga a duma moriti go etša lekgoba, O letela moputso wa gagwe bjalo ka mothwalwa."

⁷Ka go re’alo ke neilwe dikgwedi tše di se nago mohola, Ke baletšwe mašego a go tshwenyega."

⁸Ge ke robetše ke ile ka ba ka ipotšiša ka re: ‘Ke tla tsoga neng?’ Ge e eba bošego, ke ile ka ba ka lala ke hlobaela go fihla ka mahube."

⁹Nama ya ka e tletše diboko le magogo a lerole; Letlalo la ka lona le na le magogo e bile le a phera."

¹⁰Matšatši a ka a kitima ka lebelo go feta leotwana la sedirišwa sa go loga, A fela go se na kholofelo."

¹¹Gopola gore bophelo bja ka ke phefo; Gore leihlo la ka le ka se sa buša la bona tše botse."

¹²Leihlo la yo a ntebeletšego le ka se mpone; Mahlo a gago a tla ntebelela, eupša ke tla ba ke se gona."

¹³Leru le a apoga gomme la felela; Ka gona le yo a theogelago Bodulabahu a ka se boe."

¹⁴A ka se hlwe a boela ntlong ya gagwe, Legae la gagwe le ka se hlwe le mo tseba."

¹⁵Le nna nka se thibe molomo wa ka. Ke tla bolela moya wa ka o le tlalelong; Ke tla bolela ka tše di ntshwenyago ke šulafaletšwe moyeng!"

¹⁶Na ke nna lewatle goba sephedi se segologolo sa ka lewatleng, Mo o bilego o ka mpeela moleti?"

¹⁷Ge ke be ke re: ‘Bolao bja ka bo tla nkhomotša, Malao a ka a tla nthuša go rwala tše di ntshwenyago,’"

¹⁸Wena o bile o ntšhošitše ka ditoro, Wa ntsenya letšhogo ka dipono,"

¹⁹Moo e bilego ke kgetha go bolawa ke sekhutamoya, Le go bona lehu go e na le go bona marapo a ka."

²⁰Ke ganne bophelo; nka se phele go iša mehleng ya neng le neng. Ntlogele, gobane matšatši a ka ke a sego kae."

²¹Motho wa nama le madi ke eng moo o bilego o ka mo godiša, Moo o ka bago wa bea pelo ya gago go yena,"

²²Moo o bilego o ka mo šetša mesong e mengwe le e mengwe, Moo o ka bago wa mo leka motsotso o mongwe le o mongwe?"

²³Ke ka baka la’ng o sa lese go ntsepelela, Goba wa ntlogela ka metša mare?"

²⁴Ge e ba ke dirile sebe, gona ke eng se nka go dirago sona, wena Mošetšabatho? O ntlhomaretše’ng mo ke bilego ke fetogile morwalo go wena?"

²⁵Ke ka baka la’ng o sa ntebalele dikarogo tša ka Wa tshediša molato wa ka mahlo? Gobane bjale ke tla robala leroleng; O tla nnyaka, eupša ke tla ba ke se gona.”"

²⁶Bilidada wa Shua a araba a re:"

²⁷“O tla dulela go bolela dilo tše go fihla neng, Ge dipolelo tša molomo wa gago e no ba tša go tšeišwa phefo?"

²⁸Na Modimo yena a ka kgopamiša kahlolo, Goba na Ramatlaohle yena a ka kgopamiša toko?"

²⁹Ge e ba barwa ba gago ba mo diretše sebe, Moo a ilego a ba a ba lesa ba wela seatleng sa bofetogedi bja bona,"

³⁰Ge e ba wena o ka nyaka Modimo, Le gona ge e ba o ka kgopela Ramatlaohle gore a go amogele,"