Job's Restoration

¹Ge e le Yoo a dutšego magodimong o tla sega; Jehofa yena o tla ba kwera."

²Ka nako yeo o tla bolela le bona a galefile, O tla ba ferekanya a befetšwe o šoro,"

³A re: “Nna ena ke beile kgoši ya ka Tsione, thabeng ya ka e kgethwa.”"

⁴Anke ke bolele ka taelo ya Jehofa; Yena o itše go nna: “O morwa wa ka; Nna lehono ke tatago."

⁵Nkgopele, gore ke go nee ditšhaba e be bohwa bja gago, Ke go nee le pheletšo ya lefase e be leruo la gago."

⁶O tla ba roba ka molamo wa tšhipi, Wa ba pšhatlaganya bjalo ka ge eka ke sebjana sa letsopa.”"

⁷Bjale lena dikgoši, dirišang temogo; Phošollegang lena baahlodi ba lefase."

⁸Hlankelang Jehofa ka poifo Gomme le thabe ka go thothomela."

⁹Atlang morwa, gore Modimo a se tuke bogale Le se tlo hwelela tseleng, Gobane bogale bja gagwe bo tuka gabonolo. Go thaba bohle bao ba tšhabelago go yena."

¹⁰Koša ya Dafida ge a be a tšhaba ka baka la Abesalomo morwa wa gagwe. Ao Jehofa, ke ka baka la’ng manaba a ka e le a mantši? Ke ka baka la’ng ba bantši ba ntsogela matla?"

¹¹Ba bantši ba bolela ka moya wa ka ba re: “A ka se phološwe ke Modimo.” Se?lah."

¹²Eupša ge e le wena Jehofa, o kotse ya ka, Letago la ka le Yo a tsošago hlogo ya ka."

¹³Ke tla bitša Jehofa ka lentšu la ka, Yena o tla nkaraba a le thabeng ya gagwe e kgethwa. Se?lah."

¹⁴Ge e le nna ke tla sekama gore ke robale; Ke tla phafoga, ka gobane Jehofa yena o dula a nthekga."

¹⁵Nka se boife batho ba dikete tše lesome (10 000) Bao ba ntikologilego e bile ba itokišeditše go lwa le nna."

¹⁶Ema hle Jehofa! Mphološe, hle Modimo wa ka! Ka gobane manaba a ka ka moka o tla a otla mohlagareng. Meno a ba kgopo o tla a pšhatla."

¹⁷Phološo e tšwa go Jehofa. Tšhegofatšo ya gago e go batho ba gago. Se?lah."