God Answers Out of the Whirlwind

¹Gore e kolobiše mafelo a senyegilego le a mašope Le go hlogiša bjang?"

²Na pula e na le tate, Goba ke mang yo a belegego marothodi a phoka?"

³Lehlwa le tšwa ka mpeng ya mang, Ge e le šobane ya legodimong, ke mang a e belegago?"

⁴Meetse a ikuta bjalo ka ge eka a ka tlase ga leswika, Bokagodimo bja bodiba bo a kgahla."

⁵Na o ka tlema sehlopha sa dinaledi seo se bitšwago Kima ka ditlemo wa se tiiša, Goba na o ka tlemolla dithapo tša sehlopha sa dinaledi seo se bitšwago Kesile?"

⁶Na o ka tšweletša sehlopha sa dinaledi seo se bitšwago Matsarothe nakong ya sona e beilwego? Ge e le sehlopha sa dinaledi seo se bitšwago Ashe gotee le barwa ba sona, na o ka di eta pele?"

⁷Na o tseba melao ya magodimo, Goba na o ka diriša melao yeo e a bušago mo lefaseng?"

⁸Na o ka hlatlošetša lentšu la gago marung, E le gore meetse a mafula ona a go khupetše?"

⁹Na o ka roma magadima a ya, Gomme a re go wena: ‘Ke rena ba!’?"

¹⁰Ke mang yo a beilego bohlale marung, Ke mang yo a neilego dimaka tša leratadimeng kwešišo?"

¹¹Ke mang yoo ka bohlale a ka balago maru, Goba ke mang a ka thenolago dinkgo tša meetse tša legodimong,"

¹²Ge lerole le tšhologa bjalo ka ge eka ke selo se se tološitšwego, Gomme makwate a mmu ona a kgomarelana?"

¹³Na o ka tsomela tau dijo? Na o ka khoriša ditawana ge di swerwe ke tlala,"

¹⁴Ge di bobame mafelong a tšona a go utama, Goba di iphihlile moo di lalelago gona?"

¹⁵Ke mang a lokišetšago legokobu dijo tša lona Ge mafotwana a lona a llela gore Modimo a a thuše, Ge a ralala gobane go se na sa go ja?"

¹⁶“Na o tseba nako e beilwego ya gore dipudi tša thaba tša magageng di tswale? Ge dikgama tše ditshadi di tswala gabohloko, na o a di bona?"

¹⁷Na o bala dikgwedi tša go duša ga tšona, Goba na o tseba nako ya tšona e beilwego ya go tswala?"

¹⁸Di a kudupana ge di tswala bana ba tšona, Ge di fediša dihlabi tša tšona."

¹⁹Bana ba tšona e ba ba matla, ba golela nageng; Ba a tloga ba se sa boela go tšona."

²⁰Ke mang a lokolotšego pitsi ya itshepelela, Le gona ke mang a tlemolotšego ditlemo tša pokolo ya lešoka,"

²¹Tšeo ke di neilego leganata ya ba dintlo tša tšona Gomme madulo a tšona ya ba naga ya letswai?"

²²Pokolo ya lešoka e sega khuduego e lego motseng; Ga e kwe lešata la mohlomari."

²³E nyaka mafulo a yona dithabeng Gomme ya tsoma mohuta o mongwe le o mongwe wa dimela tše ditala."

²⁴Na poo ya naga e nyaka go go hlankela, Goba na e ka lala legopong la gago?"

²⁵Na o ka tlema poo ya naga wa e tiiša ka dithapo tša yona gore e leme tema, Goba na e ka thuba makwate meeding o e šetše morago?"

²⁶Na o ka e bota ka ge e na le matla a magolo, Le gona na o ka e tlogelela mošomo wa gago?"

²⁷Na o ka holofela gore e tla go bunela Le gore e tla kgobela seboeng sa gago?"

²⁸Na lephego la mpšhe ya tshadi le phuphusetše ka lethabo, Goba na seo ga se sa dirwa ke maphego a mogolodi le mafofa a wona?"

²⁹Gobane e tlogela mae a yona fase Gomme ya a alamela leroleng,"

³⁰E lebala gore dinao tše dingwe di ka a pšhatlaganya Goba gaešita le gore sebata sa nageng se ka a gatakela."

³¹E swara bana ba yona makgwakgwa, bjalo ka ge eka ga se ba yona— E itapišetša lefeela gobane ga e na taba le bona."

³²Gobane Modimo o e lebaditše bohlale, Gomme ga se a e abela kwešišo."

³³Nakong ya ge e phuphusedišetša maphego a yona godimo, E sega pere le monamedi wa yona."

³⁴Na o ka nea pere matla? Na o ka apeša molala wa yona ka moetse wa go tšhirimoga?"

³⁵Na o ka dira gore e taboge go etša tšie? Ge e letša dinko e a tšhoša."

³⁶E fata moeding gomme ya taboga ka matla; E tšwela go yo gahlanetša ditlhamo."

³⁷Tša go boifiša di a e segiša, gomme ga e tšhoge; Le gona ga e gomišwe ke tšhoša."

³⁸Kgotlopo e kgehlakgehla e le mo go yona, Go bjalo le ka bogale bja lerumo le sebetša."

³⁹E ja fase ka lebelo ka go kibakiba le ka phišego, Le gona ga e kgolwe gore e kwa modumo wa lenaka."

⁴⁰Gateetee ge lenaka le lla e re Agaa! E nkgelela ntwa e le kgole, Mpherefere wa dikgošana le mokgoši wa ntwa."

⁴¹Na ke ka kwešišo ya gago ge pekwa e akalala, Ge e phurollela maphego a yona phefong ya borwa?"