Elihu's Final Speech

¹Waqokela uElihu, wathi,"

²Khawenze kuhle, ndikutyele; Kuba kusekho ukuthetha okusingisele kuThixo."

³Ndiya kukuphakamisela entweni ekude ukwazi kwam, Ndimnike ubulungisa uMenzi wam."

⁴Okwenene, akubuxoki ukuthetha kwam; Ogqibeleleyo ngokwazi uphambi kwakho."

⁵Yabona, uThixo unamandla, akacekisi bani; Unamandla ngokuqina kwengqondo."

⁶Akamlondolozeli ebomini ongendawo; Iintsizana uzinika ibango lazo."

⁷Akawasusi amehlo akhe kwabangamalungisa; Ubahlalisa kunye nookumkani etroneni Ngonaphakade, baphakame ke."

⁸Ukuba bakhonkxiwe ngemixokelelwane, Bebanjiwe ngezintya zeentsizi,"

⁹Ubaxelela izenzo zabo Nezikreqo zabo; ngokuba bezenza amagorha."

¹⁰Uzityhilela intethiso iindlebe zabo; Uthi mababuye ebutshingeni."

¹¹Ukuba bathe beva, bamkhonza, Boyigqiba imihla yabo ekulungeni, Neminyaka yabo ebumnandini."

¹²Ukuba bathe abeva, bogqithela emkhontweni, Baphume umphefumlo bengenakwazi."

¹³Ke abaziintshembenxa ngentliziyo babamba umsindo; Abazibiki xa abakhonkxayo;"

¹⁴Ufe ke ebuncinaneni umphefumlo wabo, Nobomi babo bube bobeng’awu kwindawo engcwele."

¹⁵Uyamhlangula olusizana ngeentsizi zakhe, Ayityhile indlebe yakhe ngokuxinwa kwabo."

¹⁶Nawe ubengakukhululayo yena emlonyeni wembandezelo, Akuse endaweni ebanzi, emzantsi ungacuthekileyo; Nokubekwa etafileni yakho kuzale kukutyeba."

¹⁷Ke wena uzele kukugweba kwabangendawo; Ukugweba nokugwetywa kunako ukukubamba."

¹⁸Kuba ubushushu mabungakuxhokonxeli ekutyhwakrazeni izandla, Nobukhulu bocamagusho mabungathi gu bucala."

¹⁹Ukuzibika kwakho kokubeka ngaphandle kwembandezelo na, Nemigushanxa yonke yamandla?"

²⁰Musa ukuzonda ubusuku Bokususa izizwe esikhundleni sazo."

²¹Lumka, ungaguqukeli konobutshinga; Kuba unyule loo nto kuneentsizi."

²²Yabona, uThixo uphakamise ukwenza ngamandla akhe; Ngubani na umyali onjengaye?"

²³Ngubani na omphathise indlela yakhe; Ngubani na ongathi, Wenze ngobugqwetha?"

²⁴Khumbula ukuba uwukhulise ngendumiso umsebenzi wakhe, Awuhlabele ingoma amadoda."

²⁵Bonke abantu bayawubona; Umntu uwukhangela emgama."

²⁶Yabona, uThixo mkhulu, asimazi; Inani leminyaka yakhe aligocagoceki."

²⁷Kuba utsalela phantsi amathontsi amanzi, Achaphaze eyimvula enkungwini yakhe,"

²⁸Esiyinisayo isibhakabhaka, Ivuze phezu kwabantu abaninzi."

²⁹Kanene baya kuqonda na ukwanekwa kwamafu, Nokuzongoma komnquba wakhe?"

³⁰Yabona, waneka phezu kwakhe ukukhanya kwakhe, Azigubungele ngamazantsi olwandle."

³¹Kuba ngezo nto ugqweba izizwe, Unika ukudla ngento eninzi."

³²Izandla zozibini uzigubungela ngombane, Awuwisele umthetho ngokochanayo."

³³Ukugquma kwakhe kuyamxela, Kwaneenkomo, ukuba uza kunyuka."