Elihu's Final Speech

¹Gobane o ga marothi a meetse; A hlotlega e le pula gomme ya ba kgodi ya gagwe,"

²E le gore maru a rothe, A rothela batho e le a mantši."

³Ke mang a ka kwešišago boalo bja maru, A kwešiša medumo ya mošašeng wa gagwe?"

⁴Bona! O apareditše seetša sa gagwe godimo ga wona, Gomme o khurumeditše botlase bja lewatle."

⁵Gobane ka tšona o phophothela merafo; O nea dijo ka boati."

⁶Ka diatleng tša gagwe o khupeditše legadima, Gomme o le nea taelo gore le fediše mosenyi."

⁷Go duma ga gagwe go bolela ka yena, Le diruiwa di bolela ka yo a rotogago."

⁸“Pelo ya ka e thothomedišwa ke se, E bile e itia ka matla e le madulong a yona."

⁹Theetšang ka kelohloko go duma ga lentšu la gagwe, Le go bopa mo go tšwago molomong wa gagwe."

¹⁰O go kwagatša tlase ga magodimo ka moka, Gomme legadima la gagwe le fihla pheletšong ya lefase."

¹¹Le šalwa morago ke modumo wa go rora; Yena o galagatša modumo wa bogolo bja gagwe, Le gona ga a le thibele ge lentšu la gagwe le kwewa."

¹²Modimo o galagala ka tsela e makatšago ka lentšu la gagwe, O dira dilo tše dikgolo tšeo re ka se di tsebego."

¹³Gobane o botša kapoko a re, ‘Wela lefaseng,’ Le pula ya matlorotloro gaešita le dipula tša gagwe tše matla tša matlorotloro a di botša bjalo."

¹⁴O emiša modiro wa motho wa lefaseng Gore motho yo mongwe le yo mongwe wa nama le madi a tsebe modiro wa Gagwe."

¹⁵Sebata se tšwa mo se utamego gona, Gomme se dula mo se iphihlago gona."

¹⁶Ledimo le tšwa phapošing ya ka gare Gomme go tonya go tšwa diphefong tša ka leboa."

¹⁷Mohemo wa Modimo o tšweletša lehlwa Gomme boalo bja meetse bo kgahlile."

¹⁸Ee, o imetša leru ka monola, Seetša sa gagwe se phatlalatša maru,"

¹⁹O a iša kua le kua ka go a laola gore a dire modiro wa ona Kae le kae moo a a laelago gore a ye gona nageng e tšweletšago ya lefase."

²⁰E ka ba e le bakeng sa kgati goba naga ya gagwe Goba bakeng sa botho, o dira gore a be le se a se dirago."

²¹Sekegela se tsebe wena Jobo; Ema o re tuu! O ele hloko mediro e makatšago ya Modimo."

²²Na o tseba gore Modimo o a abetše neng modiro wa yona, Le gore o tagišitše neng seetša sa leru la gagwe?"

²³Na o tseba ka leemo la maru, Mediro e makatšago ya Yoo a nago le tsebo e phethagetšego?"

²⁴Gore na diaparo tša gago di fiša gakaaka’ng Ge lefase le homola go tloga ka borwa?"

²⁵Na o ka phurolla leratadima o na le yena Ka go le bata go etša seipone se se dirilwego ka go tološwa?"

²⁶Re tsebišeng seo re ka mmotšago sona; Ga re kgone go ntšha mantšu ka baka la leswiswi."

²⁷Na o swanetše go begelwa gore ke nyaka go bolela? Goba na go na le motho le ge e le ofe yo a itšego se se tla bolelwa?"

²⁸Bjale ga ba bone seetša; Se phadima leratadimeng, Ge phefo yona e fokile gomme ya phatlalatša maru."

²⁹Letago la gauta le tla le etšwa leboa. Bogolo bja Modimo bo a boifiša."

³⁰Ge e le Ramatlaohle, ga se ra mo hwetša; Ke wa matla a phagamego, Gomme toka le boati bja toko a ka se di nyenyefatše."

³¹Ka gona anke batho ba mmoife. Ga a šetše motho le ge e le ofe yo ka pelong ya gagwe a itšeago a le bohlale.”"

³²Jehofa a araba Jobo a le ledimong a re:"

³³“Ke mang yo yo a širago merero ya ka Ka mantšu a go hloka tsebo?"