Job Remembers Better Days

¹Gaešita le matla a diatla tša bona a be a nkhola ka eng? Ba feletšwe ke matla."

²Ga ba na matla ka baka la bohloki le tlala, Ba lomaloma tša tikologong e se nago meetse, Moo maabane go bego go na le ledimo e bile go šwalalantšwe."

³Dihlašaneng ba be ba roba mošunkwane o tokago letswai, Gomme modu wa mehlopi e le dijo tša bona."

⁴Ba tla rakwa setšhabeng; Batho ba tla ba kgadimola go etša lehodu."

⁵Ba tla dula motheogeng wa meedi ya mafula, Meleteng ya lerole le maswikeng."

⁶Ba tla goeletša ba le dihlašaneng; Ba tla pitlagana tlase ga bogopa."

⁷Barwa ba yo a hlokago tlhaologanyo le barwa ba tlhokaina, Ba otlilwe ba ba ba rakwa nageng."

⁸Bjale ke bile ke fetogile kopelo ya bona, Gomme ke sekwero go bona."

⁹Ba a ntlhaswa, ba nkatogile; Le gona ga se ba lesa go ntshwela ka mare sefahlegong."

¹⁰Gobane Modimo o hlephišitše lenti la bora bja ka gomme a nkokobetša, Bona ba ntlhephišetša ditomo."

¹¹Ba eme ka seatleng sa ka sa le letona go etša bana ba kgopo; Ba lokolotše dinao tša ka gore ke sepele, Eupša ba mpeela mapheko a bona a kotsi."

¹²Ba sentše ditsela tša ka; Ba be ba sa nkhole ka selo ge e se go ntlišetša mathata, Ba se na le ka mothuši."

¹³Ba tla bjalo ka ge eka ba tsena ka lešoba le legolo; Ba pshikologa gare ga ledimo."

¹⁴Ke wetšwe ke tšeo di tšhošago ka tšhoganetšo; Bokgomana bja ka bo rakedišwa bjalo ka ge eka ke ka phefo, Gomme phološo ya ka e fetile bjalo ka leru."

¹⁵Bjale moya wa ka o hwelela ka go nna; Ke wetšwe ke matšatši a mohlako."

¹⁶Bošego marapo a ka a lala a fehlega gomme a ba eka a a kgolega, Le bohloko bjo bo nkokonago ga bo fele le gatee."

¹⁷Seaparo sa ka se fetošwa ke matla a magolo; Se ntateditše go etša molala wa seaparo sa ka se setelele."

¹⁸O nkwišeditše letsopeng, Gore ke swane le lerole le melora."

¹⁹Ke llela gore o nthuše, eupša ga o nkarabe; Ke eme, gore o nkele hloko."

²⁰O iphetotše yo sehlogo go nna; O mpontšha bonaba ka matla a feletšego a seatla sa gago."

²¹O nkukela phefong, wa dira gore e ntšee; Ke moka wa mpšhatlaganya ka yona."

²²Gobane ke tseba gabotse gore ge ke hwile o tla mpuša, Wa mpuša le ntlong yeo go kopanago yo mongwe le yo mongwe wa ba phelago."

²³Eupša ga go motho yo a otlollago seatla sa gagwe a lwa le mokgobo feela wa mašope, Le gona nakong ya ge motho a felelwa ke matla ga go yo a llelago thušo ka baka la dilo tšeo."

²⁴Ke be ke llela yoo a lebeletšanego le letšatši le boima; Moya wa ka o be o kwela modiidi bohloko."

²⁵Le ge ke be ke letetše tše botse, fela go be go etla tše mpe; Ke be ke letetše seetša ka mehla, eupša gwa tla leswiswi."