Job's Reply

¹Waphendula uYobhi, wathi,"

²Utheni na wena ukumnceda ongenamandla, Nokuyisindisa ingalo engenamandla?"

³Utheni na ukumcebisa ongenabulumko, Ukumazisa kunene into eyiyo?"

⁴Uxelele bani na ukuthetha? Kukuphefumla kukabani na okuphume kuwe?"

⁵Abangasekhoyo bayazibhijabhija Ngaphantsi kwamanzi, nabemi bawo."

⁶Lize elabafileyo phambi kwakhe, Ayinasigubungelo inzonzobila."

⁷Ulaneka izulu langasentla enyanyeni, Axhome ihlabathi phezu kokungeni."

⁸Ubopha amanzi emafini akhe, Lingagqabhuki ilifu ngaphantsi kwawo."

⁹Uvingca umphambili wetrone, Aneke ilifu lakhe phezu kwayo."

¹⁰Uzunguleza ubuso bamanzi ngomda, Kuse ekupheleni kokukhanya nobumnyama."

¹¹Iintsika zamazulu ziyanyenganyenga, Zingakhulumi kukukhalima kwakhe."

¹²Ngamandla akhe ugxobhagxobha ulwandle, Ngengqondo yakhe uqoba uRahabhi."

¹³Ngomoya wakhe wenza ukuba lise izulu; Isandla sakhe sayihlaba inyoka enyebelezayo."

¹⁴Yabona, ngamancam eendlela zakhe lawo; Iyini na ke intsebezo yelizwi esiyivayo ngaye? Ke yona indudumo yemisebenzi yobugorha bakhe ingaqondwa ngubani na?"