The Wicked

¹Yini na ukuba kungabekwa maxesha nguSomandla? Yini na ukuba abamaziyo bangaziboni iimini zakhe?"

²Kushenxiswa imilimandlela; Kuphangwa imihlambi, yaluswe."

³Kuqhutywa kumkiwe ne-esile lenkedama, Kubanjiswe ngenkomo yomhlolokazi."

⁴Kugilwa amahlwempu endleleni, Bazimele ndawonye abaziintsizana belizwe."

⁵Khangela, njengamaesile asendle entlango, Baphuma ngomsebenzi wabo, befuna kwakusasa into yokudla; Inkqantosi sisonka sabantwana kubo."

⁶Esisimini bavuna ukutya kwabo, Babhikice esidiliyeni songendawo."

⁷Balala ze bengenangubo, Abananto yokuzigubungela engqeleni,"

⁸Bayanetha sisiphango seentaba; Bancathama ngeliwa, bengenandawo yakuzimela."

⁹Kuhluthwa ebeleni iinkedama, Koniwe abaziintsizana."

¹⁰Bahamba ze, bengenangubo; Bathwala izithungu, belambile."

¹¹Phakathi kweendonga zabaya bakhama ioli, Baxovula ezixovulelweni zewayini, benxaniwe noko."

¹²Emizini kugula amadoda, Nomphefumlo wabangxwelerhiweyo uyakhala; Kanti uThixo akathi bubuhilihili."

¹³Ngabo abo bagwilika ekukhanyeni; Abanakwazana neendlela zako, Abahlali ezingqushwini zako."

¹⁴Kusathi qhiphu ukusa, kuvuka isihange, Sibulale iintsizana namahlwempu; Ebusuku sibe njengesela."

¹⁵Iliso lomkrexezi ligcine ungcwalazi; Uthi, Akukho liso liya kundalama, Anxibe isigqubuthelo ebusweni."

¹⁶Bagqobhoza izindlu emnyameni; Emini bayazivalela, Abazani nokukhanya."

¹⁷Ngokuba ubumnyama obuthe shinyi bukukuza kokusa kubo bonke; Ngokuba bazana nokhwankqiso lobumnyama obuthe shinyi."

¹⁸Bayakhawuleza phezu kwamanzi; Sitshabhisiwe isabelo sabo ehlabathini; Abasasingi endleleni yesidiliya."

¹⁹Amanzi ekhephu ahluthwa ngumqwebedu nakukubalela; Aboni bahluthwa lelabafileyo."

²⁰Sibalibele isizalo; iimpethu ziyabamunya, Ababi sakhunjulwa; Baphulwe ke njengomthi ubugqwetha."

²¹Bamphanga kakubi oludlolo, ongazalanga; Abangamenzelanga okulungileyo umhlolokazi."

²²Wolula imihla yeembalasane ngamandla akhe, Ziphakame bezise zibuncamile ubomi."

²³Uzinika inkoloseko, zayame, Amehlo akhe abe phezu kweendlela zazo,"

²⁴Ziphakame: kube mzuzwana zingabikho. Zithe ngqu, zibuthiwe njengabanye bonke, Zinqanyulwe njengesikhwebu sengqolowa."

²⁵Ukuba kanti akunjalo, ngubani na owondenza othetha amanga, Akwenze into engento ukuthetha kwam?"